बझाङ (१) या प्रदेशसभा उपनिर्वाचनय् नेकपा एमालेया दमनबहादुर भण्डारी निर्वाचित जूगु दु।

सोमवाः थौ क्वचाःगु मतगणनाय् भण्डारीं ११ हजार ६१३ मत हया निर्वाचित जुगु दु। वयकःया निकटतम प्रतिस्पर्धी नेपाली कांग्रेसया अभिषेक सिंहं ११ हजार ३४६ मत हःगु खः।

मत गणना क्वचाये धुका निर्वाचन आयोगं मत परिणाम औपचारिक कथं सार्वजनिक याःगु मदुनि। उम्मेदवारं मुचुल्काय् ल्हाःचिं तये धुका जक औपचारिक कथं घोषणा यायेगु धका प्रमुख निर्वाचन अधिकृत सुदर्शन लामिछाने न धाःगु दु।

उपनिर्वाचनय् माओवादी केन्द्रया उम्मेदवार जनक बुढां ३ हजार ८३१ मत हःगु खः। अथेहे एकीकृत समाजवादीया दिलबहादुर सिंहं २५१४ मत हःगु दु।

सरकारं गुथिइ दुगु ऐनयात संशोधन याना सरोकारवालात सहलह जुगु छगु ज्याझ्वलय् छायाँ सेन्टरया सम्बन्धय् सर्वोच्च अदालतं लिपागु आदेशयात मार्गनिर्देशन कथं कया देयन्यक च्वंगु गुथिया जग्गा अतिक्रमणविरुद्ध छानबिन यायेमाः धका सरोकारवालातय्स बः बिउगु दु।

सर्वोच्चं छायाँ सेन्टरय् जुगु अतिक्रमण याःगु पँलेस्वां पूखु (कमलपोखरी) विस्तृत विवरण संकलन याना उकिया सत्यतथ्यया कया उगु विवरण लच्छिया दुने विवरण लःल्हाय्त उत्प्रेषण आदेश बिःगु दु। अदालतया आदेश कथं छायाँ सेन्टेर अतिक्रमण जुगु सम्बन्धय् विस्तृत विवरण मालेगु दायित्व सरकारया ब्बलय् बःगु दु।

थ्व हे झ्वलय् आः गुलि न अतिक्रमण जुयाच्वंगु गुथिया जग्गा मालेगु तक लँ चाःगु धका एकिकृत गुथिया आन्दोलनया न्ह्यलुवा तयेस धाःगु खः। भूमि व्यवस्था लिसे सहकारी मन्त्रालयय् जुगु छगु सहलह ज्याझ्वल दुथ्यापि गुथि आन्दोलनया न्ह्यलुवाः नाप वरिष्ठ पत्रकार सुरेशकिरण मानन्धरं भूमि व्यवस्था मन्त्री बलराम अधिकारीयात नाप उगु पुचःयात सर्वोच्चं बिःगु उगु उजंयात सरकारं मार्गनिर्देशक कथं कया आः गुलि न अतिक्रमण जुयाच्वंगु गुथिया जग्गाया छानबिन याये न्ह्यने वनेमाः धका धयादीगु खः।

वयकलं धयादीगु दु– ‘सर्वोच्च अदालतं वि.सं १९६५ या साविक लगत कथं अनुसार मालेत सरकारं आदेश बिःगु दु धका धयादीसे वयालिपाय जग्गा माले मफु धका धाये मज्यु धका वयकः न धयादीगु खः। सरकारं यःसा व उगु कथं ज्या यायेगु खःसा गुथि जग्गा अतिक्रमणविरुद्ध सरकारं आःतक जुगु दकलय् बालागु ज्या मध्ये थ्व न छगु ज्या कथं इतिहासय् दुथ्याइ।’

महिला, बालबालिका लिसे ज्येष्ठ नागरिक मन्त्री भगबती चौधरीं नेपालय् लगानी याये चाहेजूपि लगानीकर्ता तयेगु लागि वातावरण तयार यायेमाः धका धयादीगु दु।

वैदेशिक लगानीकर्तातय्त आकर्षित यायेगु आज्जु कथं ग्वसाः ग्वःगु ‘नेपाल लगानी सम्मेलन २०२४’ या सन्दर्भय् सञ्चारकर्मीत नाप खँल्हानादीसे मन्त्री चौधरीं अथे धयादीगु खः।

