ललितपुर महानगरपालिका २९ वडां वडाया थीथी महिला समूहया पदाधिकारी व दुजःपिनिगु क्षमता अभिबृद्धि यायेगु तातुनां ग्वसाः ग्वःगु  उद्घोषण व ब्यक्तिगत क्षमता अभिबृद्धि तालिम क्वचाःगु दु । तालिमया समापन समारोहया मूपाहां वडाया महिला सदस्य मनमाया महर्जनं तालिमय् ब्वति कयादीपिन्त दसिपौ लःल्हानादिसें सकसिगु क्षमता अभिबृद्धि जूगु खनां थःगु नुगः लसतां जाःगु खँ कनादिल ।

थुगु ज्याझ्वलय् प्रशिक्षक सुरजवीर बज्राचार्ययात दोसल्लां न्ययेकाः मतिनाया चिं व हनापौ देछासें हंगु खः । वयकलं प्रशिक्षार्थीपिं आः थःगु समूह व समुदायय् वनाः ज्याझ्वः ग्वसाः ग्वयेगु, न्ह्याकेगु व अतिकं बांलाक ज्याझ्वः ब्यवस्थापन यायेत अःपुइगु आशा प्वंकादिल । ह्वःता छुं नं मत्वःतेत सयेकादीपिन्त इनाप यानादीम्ह प्रशिक्षक बज्राचार्यं माःगु इलय् थः सदां नं ग्वाहालि नितिं नाप दइगु प्रतिवद्धता नं प्वंकादिल ।  
 

पाठशाला प्रशिक्षण केन्द्रया संयोजनय् २९ म्हसिनं ब्वति कयादीगु थुगु तालिमया समापन समारोहय् प्रशिक्षार्थीपिं रजनी महर्जन, राज्यलक्ष्मी महर्जन, ममिता महर्जन, ज्ञानु दुलाल, शान्ति घिमिरे, विमला खड्गी, लिला महर्जन, मोनिका रुम्जाली गुरुङं पालंपाः ज्याझ्वः न्ह्याकादिलसा सयेकादीगु पुचःया हे प्रमिला महर्जनं सभापतिया आशन ग्रहण यानादीगु खः । प्रशिक्षार्थी धनलक्ष्मी महर्जनं लसकुस न्वचु, प्रशिक्षार्थी मञ्जुश्री महर्जनं सुभाय् न्वचु प्वंकादीगु थुगु समापन समारोहय् केन्द्रका पुकार पुतुवार र युनिश महर्जनयात नं सुभायपाै देछाःगु खः ।

समापन समारोहय् यमुतरी महर्जन, अञ्जु महर्जन, राधिका महर्जन, सानुकुमारी महर्जन, रविना तुलाधरले राष्ट्रिय गान हालादीगु खःसा पाँचकन्या महर्जनं लसकुस म्ये हालादीगु खः ।

प्रशिक्षार्थीपिं निला महर्जन, दुर्गालक्ष्मी महर्जन, अञ्जु महर्जन, यशोदा न्यौपाने, पाँचकन्या महर्जन, यमुतरी महर्जन, राधिका महर्जन, अरुणा महर्जन, सानुकुमारी महर्जन, रविना तुलाधर, राज्यलक्ष्मी महर्जन, प्रमिला महर्जन, ज्ञानी महर्जन, सल्मा नापित, शर्मिला तिमल्सिना, शान्ति महर्जन, सम्झना राईपिन्सं थःगु अनुभव कनादीगु खः । वय्कःपिन्सं प्रशिक्षणं थःपिं अतिकं उत्साहित जूगु खँ न्ह्यथंसें स्यनामि, समयन्वय याःगु केन्द्र व वडा परिवारयात सुभाय् देछानादीगु खः ।

 

प्रगतिशील लोकतान्त्रिक पार्टीया नेता जनार्दन शर्मां प्रतिनिधि सभा निर्वाचनया निति रुकुम पश्चिमपाखे उम्मेदवारी दर्ता याःगु दु।

शर्मां थ्व स्वया न्ह्यः तत्कालीन नेकपा माओवादी केन्द्रया पाखे निर्वाचित जुगु खः।२०६४ निसे वयकलं त्याका वयाच्वम्ह खः।

प्रतिनिधिसभा निर्वाचनया निति रुपन्देही क्षेत्र नम्बर २ य् नेकपा एमाले उपाध्यक्ष नाप पूर्व अर्थमन्त्री विष्णुप्रसाद पौडेलं उम्मेदवारी दर्ता याःगु दु।

पौडेलं थ्व स्वया न्ह्यः न उगु क्षेत्रपाखे २०६४ सालनिसे मदिक्क निर्वाचन त्याका वयाच्वम्ह खः।

नेपाली कांग्रेसया सभापति गगनकुमार थापां थ्व हे फागुन २१ गते जुइगु प्रतिनिधिसभा सदस्य निर्वाचनया निति सर्लाही निर्वाचन क्षेत्र नं ४ य् उम्मेदवारी दर्ता यागु दु।

सभापति थापां थौ वारेसपाखे उम्मेदवारी दर्ता याःगु खः।थापाया उम्मेदवारी याःगु प्रस्तावकय् उपेन्द्रप्रसाद कुशवाहा व समर्थकय् रामआश्रय साह च्वःगु खः।

उम्मेदवार दर्ता येँया निर्वाचन क्षेत्र नम्बर १० य् नेपाली कम्युनिष्ट पार्टी (नेकपा) न रूपा महर्जनयात उम्मेदवार दयकूगु दु।

थ्व स्वया न्हापां हितमान शाक्ययात उम्मेदवार दयकेगु निर्णय याःगु खःसा लिपागु इलय् रूपा महर्जनयात उम्मेदवार दयकूगु निर्णय याःगु खः।महर्जन नेपाली कम्युनिष्ट पार्टी (नेकपा) या उम्मेदवार कथं थःगु नां दर्ता यानादीगु खः।