सेयर बजाः कारोवार जुइगु थौ लिपागु दिं २.६२ ल्याखं थहावःगु दु। लगातार घटे जुया वनाच्वंगु स्वन्हु लिपा थौ बजाः सामान्य ल्याखं थहावंना नेप्से परिसूचक २७८८ ल्याखय् थ्यःगु दु।

अथेहे कारोबार रकम न थहावंगु दु।म्हिगः ६ अर्ब १६ करोडया कारोबार जुगुलि थौ ७ अर्ब ४६ करोडया कारोवार जुगु दु।१०८ गु कम्पनीया भाः थहावंगुलि १४१ गु कम्पनीया भाः कुहावःगु दु। मेमेगु समूह १ प्रतिशत स्वया अप्पो थहावःगु दु। बैंकिङ ०.५५, फाइनान्स ०.५३, होटल नाप पर्यटन ०.१०, हाइड्रोपावर ०.२०, जीवन बीमा ०.०५, माइक्रोफाइनान्स ०.१२ व निर्जीवन बीमा ०.२२ प्रतिशतं घटे जुगु दु।

विकास बैंक ०.१६, लगानी ०.१७, उत्पादन लिसे प्रशोधन ०.५७, मेमेगु १.८० व व्यापार ०.९७ प्रतिशतं थहावःगु दु।नेपाल रिपब्लिक मिडियाया भाः १० प्रतिशतं थहावःगु दु सा पन्चकन्या माइ हाइड्रोपावर ५.५६, राधि विद्युत ४.४३ लिसे अपर स्याङ्गे हाइड्रोपावर ४.२२ प्रतिशतं भाः थहावःगु दु।

नेपाल बैंकया भाः दकलय् अप्पो ५.९१ प्रतिशत, सिटी होटल ३.१६ व नेपाल एसबीआई बैंकया भाः २.८० प्रतिशतं कुहावःगु दु।नेपाल पुनर्बीमा, एनआरएन इन्फ्रास्ट्रक्चर, हिमालयन रिइन्स्योरेन्स व साहस ऊर्जा दलकय् अप्पो थौ कारोवार जुगु दु।

प्रधानमन्त्री लिसें कुलपति केपी शर्मा ओलीया न्ह्यने थीथी प्यंगू स्वास्थ्य विज्ञान प्रतिष्ठानया नवनियुक्त जुयादीपिं उपकुलपतिपिंसं थौं पद लिसें गोपनीयताया सपथ कयादीगु दु।

प्रधानमन्त्री लिसें मन्त्रिपरिषदया ज्याकुथि, सिंहदरबारय् जूगु ज्याझ्वलय् बिपी कोइराला स्वास्थ्य विज्ञान प्रतिष्ठानया उपकुलपति प्राडा विक्रमप्रसाद श्रेष्ठ, कर्णाली स्वास्थ्य विज्ञान प्रतिष्ठानया उपकुलपति सह प्राडा पुजनकुमार रोकाया, पाटन स्वास्थ्य विज्ञान प्रतिष्ठानया उपकुलपति प्राडा बुद्धिप्रसाद पौडेल व पोखरा स्वास्थ्य विज्ञान प्रतिष्ठानया उपकुलपति डा भरत खत्रीं सपथ कयादीगु खः।

मधेस प्रदेशया मुख्यमन्त्री सतिशकुमार सिंहलिसे भारतया जल शक्ति मन्त्रालयया स्वम्ह दुजः दूगु प्रतिनिधमण्डलं थौं सुथय् नापलानां मधेसय् खने दयाच्वंगु त्वनेगु लःया समस्या ज्यंकेया निंतिं छ्याता ब्यूगु दु।

भूमिगत जल लिसें उकिया छ्यलाबुलाया सम्बन्धय् पुचलं छ्याता ब्यूगु धकाः मुख्यमन्त्रीया ज्याकुथिं धाःगु दु। भारतीय प्राविधिकया पुचलं निकट भविष्यय् मधेस प्रदेशया थीथी थासय् भूमिगत लःया अवस्थाया अध्ययन यायेगु धाःगु दु।

