येँ प्रतिनिधिसभा निर्वाचन क्षेत्र नं. ६ य् राष्ट्रिय स्वतन्त्र पार्टी (रास्वपा) या शिशिर खनाल विजयी जुगु दु। येँ– ६ या निर्वाचन अधिकृत चपला पोखरेलं रास्वपाया खनाल २७ हजार ७१९ मत हया विजयी जुगु दु धका जानकारी ब्यूगु दु।

खनालया निकटतम प्रतिद्वन्द्वी नेपाली कांग्रेसया कृष्ण बानियाँ क्षेत्रीं ६ हजार ६४७ मत काःगु खःसा नेकपा (एमाले) या अमनकुमार मास्कें ४ हजार ३७३ मत हःगु खः।

अथेहे राष्ट्रिय प्रजातन्त्र पार्टी (राप्रपा) या उद्धवराज भेटुवालं १ हजार २१८ व नेपाली कम्युनिस्ट पार्टी (नेकपा) या हेम लाल शर्मां १ हजार २६० मत हःगु खः।

येँ प्रतिनिधिसभा निर्वाचन क्षेत्र नं. ८ य् राष्ट्रिय स्वतन्त्र पार्टी (रास्वपा) या विराजभक्त श्रेष्ठ विजयी जुगु दु। येँ–८ या निर्वाचन अधिकृत सम्झना घिमिरं श्रेष्ठ २४ हजार ५९२ मतं विजयी जुगु दु धका धाःगु दु।

श्रेष्ठया निकटतम प्रतिद्वन्द्वी नेपाली कम्युनिस्ट पार्टी (नेकपा) या सुमन सायमीं ३ हजार २१७ मत हःगु खः।

नेपाली कांग्रेसया सपना राजभण्डारीं २ हजार ८३५, नेकपा (एमाले) या राजेश शाक्यं १ हजार ९०९, राष्ट्रिय प्रजातन्त्र पार्टी (राप्रपा) या नविन शाहीं १ हजार ९०९ मत हःगु खः।

भोजपुरया प्रारम्भिक मत लिच्वलय् संस्कृति पार्टीया ध्रुव राई न्ह्यने लानाच्वंगु दु। अरुण गाउँ पालिकाया १ व २ य् १९ सय ३५ मत ल्याःखायेगु क्वचाःगु दु।

श्रम संस्कृति पार्टीया ध्रुव राई न ४६७ मत काःगु दु सा नेकपा एमालेया शेरधन राई न ४६० मत काउगु दु।अथेहे कांग्रेसया बालकृष्ण थापां ३७० व रास्वपाया रमेश ओझां २७१ मत काःगु दु।

श्रम संस्कृति पार्टीया उम्मेदवार ध्रुव निर्वाचन जुुइगु न्ह्यः हे एमालेय् श्रम संस्कृति पार्टी प्रवेश याये धुकुगु खः

सुनसरी क्षेत्र नम्बर १ य् श्रम सस्कृती पार्टीया अध्यक्ष हर्क साम्पाङ लिउने लानाच्वंगु दु।

न्हापागु थासय् रास्वपाया गोमा तामाङ १४२ मत काउगु दु सा साम्पाङं ४९ मत काउगु दु।

अथेहे नेपाली कम्युनिस्ट पार्टीया सूर्यकुमार भट्टराई न १२ मत, एमालेया टिका मांगलेन लिम्बुं ८ व राप्रपाया उद्धव श्रेष्ठं ३४ मत काउगु दु।

तेह्रथुमय् नेकपा एमालेया उम्मेदवार भानुभक्त ढकालं ५१७६ मत हया न्ह्यने लानाच्वंगु दु।

अथेहे नेपाली कांग्रेसया सन्तोष लिम्बुं ४४६२ मत, रास्वपाया सुरेन्द्र कार्कीं ४१८१ मत व श्रम संस्कृति पार्टीकया सबिन्द्र थेगुवां २११२ मत काउगु दु।