नेकपा एमालें देयन्यक अप्पो थे क्षेत्रय् वइगु प्रतिनिधिसभाया उम्मेदवार क्वःछिगु दु।

शनिवाः न्हिनय् नेकपा एमालें देयन्यकया छु छु क्षेत्रबाहेक अधिकांक्ष क्षेत्रय् वइगु प्रतिनिधिसभाया उम्मेदवार क्वःछिगु दु। ल्यः दुगु थासय् अध्यक्ष केपी शर्मा ओलीं सहलहयाना नां सार्वजनिक याइगु जुगु दु।

एमाले अध्यक्ष केपी शर्मा ओलीयात झापा–५ पाखे उम्मेदवार दयकिइगु जुगु दु।अथेहे स्वनिगःया थीथी थासय् न उम्मेदवार क्वःछिगु दु।

येँ क्षेत्र न १ य् मोहन रेग्मी, २ क्षेत्रय्  मणिराम फुयाल, ३ क्षेत्रय् रामेश्वर फुयाल, ६ क्षेत्रय् अमनकुमार मास्के, ८ क्षेत्रय् राजेश शाक्य व १० क्षेत्रय् विनोद श्रेष्ठयात क्वछिगु दु।

अथेहे यल १ क्षेत्रय् चेतनाथ सञ्जेल व २ न क्षेत्रय् प्रेमबहादुर महर्जनयात ल्यःगु दु सा ख्वप क्षेत्र न य् सोमप्रसाद मिश्र व १ न क्षेत्रय् महेश बस्नेतयात ल्यःगु दु।

लकस नेपालया न्याक्वःगु तःमुँज्या व झिंप्यक्वःगु दँमुंज्यां सुरजवीर बज्राचार्यया अध्यक्षताय् ९ म्हसिगु कार्यसमिति निर्विरोध ल्यःगु दु । थुगु कार्यसमितिइ उपाध्यक्ष ज्ञानीशोभा महर्जन, सचिव धर्मकृष्ण सिकर्मी, कोषाध्यक्ष रश्मिला शाक्य, सदस्यहरुमा रमा तुलाधर बज्राचार्य, सुरेन्द्रमान शाक्य (शाक्य सुरेन), राज्यलक्ष्मी बज्राचार्य, कुमारी तण्डुकार, झवेन्द्रप्रकाश भट्टराई ल्यःगु खः । संस्थाया कानूनी सल्लाहकार व निर्वाचन कमिटी संयोजक किरण शाक्यं न्हूगु ज्यासना पुचःयात शपथ ग्रहण याकादीगु खः । 

नायः सुशिला शाक्यया नायःसुइ न्ह्याःगु ज्याझ्वःया उद्घाटन समारोहय् मूपाहाँ ललितपुर महानगरपालिकाया उपप्रमुख मञ्जली शाक्य बज्राचार्यं सगरमाथा सामुदायिक सिकाई केन्द्र तल्लो तल्लुया अध्यक्ष रामबहादुर के.सी.यात लकस नेपाल बर्ष ब्यक्तित्व २०८२ देछानादीगु खःसा श्री नवजागरण युवा क्लब, पहाडे थापागाउँ व फर्सिडोल टोल विकास संस्थायात संस्थागत सम्मान यानादीगु खः । लकस नेपालं अमेरिकी संस्था आउटरिच इन्टरनेशनलया ग्वाहालिइ  सहभागितामूलक मानव विकास कार्यक्रम न्ह्याकाच्वंगु दु । थुगु कार्यक्रम न्ह्यानाच्वंगु कार्यक्षेत्रं प्रक्रियागतरुपं ल्ययाः लकस नेपाल बर्ष ब्यक्तित्व सम्मान लःल्हायेगु यानाः वयाच्वंगु खः । दकले न्हापांगु खुसी सिखर्पाका गणेशबहादुर नगरकोटीया थुगु हना देछाःगु खः । 

