नेकपा एमालेपाखे येँया क्षेत्र नम्बर ८ य् राजेश शाक्यं उम्मेदवार दर्ता याःगु दु।

नेकपा एमालेया जिल्ला सचिव शाक्यं नागार्जुनस्थित निर्वाचन कार्यालय वना उम्मेदवारी दर्ता यानादीगु खः।

काष्ठमण्डप पुन निर्माण समितिया अध्यक्ष तक जुयादीम्ह वयकः बागमती प्रदेशया सभासद न जुयादीइ धुकम्ह खः।

निवर्तमान सञ्चारमन्त्री जगदीश खरेलं रास्वपापाखे यल क्षेत्र नम्बर २ य् उम्मेदवारी दर्ता याःगु दु।

जेनजी आन्दोलन लिपा अन्तरिम सरकारय् खरेल सञ्चारमन्त्री जुयादीगु खः।

नेकपा एमालेया नेता नाप पुर्वमन्त्री किसान श्रेष्ठं बारा क्षेत्र नम्बर ४ य् उम्मेदवारी दर्ता यागु दु।

दर्ताअघि समर्थक जीतपुरस्थित उखुबाली अनुसन्धान केन्द्रय् च्वंगु निर्वाचन अधिकृतया कार्यालय वना थःगु उम्मेदवारी दर्ता याःगु खः।

नेपाली कम्युनिस्ट पार्टीया संयोजक पुष्पकमल दाहाल प्रचण्डं रुकुम पूर्वपाखे उम्मेदवारी दर्ता याःगु दु।

थ्व हे वइगु फागुन २१ गते जुइगु प्रतिनिधि सभाया निर्वाचनय् प्रचण्ड रुकुम पूर्वपाखे उम्मेदवारी दर्ता यागु खः।

नेकपा एमालेपाखे येँया क्षेत्र नम्बर ५ य् ईश्वर पोखरेलं उम्मेदवारी दर्ता याःगु दु।

पोखरेलं टोखा नगरपालिकाया श्री समाज भवनय् मुख्य निर्वाचन अधिकृतया कार्यालय वना मनोनयन दर्ता याःगु खः।