लुँया भाः आःतक हे दकलय् अप्पो जूगु न्हुगु कीर्तिमान जूगु दु। लुँ तोलां थौं ९ हजार ५ सय तका थहावना  ३ लाख १८ हजार ८ सय तका न कारोवार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहःया भाः न थौ न्हुगु र्कीतिमान जुगु दु। वहः तोलां थौं तोलामा ४ सय ३० तका थहावःगु दु। वहः तोलां ४ सय ३० तका थहावना  ७ हजार ३ सय तका थ्यःगु दु धका महासङ्घं धाःगु दु।

पहिचानवादी नेता नाप उज्यालो नेपाल पार्टीया केन्द्रीय सदस्य डकेन्द्रसिंह थेगिमं पार्टी पारित्याग याःगु दु।

डकेन्द्रनापं केन्द्रीय सदस्य ज्ञानबहादुर गुरुङ व प्रस्तावित केन्द्रीय सदस्य अमर ईजमं साधारण सदस्य तक मजुइगु कथं पार्टी त्वःताःगु घोषणा याःगु दु।छगु मंकाः विज्ञप्ति जारी यासे पहिचानसम्बन्धी एजेन्डाय् स्पष्ट व लिखित वैचारिक धारणा न्ह्यमब्बःगुलि पार्टीइ च्वनेगु नैतिकतां मब्यूगु धका धाःगु दु।

थ्व स्वया न्ह्यः जुगु इलामय् उपनिर्वाचनय् स्वतन्त्र उम्मेदवार जुगुम्ह थेगिम उज्यालो पार्टीया समानुपातिकय् बन्दसूचीइ दुथ्याम्ह खः। पार्टी परित्याग याःपि स्वम्हेसिया आः पहिचानवादी मोर्चा विस्तार यायेगु व आन्दोलनया निति लागि सशक्त संरचना निर्माण यायेगु घोषणा याःगु दु।

येँ महानगरपालिकां खुसि सिथया जग्गाय् निर्माण अनुमति मपनेगु सुचं सार्वजनिक याःगु दु।

येँ महानगरं बुधवाः छगू सुचं सार्वजनिक यासें थ्वसिबें न्ह्यः रोक्का यानातःगु जग्गा फुकुवा जूगु धासें निर्माण अनुमति मपनेगु जानकारी ब्यूगु खः।

महानगरपालिकां सार्वजनिक याःगु सुचनाय् धयातःगु दु, “सर्वोच्च अदालतया आदेशया आधारय् २०६५ मंसीर १ गतेया मन्त्रिपरिषदं निर्धारण याःगु मापदण्डया अधीनय् च्वनाः ज्या यायेत बाधा मजुइगु जुयाः सुं नं व्यक्तिया नीजि जग्गाय् भवन निर्माण यायेत अनुमतिइ रोक मतयेगु व निर्माण जुयाच्वंगु संरचनाय् तकं रोक्का मतयेगु जानकारी बियाच्वना।”

लुँ तोलां थौ झीद्धः व प्यसः थहावःगु दु। लुँ तोलां झीद्धः व प्यसः थहावना २ लाख ९५ हजार १ सय तका न कारोवार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न थौ पीतका थहावःगु दु। वहः तोलां न थौ पीतका थहावनां ५ हजार ८ सय ८० तकां कारोवार जुयाच्वंगु दु धका न महासङ्घं धाःगु दु।

एमालेया अजयक्रान्ति शाक्यं येँया क्षेत्र नम्बर– ९ पाखे उम्मेदवारी दर्ता याःगु दु। चन्द्रागिरी नगरपालिकाया कार्यालय च्वंगु निर्वाचन अधिकृतया कार्यालय वना शाक्यं उम्मेदवारी दर्ता याःगु खः।

मनोनयन दर्ता यायेगु निति शाक्यनाप उगु क्षेत्रया निवर्तमान सांसद कृष्णगोपाल श्रेष्ठ न वःगु खः। बागमती प्रदेशया पूर्वआन्तरिक मामिला नाप कानुनमन्त्री तक जुयादीम्ह शाक्य २०७४ सालय् निर्वाचन येँ क्षेत्र नम्बर–९ (क) पाखे निर्वाचित जुयादीगु खः।