लकस नेपालं सहभागितामूलक मानव विकास कार्यक्रम अन्तर्गत पहाडे थापागाउँ, सिखर्पा व कोञ्ज्योसोम गाउँपालिकाया तल्लो नल्लुइ ज्याझ्वः क्वचायेके धुंकूगु दुसा थौंकन्हे हाल गोदावरी नगरपालिका वडा ४ बडिखेलया ठूलो खोला आमा समूह, वनदेवी टोल विकास संस्था, वडा नं. ६ लप्सेया लप्से टोल विकास संस्था, वडा ९ इताहिटीया इताहिटी टोल विकास संस्था, बागमती गाउँपालिका वडा ३ भट्टेडाँडाया सातकन्या सामुदायिक समूह, ललितपुर महानगरपालिका २२ वडा फर्सिडोलया फर्सिडोल टोल विकास संस्था थें जाःगु समूहनाप जानाः समुदायय् ह्यूपाः थनेगु ज्या न्ह्याकाच्वंगु दुसा कल्चरल सर्भाइभरया किपर्स अफ द अर्थ फण्डया ग्वाहालिइ नेपालभाषा व लिपि प्रवद्र्धन परियोजना न्ह्याकाच्वंगु दु, गुकिं नेपालभाषा, प्रचलित नेपाल लिपि व रञ्जना लिपि स्यनेज्या न्ह्याकाच्वंगु जुलसा स्यनामि प्रशिक्षण बीगुनापं लिपि वर्णमाला व नेपालभाषा ब्याकरण सफू पिथनेगु व लिपि कासा यायेगु ग्वसाः ग्वयाच्वंगु जुल । 

 

एमालेया अध्यक्ष केपी शर्मा ओलीं थःगु नेतृत्वया पार्टीइ हे प्रजातन्त्रय् धाथे अभ्यास जुइ याना च्वंगु दु धका धयादीगु खः। थौ येँ जुगु छगु ज्याझ्वलय् सम्बोधन यानादीसे अथे दाबी यानादीगु खः।

‘जिमिगु थे डेमोक्रेटिक पार्टी ... मेपिनिगु खनेदत मखुला? केन्द्रीय कमिटीया बैठक लत्या तक न्ह्यात अय्न स्वघौ लिपा केन्द्रीय कमिटीया मुँज्या क्वचाय्का जिपि ज्या यायेगुलि लगे जुयागु दु। मेपिन्त महाधिवेशन गुवलय् यायेगु धका तिथि क्वछित लत्या ई कायेगु याइ, अय्न ई क्वछिइ मखु। जिपिन्स झ्याप्प ई क्वछिया, ड्याम्म याना।’

एमाले अध्यक्ष ओली धयादीगु खः।पार्टीया महाधिवेशनय् सुयात छु पदय् उम्मेदवार जुइमास्तेवःगु उकिइ जुइ खःगु दु धका धयादीगु खः।

‘सू यात न रोकतोक मदु, सू यात दने मास्तेवःगु व दःगु दु। भोट बिया त्यागु हे दु, थ्व स्वभाविक खँ खः’ ओलीं धाःगु दु, ‘जिमि थाय् थे डेमोक्रेसी मे थाय् गनं दु ला? डेमोक्रेसया निर्वाध छ्यलीइगु जिमिगु पार्टीइ दु। थुगु पार्टीनाप मेपिनिगु पार्टी यागु तुलना हे मदु।’

प्रधानमन्त्री सुशीला कार्कीलिसे नेपाल तामाङ घेदुङया प्रतिनिधिमण्डलं नापलाःगु दु। थौं सुथय् नापलायेगु झ्वलय् तामाङ समुदायया जनसङ्ख्या, संस्कृति, आर्थिक–सामाजिक अवस्थालिसेंया विषयय् खँल्हाबल्हा जूगु प्रधानमन्त्रीया प्रेस सल्लाहकार रामबहादुर रावलं धयादिल।

