प्रधानमन्त्री सुशीला कार्कीं नेपाल कम्युनिष्ट पार्टी (एमाले)या नायः केपी शर्मा ओलीलिसें वय्कःया छेँजःपिंत हार्दिक समवेदना प्वंकादीगु दु।

प्रधानमन्त्री कार्कीं पूर्वप्रधानमन्त्री ओलीया गुण्डुइ च्वंगु निवास वनाः वय्कःयात समवेदना प्वंकादिल। नायः ओलीया अबु मोहनप्रसाद ओली ९७ दँय् वंगु शुक्रबाः मदूगु खः।

गोरखाया सहिदलखन गाउँपालिका–३ कानटारय् शनिबाः जूगु माइक्रोबस दुर्घटनाय् घाःपाः जूपिंत भरतपुरया कलेज अफ मेडिकल साइन्सेस शिक्षण अस्पताल (पुलांगु मेडिकल कलेज)य् उपचार जुयाच्वंगु दु।

दुर्घटनाय् गुम्ह घाःपाः जूपिंत म्हिगः चान्हय् हे थन हःगु खः।अस्पतालया चिकित्सक डा सुदीप केसीया कथं न्याम्हेसिगु सघन उपचार कक्षय् उपचार जुयाच्वंगु खः। उपिंमध्ये स्वम्हेसिगु न्यूरो सर्जरी व निम्हेसिगु सर्जरी सघन उपचार कक्षय् उपचार जुयाच्वंगु धाःगु।

घाःपाः जूपिंमध्ये न्ह्य्म्ह भारतीय व निम्ह नेपाली खः।मनकामना दर्शन यानाः लिहाँवःपिं १६ म्ह भक्तजन सवार बाप्र ०१–००६ ख ८४३० नम्बरया माइक्रोबस सतकं थ्यंमथ्यं २०० मिटर क्वय् कुतुंवंगु खः। न्हय्म्ह भारतीयतय्गु घटनास्थलय् मदूगु प्रहरीं धाःगु खः। 

नेपाली कम्युनिस्ट पार्टीया संयोजक पुष्पकमल दाहाल प्रचण्ड नेकपा एमालेया अध्यक्ष नाप पूर्वप्रधानमन्त्री केपी शर्मा ओलीया अबु मोहनप्रसादया बिचाः हायकेत अस्पतालय् वःगु दु।

बिचाः हायेकेगु निति प्रचण्ड थिमिइ गठ्ठाघरय् नेपाल–कोरिया मैत्री अस्पतालय् वःगु खः।अध्यक्ष ओलीया अबु मोहनप्रसाद ९७ दँय् थौ चान्ह्यः नेपाल–कोरिया मैत्री अस्पतालय् मदुगु खः।

नेपाल कम्युनिष्ट पार्टी (एमाले) या अध्यक्ष केपी शर्मा ओलीया अबु मन्त। पूर्वप्रधानमन्त्री ओलीया अबु मोहनप्रसाद ओली ९७ दँया वैशय् थौं ख्वपया नेपाल–कोरियामैत्री अस्पतालय् मदूगु खः।

मदुम्ह ओलीया निम्ह काय् व स्वम्ह म्ह्याय् दु। वय्कःयात थौं हे पशुपति आर्यघाटय् अन्त्येष्टि याइगु अध्यक्ष ओलीया निजी सचिवालयं धाःगु खः।