 राष्ट्रिय समाचार समिति (रासस)या कार्यकारी अध्यक्ष धर्मेन्द्र झां राससयात मिडिया अनुसन्धान केन्द्रया कथं विकास यायेगु धयादीगु दु।

सञ्चार लिसें सुचं प्रविधि मन्त्रालयय् म्हिगः आर्थिक दँ  २०८१÷८२ या प्यक्वःगु त्रैमासिक÷वार्षिक प्रगति समीक्षा नापं मन्त्रालयस्तरीय विकास समस्या समाधान समिति (एमडिएसी) बैठकय् वय्कलं राससयात मिडिया अनुसन्धान केन्द्रया कथं विकास यासें सफूकुथि व्यवस्थित यायेगु तयारी जुयाच्वंगु धयादिल।

थुकिया निंतिं मिडियानाप सम्बन्धित सपूm सङ्कलन यायेगु व सफूकुथि व्यवस्थित यायेगु तयारी जुयाच्वंगु वय्कलं धयादिल। रासस थःम्हेस्यां हे सफू न्याये फूगु अवस्था मदूगुलिं मिडियानाप सम्बन्धित सफू दुसा उपहार कथं बियाः ग्वाहालि यायेत वय्कलं इनाप यानादिल। “राष्ट्रिय समाचार समितिं ताः हाकःगु इतिहास क्वबिया च्वंगु दु व थुकिं पत्रकारिताया इतिहास दस्तावेजीकरण यानाच्वंगु दु”, अध्यक्ष झां धयादिल।

नेपाल आदिवासी जनजाति पत्रकार महासंघ (फोनिज) न २६ क्वःगु स्थापना दिवस छगु ज्याझ्वः दथुइ सञ्चार लिसे सूचना प्रविधिमन्त्री पृथ्वीसुब्बा गुरुङं उलेज्या यानादीगु खः।

ज्याझ्वलय् बिशेषपाहँ कथं युवा लिसे खेलकुद मन्त्री तेजुलाल चौधरी, पूर्वमन्त्री हितबहादुर तामाङ, पूर्वमन्त्री लिसे एमाले नेत्री भगवती चौधरी, पूर्वमन्त्री नाप नेपाली कांग्रेसया सांसद कान्छाराम तामाङ, फोनिजया संस्थापक अध्यक्ष चन्द्रसिंह कुलुङ, नेपाल आदिवासी जनजाति महासङ्कया अध्यक्ष गेल्जे लामा शेर्पानेपाल पत्रकार महासङ्घया अध्यक्ष निर्मला शर्मापिन्स फोनिजया क्वःगु स्थापना दिवसया लसताय् भिंतुना बियादीगु खः।

फोनिजया संघीय अध्यक्ष लक्की चौधरीया सभाध्यक्षताय् जुगु उगु ज्याझ्वलय् १२ म्ह पत्रकार तय्त सिरपा ब्युगु खः। फोनिज पत्रकारिता सम्मान २०८२ गजुरधन राई, अमरध्वज लामा व राजवंशी भाषाया त्रैमासिक पत्रिका कोचिला सम्मान नाप नगद ३१ हजार व हनापौ लःल्हागु खः। अथेहे, फोनिज पत्रकारिता सिरपा पत्रकार सविन प्रियसन, मुनेस रायो मगर, बन्दना दनुवारयात नगद २५ हजार नाप हनापौ लःल्हागु खः। पत्रकार मच्छे गुरुङयात फोनिज प्रवास अवार्ड २०८२ पाखे हंगु खः।

अथेहे फोनिज मलेसिया सिरपा सपना थामी व ज्ञानेन्द्र तामाङयात नगद १० हजार नाप हनापौ लःल्हागु खः। फोनिज युके पत्रकारिता सिरपा २०८२ पाखे आश गुरुङ व डोल्मा शेर्पा, फोनिज बागमती प्रदेशं फोनिज सिरपा २०८२ पाखे पूर्णबहादुर मगरयात सिरपा लःल्हागु खः।