घेदुङं थ्वहे माघ ५ गते सोनाम ल्होछारया लसताय येँय् तामाङ सांस्कृतिक महोत्सव लिसें भिंतुना कालबिल ज्याझ्वः ग्वसाः ग्वयेत्यंगु धासें उगु ज्याझ्वलय् मूपाहाँ कथं ब्वति कयादीत प्रधानमन्त्री कार्कीयात इनाप याःगु धयादिल। घेदुङया पदाधिकारीपिंसं तामाङ समुदायया जनसङ्ख्या ३० लखसिबें अप्वः दुसां जनगणनाय् द्वनाः च्वंगुलिं १७ लख जःखः जक खनेदूगुलिइ प्रधानमन्त्रीया ध्यानाकर्षणनापं याकूगु खः।

उगु झ्वलय् प्रधानमन्त्री कार्कीं आःया अवस्थाया लोकतान्त्रिक निकासया निंतिं निर्वाचन छगू जक विकल्प जूगुलिं समाजया फुक्क तगिं व तप्कापाखें ग्वाहालिया अपेक्षा यानागु धयादिल। “देय् चुनावय् क्वब्वाये धुंकूगु दु । थ्व चुनाव सामान्य अवस्थाया मखुसें देय्यात निकास बिइगु व दिगो स्थिरतापाखे यंकीगु चुनाव खः”, वय्कलं धयादिल, “भदौ २३ व २४ गतेयात दिमागय् तये।

आः हाकनं थुजाःगु घटना जुइमज्यु। युवाया आकांक्षा कथं झी न्ह्यायेमाः । छिकपिंसं नं आः वइगु चुनावय् न्हूपिं, युवा व इमानदार सांसद त्याकाः संसदय् छ्वयादिसं।”प्रधानमन्त्री कार्कीं पुलांगु मानसिकता, सोच व शैलीं आः देय् न्ह्याके मफइगु जुयाः युवाया भावना कथं शासन सञ्चालन यायेत युवा व इमानदार मनू नेतृत्वय् वयेमाःगुलिइ बः बियादीगु प्रेस सल्लाहकार रावलं धयादिल। प्रधानमन्त्री कार्कीं चुनावय् म्वाः मदूगु चलखेल व गतिविधि जुइके मबीत आः समुदाय स्तरपाखें हे सकलें सतर्क जुइमाःगु बिचाः तयादिल।

“भ्रष्टाचार अन्त्य यायेगु खःसा उकिया विरुद्ध चुनावपाखें हे पहल जुइमाः। मतदाता नं सतर्क जुइमाः। आः न्हापा न्हापाया चुनावय् थें मखूगु अभ्यास व प्रवृत्तियात चिइका छ्वयेमाः”, प्रधानमन्त्रीया धापू दु।

नेपाल चिकित्सक सङ्घया निर्वाचन स्थगित जूगु दु। सङ्घं थौं छगू विज्ञप्ति जारी यानाः पाटन उच्च अदालतपाखें जारी जूगु अन्तरिम आदेशयात नापं मध्यनजर यासें पूर्वनिधारित धलःकथं क्वःछिनातःगु निर्वाचन ज्याझ्वः स्थगित यानागु धाःगु खः।

प्रमुख निर्वाचन अधिकृत डा प्रणयरत्न शाक्यं थ्व सम्बन्धय् निर्वाचन समितिपाखें फयांफक्वः याकनं मेगु सुचं जारीयाना निर्वाचन ज्या धलः सार्वजनिक यायेगु धयादिल।

सङ्घया निर्वाचन स्वनिगः दुने माघ २ व ३ गते जुइगु धयातःगु खःसा स्वनिगः दुने माघ १५, १६ व १७ गते जुइगु यानाः क्वःछिनातःगु खः।छुं ई न्ह्यः डा अजयकुमार मिश्रं दायर याःगु रिटय् पाटन उच्च अदालतं यथास्थितिइ निर्वाचन मयायेत अन्तरिम आदेश जारी याःगु खः।