• Read more about ranja-hisi

इलाम क्षेत्र नम्बर २ या उपनिर्वाचनय् राष्ट्रिय स्वतन्त्र पार्टी (रास्वपा) याःगु जमानत जफत जूगु दु। माओवादी केन्द्र त्वःता रास्वपापाखे उम्मेदवार जुम्ह मिलन लिम्बुं ५ हजार ५० मत जक हःगु खः।

प्रतिनिधि सभा सदस्य निर्वाचन ऐन २०७४ या व्यवस्था कथं कुल सदर मतय् १० प्रतिशत हयेमफुगुलि लिम्बुया जमानत जफत जुगु खः।

उगु उपनिर्वाचनय् ६९ हजार ३७४ मतमध्ये ६८ हजार ४७२ मत सदर जूगु खः। ९०२ मत बदर जूगु खः।

प्रतिनिधि सभा सदस्यया लागि इलाम क्षेत्र नम्बर २ य् जुगु उपनिर्वाचनय नेकपा एमालेया सुहाङ नेम्वाङ विजयी जूगु दु।

निकटतम प्रतिस्पर्धी नेपाली कांग्रेसया उम्मेदवार डम्बर खड्कायात ५ हजार ८३० मत अन्तरं लिउने लाका सुहाङं त्याकूगु खः।

सुहाङं २७ हजार ७७२ मत हःगु खः। कांग्रेसया उम्मेदवार खड्कां २१ हजार ९४२ मत हःगु खः। उगु निर्वाचनय् पहिचान पक्षधरया स्वतन्त्र उम्मेदवार डकेन्द्रसिंह थेगिमं ११ हजार ४५७ व राष्ट्रिय स्वतन्त्र पार्टीया उम्मेदवार मिलन लिम्बुं ५ हजार ५० मत हःगु खः। 

थ्वहे वइगु चौलागा द्वादसी बैशाख २४ गते बागमती प्रदेशं तामाङ व नेपालभाषा प्रदेशस्तरीय सरकारी कामकाजी भाषा कथं लागु जूगु दिंया लसताय् जुइगु ज्याझ्वः तःजिक हनेत समारोह समिति नीस्वंगु दु।

थौं सोमवाः छगु ज्याझ्वःयासे येँया नेपाः ब्यांक्वेटय् बागमती प्रदेश संस्कृति पर्यटन व सहकारी विकास मन्त्रालयया ग्वसालय् जूगु उगु भेलां ३०३ म्ह दुजः दूगु समारोह समिति नीस्वंगु दु। बागमती प्रदेशया संस्कृति पर्यटन व सहकारी विकासमन्त्री शैलेन्द्रमान बज्राचार्यया सभाध्यक्षताय् उगु भेलां अथे समारोह समिति नीस्वंगु खः।

ज्याझ्वलय् मन्त्री बज्राचार्यं अधिकार प्राप्त जुइधुंकाः उकियात छ्यलाबुला यायेगु नितिं सकलसित इनाप यानादिसें बागमती प्रदेशय् नेवाः व तामाङ भाय् सरकारी कामकाजीया भाषा कथं ऐन पारित जूगु तःधंगु उपलब्धी जूगु धासें थुगु ऐन लागु जूगु दिं कथं बैशाख २४ गते येँया बसन्तपुरय् सुथसिया ७ ता इलय् लसता ¥यालि व ९ ता इलय् प्रधानमन्त्री पुष्पकमल दाहाल प्रचण्डया मूपाहाँसुइ जुइगु लसता सभाय् ब्वति कायेत नं सकलसित इनाप यानादीगु खः।

मन्त्री बज्राचार्यं थ्व उपलब्धीयात जनजनय् थ्यंकेगु नितिं थःपिन्सं प्रदेशया मन्त्रिपरिषदया बैठकय् बैशाख २४ गते भाषा ऐन लागु जूगु दिं सार्वजनिक बिदा बिइमाःगु प्रस्ताव तयागु व उगु प्रस्ताव पारित जूगु धासें भाषिक अधिकारया रक्षा व छ्यलाबुला यानाः यंकेत सकलसित इनाप यानादीगु दु।

ज्याझ्वलय् नेवाः देय् दबूया नायः पवित्र बज्राचार्यं नेवाः व तामाङ जानाः नीस्वंगु प्रदेश सरकारी कामकाजी भाषा ऐन कार्यान्वयन शुभारम्भ समारोह समितिया दुजः कथं च्वनादीपिं नेवाःतय्गु नां न्ह्यब्वयादीगु खःसा अथेहे तामाङ घेदुङ संघंया सह अध्यक्ष कुमार सिं घिसिङ नं समारोह समितिइ दुजः जुयाः च्वनीपिनिगु नां न्ह्यब्वःगु खः।ज्याझ्वः नेवाः देय् दबूया न्वकू उमेश स्थापितं न्ह्याकादीगु खः ।

इलाम २ य् जुयाच्वंगु मतगणनाय् नेकपा एमालेया उम्मेदवार सुहाङ नेम्बाङ न्ह्यने लानाच्वंगु दु।

३२ हजार १९४ मत ल्याये धुकुगुलि नेम्बाङं १३,०६९ मत काःगु दु। अथेहे नेपाली कांग्रेसया उम्मेदवार डम्बरबहादुर खड्कां ८,३८६ मत काःगु दु।

निकटतम् प्रतिद्वन्द्वी उम्मेदवार दथुइ ४६८३ मतया अन्तर जुगु दु। स्वतन्त्र उम्मेदवार डकेन्द्रसिंह थेगिमं ८०९८ मत हःगु दु। राष्ट्रिय स्वतन्त्र पार्टीया उम्मेदवार मिलन लिम्बुं १७१३ मत काःगु दु।