गायिका दिलमाया खाती ८४ दँय् वयकःया छेँय् थौं चान्ह्यः मन्त । मदुम्ह खातीयाः सलय् ‘विछोडको पीडा नसकी खप्न दसैंको बेलामा’, ‘खोलाको दुई किनार’, ‘सम्हाल पछ्यौरी’, ‘सम्झे है बुझे है यो मेरो जोवन’ लगायत यक्को हे नेपाली म्ये लोकह्वाः।

खातीया जन्म दार्जिलिङया घुम पहाडय् विसं १९९६ साउन २३ गते बूगु खः। दार्जिलिङय् जन्मय् जूसा वयकलं नेपालय् च्वना हे ज्या यानाच्वनादीगु खः।

बझाङय् भुखाय् ब्बया आःतक १३ म्ह घाःपाः जुगु दु्। जिल्लाया थीथी स्थानीय तहय् याना १३ म्ह घाःपाः जुगु विवरण वंगु दु धका जिल्ला प्रहरी प्रमुख डीएसपी भरतबहादुर शाह न जानकारी बिःगु दु।

उमिगु अवस्था सामान्य दु व स्थानीय स्वास्थ्य संस्थाय् हे वासः याका च्वंगु दु धका धाःगु दु। भुखाय् ब्बया जिल्लाया नीगुलि मल्याकं संरचना दूगु दु धका न धाःगु दु।

बझाङय् केन्द्रविन्दु जूया थौं न्हिनय् २ बजे जूया ४० मिनेटय् ५.३ रेक्टर स्केलया भुखाय् ब्बःगु खः।

बझाङ केन्द्रविन्दु जूया थौं तकः मच्छि भुखाय् ब्बःगु दु।

राष्ट्रिय भूकम्प मापन लिसे अनुसन्धान केन्द्रया कथं दकलय् तधःगु कथं न्हिनय् ३ बजे जूया ६ मिनेटय् ६.३ रेक्टर स्केलया भुखाय् ब्बःगु खः। व स्वया न्ह्यः २ बजे जूया ४० मिनेटय् ५.३ रेक्टर स्केलया भुखाय् ब्बःगु खः।

‘३ बजे जुया ६ मिनेटय् ४ रेक्टरया स्वकः प्यकः परकम्प जुगु दु,’ केन्द्रया भूकम्पविदं धाःगु दु, ‘४ रेक्टर स्वया अप्पो तकः मच्छि ब्बःगु दु।’

केन्द्रया कथं ३ बजे जुया ४५ मिनेटय् व ४ बजे जूया २८ मिनेटय् ४.१ रेक्टर स्केलया लिसे ४ बजे जूया ३१ मिनेटय् ४.३ रेक्टर स्केल व बहनि ५ बजे जूया १९ मिनेटय् ५ रेक्टरया भुखाय् ब्बःगु दु।

सुदूरपश्चिम क्षेत्रय् भुखाय् ब्बःगु दु। भूखाय् ब्बया बझाङय् छेँ न दूगू दु।

राष्ट्रिय भूकम्पमापन लिसे अनुसन्धान केन्द्रया कथं थौं मंगलवाः न्हिनय् २ बजे जूया ४० मिनेटय् बझाङ केन्द्रविन्दु जूया ५.३ रेक्टरस्केलया भुखाय् ब्बःगु खः।

भुखाय् ब्बया गुलि क्षति जुगु धका विवरण वःगु मदुनि।

प्रमुख प्रतिपक्षी दल नेकपा (एमाले) या अध्यक्ष केपी शर्मा ओलीं जनयुद्ध दिवसय् बिइगु बिदा लित काय्त माग याःगु दु।

प्रतिनिसभाय् थौं मंगलवाः च्वंगु बैठकय् न्ववासे ओलीं वइगु मन्त्रिपरिषद् बैठकं बिदा लित काय्गु निर्णय यायेमाः धका धाःगु दु।

बिदा लित मकाल धाःसा थुकिइ युद्ध त्वः मतूगु धका स्पष्ट जुइ धका धयादीसे वयकलं आः संविधान व न्ह्यसःयात ट्याकल यायेत स्वंगु धका धयादीगु खः।

अध्यक्ष ओलीं बिदा बिइगु निर्णय लित मकाल धाःसा एमालें उकिया विरुद्ध पलाः ह्वनिइगु धका चेतावनी बिःगु दु।