बाखं च्वमि गोविन्द मान श्रेष्ठ थौं मंगलवाः सुथसिया ५ः५० ता इलय् शिक्षण अस्पताल महाराजगञ्जय् मन्त ।बाखं च्वमि श्रेष्ठ मदुगु जानकारी वयकःया छेँजःपिन्सं बिउगु खः ।

क्यान्सर ल्वचं कया वासः याकाच्वंम्ह श्रेष्ठया वंगु शनिवा “समुन्द्र मन्थन” नांयागु चिबाखं सफू पितब्वज्या जूगु खः । मदुम्ह बाखं च्वमि श्रेष्ठया अन्तिम संस्कार थौं पशुपति आर्यघाटय् जूगु खः ।

वि सं २००६ साल मंसीर २० गते ख्वपया तचपालय् जन्म जूम्ह च्वमि श्रेष्ठ थौंकन्हे येँया पकनाजोलय् च्वनाच्वंगु खः ।

नागरिकपिनिगु लागि सूचना प्रविधि छ्यलिइगुलि याउक अपूकेगु सरकारं याइगु जुगु दु।

वइगु आर्थिक दँ २०८०–८१ या लागि बजेट प्रस्तुत यासे अर्थमन्त्री डा.प्रकाश शरण महतं नागरिकपिन्त सुसूचित जुइगु हक सुनिश्चित यासे पूर्ण प्रेस स्वतन्त्रतायात प्रत्याभूति याइगु जुगु दु।

अप्पो क्षमताया अप्टिकल फाइबर पाखे ईन्टरनेट ब्रोडब्याण्ड सेवा दक्को स्थानीय तहया केन्द्र, सार्वजनिक विद्यालय लिसे क्याम्पस व स्वास्थ्य संस्थाय् थ्यकिइ जूगु दु। देयन्यक द्रुत गतिया इन्टरनेटय् पहुँच थ्यकेत फोरजी सेवा विस्तार याइगु धका सरकारं धाःगु दु। डिजिटल नेपाल फ्रेमवर्कयात माःगु परिमार्जनयासे कार्यान्वयनय् यकिइगु धका अर्थ मन्त्री महतं धाःगु दु।

डिजिटल साक्षरता अप्पोका नागरिक एपयात छ्यला व पहुँच विस्तार यायेगु जुइ धका धाःगु दु। यलया खुमलटारय् सूचना प्रविधि ज्ञानपार्क स्थापना यायेगु ज्या न्ह्यने यकेगु धका सरकारं घोषणा याःगु दु। विद्युतीय तथ्याङ्कपिनिगु सुरक्षा, भण्डारण व उपयोगयात व्यवस्थित याना. विद्युतीय तथ्याङ्क सुरक्षा नीति तर्जुमाय् यायेगु धका धाःगु दु।

अथेहे कोहलपुरय् डाटा सेन्टर व यलय् इन्टरनेट एक्सचेञ्जष सेन्टरया निर्माणयात याकन यायेगु निति बजेट व्यवस्था सरकारं याःगु दु। धरानय् डाटा सेन्टर व बुटवलय् इन्टरनेट एक्सचेञ्जस निर्माणयात संभाव्यता अध्ययन न याइगु जुगु दु। राष्ट्रिय साइबर सुरक्षा केन्द्र सञ्चालनय् हया ल्याइ साइबर सुरक्षाजन्य जोखिमयात न्यूनीकरण यायेगु धका धाःगु दु।

सामाजिक सञ्जाल नाप डिजिटल प्लेटफर्म व डिजिटल मिडिया छ्यला व्यवस्थित व मर्यादित यायेगु सरकारं घोषणा याःगु दु। सामाजिक सञ्जालय् आधारित सञ्चार माध्यमयात औपचारिक दायराय् हयेगु प्रोत्साहन यायेगु नाप नियमनया लागि कानूनी व्यवस्थाय् सुधार याइगु जुगु दु।

सरकारं शिक्षा, विज्ञान व प्रविधि मन्त्रालयया लागि १ खर्ब ९७ अर्ब रुपैयाँ बजेट विनियोजन याःगु दु। शिक्षा, विज्ञान नाप प्रविधि मन्त्रालयपाखे १ खर्ब ९७ अर्ब २९ करोड विनियोजन यानागु दु धका अर्थमन्त्री डा. प्रकाशशरण महतं धाःगु दु।

चालु आर्थिक वर्ष (आव) २०७९÷८० य् शिक्षापाखे संघय् ७० अर्ब ५ करोड रुपैयाँ बजेट विनयोजन याःगु खः।

अथेहे प्रदेशय् ५ अर्ब ३२ करोड व स्थानीय तहय् १ खर्ब २१ अर्ब १ करोड रुपैयाँ बजेट हस्तान्तरण याःगु खः।

सरकारं निगु चरणया आर्थिक सुधार व अर्थतन्त्रया संरचनागत हिलेगु नारा नापं आर्थिक वर्ष २०८०÷८१ या बजेट तयार यागु धका अर्थमन्त्री डा महतं धाःगु खः।

सरकारं ९८ प्रकारया वासः, खोप लगायतया आधारभूत स्वास्थ्य सेवा निःशुल्क उपलब्ध याइगु जुगु दु।

देयन्यक ६ हजार ७ सय ४३ वडाय् आधारभूत स्वास्थ्य सेवा केन्द्रपाखे थुगु सुविधा कायेफइगु जुगु दु। वासः, खोप लगायतया आधारभूत स्वास्थ्य सेवा निःशुल्क उपलब्ध यायेत १ अर्ब २८ करोड विनियोजन याइगु वइगु आर्थिक दँ २०८०÷०८१ या लागि बजेट प्रस्तुत यासे अर्थमन्त्री डा. प्रकाशशरण महतं धाःगु दु।

उगु ज्याझ्वः स्वदेशय् हे उत्पादित वासः न्यायेगु प्राथमिकता बिइगु धका धाःगु दु। अप्पो जनतां सेवा कायेफइगु थःत छिं थाय् आधारभूत अस्पताल निर्माण नाप सञ्चालन यायेगु प्राथमिकता बिइगु धका धाःगु दु।

सरकारं गाँजा खेतीया अध्ययन याइगु जुगु दु।

अर्थमन्त्री डा. प्रकाशशरण महतं वइगु आर्थिक वर्षया बजेट वक्तव्य प्रस्तुत यासे गाँजा खेतीको अध्ययन यायेगु धका धाःगु दु।

प्रतिनिधि सभा व राष्ट्रिय सभाया मंकाः बैठकय् प्रस्तुत याःगु वक्तव्यय् गाँजा खेतीया अध्ययनबारे घोषणा याःगु खः।

गाँजा खेतीया अध्ययन यायेगु विषय यक्को न्ह्यःनिसे बहस जुयावया च्वंगु खः।