प्रधानमन्त्री पुष्पकमल दाहाल प्रचण्ड प्यन्हुया निति थौं भारत भ्रमण वःगु दु।

नेपाल एयरलाइन्सया नियमित उडानं प्रचण्ड नेतृत्वय् थौं न्हिनय् भारत प्रस्थान याःगु खः। उगु टोलीइ भौतिक पूर्वाधारमन्त्री प्रकाश ज्वाला, ऊर्जा, जलस्रोत तथा सिंचाइ मन्त्री शक्तिबहादुर बस्नेत, परराष्ट्र मन्त्री एनपी साउद, अर्थ मन्त्री डा. प्रकाशशरण महत, उद्योगमन्त्री रमेश रिजाल, म्ह्याय् गंगा दाहालपि वःगु खः।

प्रधानमन्त्री प्रचण्डयात सभामुख देवराज घिमिरे, राष्ट्रिय सभा अध्यक्ष गणेशप्रसाद तिमिल्सिना लगायतपिन्स त्रिभवुन अन्तर्राष्ट्रिय विमानस्थलय् विदाइ याःगु खः। प्रधानमन्त्री प्रचण्ड नेतृत्वया टोली जेष्ठ २० गते स्वदेश लिहावइगु ज्याझ्वः दु।

प्रधानमन्त्री नाप मन्त्रिपरिषद कार्यालय मातहतया सार्वजनिक खरिद अनुमगन कार्यालयं निगु दर्जन कम्पनीयात हाकू धलखय् तःगु दु।

उगु हाकू धलखय् कलेज अफ इम्प्लोइमेन्ट प्रालि भरतपुर चितवन, पप्पु कन्स्ट्रक्सन, कोशी एण्ड न्यौपाने निर्माण सेवा, वाईपी कन्स्ट्रक्सनपि लाःगु दु। अथेहे सुमित रौनियार नेतृत्वया पप्पु कन्स्ट्रक्सन प्रालि व भावेश बोहोरा नेतृत्वय् कोशी एण्ड न्यौपाने निर्माण सेवा प्रालि निदँ तक हाकू धलखय् तःगु दु।

पप्पु÷कोशी एण्ड न्यौपाने जेभीयात संघीय सडक सुपरिवेक्षण नाप अनुगमन कार्यालय पोखरा व शहीद मार्ग सडक आयोजना लिवाङ रोल्पां हाकू धलखय् तयेगु सिफारिस याःगु खः।

अथेतु पुष्पलाल (मध्यपहाडी) राजमार्ग आयोजना निर्देशनालय व पुष्पलाल राजमार्ग आयोजना कार्यालय दैलेखया सिफारिसय् सुरेन्द्र प्रसाद श्रेष्ठ नेतृत्वया वाईपी कन्स्ट्रक्सन प्रालियता १८ महिना हाकू धलखय् तःगु दु।

थुगु हाकू धलखय् लापिन्स निर्माण व्यवसायी व आपूर्तिकर्तापिन्स हाकू धलखय् लाःगु इलय् छु न सार्वजनिक निकायय् खरिद कारबाहीइ ब्बति काये दइमखु।

प्रधानमन्त्री पुष्पकमल दाहाल प्रचण्ड प्यन्हुया भारत भ्रमण थ्व वनिइगु जुगु दु ।

प्रचण्डया नेतृत्वय् थ्व न्हिनय् १ बजे राष्ट्रिय ध्वजाबाहक नेपाल एयरलाइन्सया नियमित उडानपाखे भारत वनिइगु जुगु दु। भारत वने न्ह्यः प्रधानमन्त्री प्रचण्डं त्रिभुवन अन्तर्राष्ट्रिय विमानस्थलय् १२ः२५ बजे पत्रकार सम्मेलन याइगु जुगु दु।

नयाँदिल्लीस्थित इन्दिरा गान्धी अन्तर्राष्ट्रिय विमानस्थलय् अवतरण याये धुका प्रधानमन्त्री प्रचण्ड न्हिनय् ३ः३० बजे सरदार पटेल मार्गय् च्वंगु होटल मौर्यय् वनिइगु जुगु दु। थौं हे होटलय् बहनि ६ बजे भारतीय विदेश सचिव विनयमोहन क्वात्रा व भारतया राष्ट्रिय सुरक्षा सल्लाहकार अजित डोभालयात नापलायेगु ज्याझ्वः दु।

मन्त्रिपरिषदया बैठकं स्वीकृत याःगु प्रधानमन्त्रीया भारत भ्रमण टोलीइ भौतिक पूर्वाधारमन्त्री प्रकाश ज्वाला, ऊर्जा, जलस्रोत तथा सिँचाइमन्त्री शक्तिबहादुर बस्नेत, परराष्ट्र मन्त्री एनपी साउद, अर्थ मन्त्री डा. प्रकाशशरण महत, उद्योगमन्त्री रमेश रिजाल, प्रचण्डया म्ह्याय् गंगा दाहालपि वनिइगु जुगु दु।

बजेट लिपा न्हापागु कारोबार जूगु सेयर बजाः निगु अंकं कुहावःगु दु।

मंगलवा थौं नेपाल स्टक एक्सचेञ्जया बजाः परिसूचक ५३.१६ अंक घटे जूया बजाः बन्द जूगु खः। मंगलवाः १८८८.६१ विन्दुइ कुहावःगुलि २०७ गु कम्पनीया सेयर भाः कुहावःगु दु।

थौं गूगु कम्पनीया जक सेयर भाः थहावःगु दु सा स्वंगू स्थिर जूगु दु। कारोबार जूगु थौं रकम २ अर्ब ३० करोड स्वया अप्पो जूगु दु।

७० लाख ७४ हजार कित्ता सेयर ४० हजार ६३४ पटक खरिदबिक्री जूगुलि २ अर्ब ३४ करोड १७ लाख रुपैयाँया कारोबार जूगु खः।

स्वेतगंगा हाइड्रोपावर एन्ड कन्स्ट्रक्सन, सिटिजन्स म्युचअल फन्ड–१, सामुदायिक लघुवित्त वित्तीय संस्था, आदर्श लघुवित्त वित्तीय संस्थाया लगानीकर्तापिन्स थौं यक्को गुमे याःगु दु।

लुँ तोलां थौं २४०० सय थहावंगु दु। थौं मंगलवाः लुँ तोलां २४ सय १ लाख १० हजार ५ सय न कारोवार जूगु दु धका नेपाल सुनचाँदी व्यवसायी महासंघं जानकारी बिःगु दु।

अथेहे, थौं वहः तोलां झिंन्यातका थहावःगु दु। थौं वहः तोलां झीन्यातका थहावना १ हजार ३ सय ७५ न कारोवार जूगु दु धका महासंघं धाःगु दु।