नेकपा एमालेया अध्यक्ष केपी शर्मा ओलीं उम्मेदवारी दर्ता याःगु दु।

थ्व हे वइगु फागुन २१ गते जुइगु प्रतिनिधिसभा निर्वाचनया निति ओलीं झापा–५ पाखे उम्मेदवारी दर्ता याःगु दु।

नेपाली कम्युनिष्ट पार्टी न चितवन क्षेत्र नम्बर ३ य् रेनु दाहालं उम्मेदवारी दर्ता याःगु दु।

मंगलवाः चितवनया रामपुरस्थित कृषि नाप वन विश्वविद्यालय वना निवार्चन अधिकृतया कार्यालय वना दाहालं उम्मेदवारी दर्ता याःगु दु।

उम्मेदवारी दर्ता याये न्ह्यः दाहालं थौ मंगलवाः सुथय् भरतपुर महानगरपालिकाया मेयर पदपाखे राजीनामा ब्यूगु खः।

श्रम संस्कृति पार्टीया अध्यक्ष हर्कराज राई (साम्पाङ) न सुनसरी–१ पाखे मनोनयन दर्ता याःगु दु।

मनोनयन दर्ता यायेगु निति समर्थकपि नाप आयोगया कार्यालय वःगु खः।२०७९ सालया स्थानीय निर्वाचनय् स्वतन्त्र उम्मेदवा जुया धरानया मेयरय् निर्वाचित जूगु खः।

जनता समाजवादी पार्टी (जसपा) नेपालया राष्ट्रिय अध्यक्ष पूर्व उपप्रधानमन्त्री उपेन्द्र यादव सप्तरी–३ पाखे निर्वाचन ल्वाइगु जुगु दु।

जसपा नेपालया सोमवाः राजविराजय् जुगु बैठकं अध्यक्ष यादवयात क्षेत्र नम्बर ३ पाखे उम्मेदवार दयकेगु निर्णय याःगु खः। अध्यक्ष यादव २०७९ य् निर्वाचन जुगुलि सप्तरी– २ पाखे ल्वाःगु खः।

उगु चुनावय् जनमतया अध्यक्ष डा. सिके राउतनाप पराजित जूगु खः।अथेहे जसपा नेपालं सप्तरी–१ पाखे श्याम सरदार, २ पाखे पूर्व मन्त्री उमेश यादव व ४ पाखे डा.बबी सिंह यादवयात उम्मेदवार दयकेगु बनाउने निर्णय याःगु दु।

नेपाली कांग्रेसं येँ न्यागु निर्वाचन क्षेत्रय् उम्मेदवार क्वःछिगु दु।

संसदीय बोर्डं मंगलवाः न्हिनय् च्वंगु बैठकं येँ निर्वाचन क्षेत्र नम्बर ३, ४, ८, ९ व १० य् उम्मेदवारपि क्वःछिगु दु। येँयां–३ य् रमेश अर्याल, ४ य् सचिन तिमल्सिना, निर्वाचन क्षेत्र नम्बर ८ य् सपना राजभण्डारीयात टिकट ब्यूगु दु।

अथेहे, क्षेत्र नम्बर ९ य् नानु बास्तोला व १० य् हिमाल कार्कीयात टिकट ब्यूगु दु धका छम्ह कांग्रेसया नेतां धाःगु दु।

कांग्रेसं थ्व स्वया न्ह्यः येँ– ५ य् महामन्त्री प्रदीप पौडेलयात व ६ नम्वरय् सभापति कृष्णसबुज बानियाँयात उम्मेदवार यायेगु क्वछिइ धुकुगु खः।