वयकलं धयादीगु दु, ‘लगानीकर्तातय्त झीसं वातावरण दय्का बिइमाः। छु छु ऐन, कानूनया कारणं वइगु समस्या समाधानया लागि अध्यादेशपाखे लगानी सम्मेलनयात हे आधार दय्का अध्यादेश हःगु दु। खासयाना खुसीइ च्वंगु कोरिडोरया विषय खः। बाध्यात्मक अवस्था सिर्जना याइगु चिज, वातावरणीय खँ दुथ्याइ।’ लगानी यायेगु निति नेपाः छगु सम्भावना दुगु देय् खः धका धयादीसे मन्त्री चौधरीं कानूनी, भौगोलिक लिसे रणनीतिक हिसाबं न लगानीया लागि सम्भावना दु धका धयादीगु खः।

वयकलं धयादीगु दु, ‘नेपालय् लगानी यायेगु निति यक्को हे सम्भावना दु। अथे जुगुलि वैदेशिक लगानीकर्तातय्त नेपालय् हे लगानी यायेत इनाप याये। अन्तर्राष्ट्रिय लिसे राष्ट्रिय लगानीकर्ता सकसित थन थाय् न दु व सम्भावना न दु।’

इलाम २ या मत ल्याखायेगु ज्या जुयाच्वंगुलि फाकफोकथुम गाउँपालिकाया वडा नम्बर ४ य् थ्यःगु इलय् नेकपा एमालेया सुहाङ नेम्वाङ न्ह्यने लागु दु।

१,२ व ३ नम्बरय् कांग्रेसया डम्बर न्ह्यने लागु खःसा आः सुहाङ न्ह्यने लागु दु। वडा नम्बर ४ य् तक क्वचाःगु इलय् एमाले २५४२ मत हया न्ह्यने लागु दु सा कांग्रेसया २१९७ मत, स्वतन्त्र उम्मेदवार डाकेन्द्र थेगिमं ५९३ व रास्वपाया मिलन लिम्बुं ३७९ मत हःगु दु।

फाकफोकथुम १,२,३,४ जम्मा वडाय् ५ हजार ७७८ मत गणना जुगु दु। आः फाकफोकथुमनया वडा नम्बर ५ य् मत ल्याखायेगु ज्या जुयाच्वंगु दु।

काठमाडौं मोडल स्कूलं शिक्षासेवी नातिकाजी महर्जनयात छगु ज्याझ्वः दथुइ सम्मान याःगु दु।

येँया जमःस्थित राष्ट्रिय नाचघरय् जूगु स्कूलया दिक्षान्त समारोहय् प्रभात मा.वि. या पूर्व शिक्षकलिसें मोडल स्कूल व्यवस्थापन समितिया पूर्व नायः महर्जनयात हंगु खः।

उगु ज्याझ्वलय् ज्ञानोदय मा.वि. या पूर्व प्रधानाध्यापक नातिकाजी महर्जनं शिक्षासेवी महर्जनयात हनादिल । पूर्व प्रधानाध्यापक महर्जनं दोसल्ला न्ययेकादिल सा स्कूलया निर्देशक राजेन्द्र महर्जनं हनापौ लःल्हानादिल। ज्याझ्वलय् स्कुलया पूर्व प्राथमिक तह, आधारभूत तह व माध्यमिक शिक्षा परीक्षा ताःलाःपिं विद्यार्थीतयत नं सम्मान याःगु खः।

उगु हे ज्याझ्वलय् स्कूलया शिक्षकतयत दीर्घ सेवा सम्मान नं ब्यूगु खः। स्कूलया निर्देशक राजेन्द्र महर्जनं किताबी आखः जक स्वयां व्यवहारिक ज्ञान, नैतिक शिक्षा मचातयत बीगु नितिं शिक्षक व अभिभावकं कुतः यायेमाःगुलिइ बः बियादिल ।

ज्याझ्वलय् स्कूलया विद्यार्थीतयसं शिव ताण्डव, के पप, फ्लेमिङ्गो, मार्सल आर्ट डेमो, अर्केस्ट्रा लिसेंया न्ह्यब्वया न्ह्यब्वःगु खः।