मोहनि हनिइगु निति स्वनिगः त्वःता छेँ लिहावनिइपि यक्को जूगु दु। म्हिगः म्हिगं स्वया थौ येँ त्वःतू यक्को खनेदु।

कलङ्की, बालाजु, बल्खु, कोटेश्वरलगायतया थासं सुथंनिसे हुल खने दु। थौं स्वया अप्पो कन्ह्यः शनिवाः नापं फूलपाती न जूगुलि सरकारी कार्यालय न बन्द जुइगु जुगुलि कन्ह्यः अझ छेँ लिहावनिइपि यक्को जुइगु अनुमान दु।

लुँया भाः थौं न्हुगु रिकर्ड जूगु दु। लुँ तोलां थौ १ हजार ८ सय रुपैयाँ थहावना १ लाख १५ हजार ५ सय रुपैया थ्यःगु दु धका नेपाल सुन चाँदी व्यवसायी महासङ्घं धाःगु दु।

अथेहे तोलां न न्यातका थहावःगु दु। वहः तोलां न्यातका थहावना १ हजार ४ सय रुपैयाँ न कारोबार जूगु दु धका महासङ्घं धाःगु दु।

गैरआवासीय नेपाली सङ्घ (एनआरएनए) या अध्यक्षय् डा.बद्री केसी त्याःगु घोषणा जुइवं विवाद जुगु दु। अध्यक्षय् पराजित उम्मेदवार तय्स सिस्टम ह्याक याःगु द्धप बिउसे मतपरिणाम अस्वीकार यायेगु घोषणा याःगु खः।

अनलाइन प्रणालीइ गडबड याना केसीं थःगु पक्षय् लिच्वः हःगु धासे मेपि अध्यक्षया प्रत्यासी आरके शर्मा व महेश श्रेष्ठं द्धपः बिःगु खः । केसीं १ हजार ३७८, शर्मां १ हजार २८१ व श्रेष्ठं १ हजार २२५ मत हःगु धका निर्वाचन समितिं घोषणा याःगु खः। महासचिवय् न बद्री पक्षया गौरीराज जोशी निर्वाचित जूगु घोषणा याःगु खः।

अथेहे, उपाध्यक्षय् हेमराज शर्मा, रोबिन शेरचन, रामशरण सिंखडा, खगेन्द्र न्यौपाने, राज रेग्मी व विनोद श्रेष्ठ लिसे उपमहासचिवय् सोम सापकोट व प्रविण गुरुङ निर्वाचित जूगु खः।

विदेशय् च्वपि प्रतिनिधि तय्सं अनलाइन भोटिङया व्यवस्था याःगु खः। एनआरएनएय् ७४ पदया लागि १ सय २० म्हेसिया उम्मेदवारी बिःगुलि अध्यक्षया लागि स्वम्ह, खुम्ह उपाध्यक्षया लागि १८ म्ह ज छम्ह महासचिवया लागि निम्ह दथुइ प्रतिस्पर्धा जुगु खः।

मोहनि बिदा जुइगु लिपागु दिं थौ बिहीवाः शेयर बजाः सामान्य कुहावःगु दु। म्हिगः बुधवाः थहावःगु खःसा थौं शेयर बजाः परिसूचक नेप्से ४ दशमलव शून्य ५ अङ्कं कुहावया १ हजार ९ सय ३ दशमलव ८४ विन्दुइ कुहावःगु खः।

थौं दकलय् अप्पो अपर सोलु जलविद्युत् कम्पनीया शेयर झन्डै साढे ८ प्रतिशतं कुहावःगु खः। समग्र बजाः कुहावःया सिटिजन्स म्युचुअल फन्ड–२ या शेयर झन्डै ६ प्रतिशतं थहावःगु खः।

३७ लाख ६६ हजार कित्ता शेयर ९७ करोड ६ लाख रुपैयाँया कारोबार जूगु खः। दकलय् अप्पो नबिल बैंकया प्रमोटर शेयर ५ करोड ९० लाख व प्रभु बैंकया प्रमोटर शेयर ५ करोड १५ लाख रुपैयाँया कारोवार जूगु खः।

लुँया भाः आःतक हे न्हुगु रिकर्ड जुगु दु। लुँ तोलां थौं न्यासः थहावनां आःतक हे दकलय् अप्पो १ लाख १३ हजार ७ सय रुपैयाँ थ्यःगु दु।

थ्व स्वया न्ह्यः वंगु साउन ४ गते लुँ तोलां १ लाख १३ हजार ६ सय रुपैयाँ थ्यःगु खः। वहः तोलां थौं झीन्यातका कुहावःगु दु।

वहः तोलां झीन्यातका कुहावया १ हजार ३ सय ९५ रुपैयाँ न कारोबार जूगु दु।