अर्थमन्त्री डा. प्रकाश शरण महतं वइगु आर्थिक बर्ष मन्त्रालयया बजेट सीमा बिइ धुका विनियोजन विधेयकया सिद्धान्त फागुन मसान्त दुने प्रस्तुत याइगु नीति काइगु धका धाःगु।

स्रोत साधन छरे यायेगु प्रवृत्ति निरुत्साहित यायेगु, विस्तृत सम्भाब्यता अध्ययन नाप पूर्वतयारी क्वचाये धुकुगु आयोजन जक बजेटय् समावेश यायेगु जुइ धका धाःगु दु।

पूर्वतयारीया ज्या क्वचाये धुकुगु खरीद योजना दुगु आयोजना जक ठेक्का सम्भौता यायेगु धका धाःगु दु। ज्याझ्वःया कार्ययोजना असार मसान्त दुने क्वचायेमाः धका अर्थमन्त्रीं धाःगु दु।

अर्थमन्त्री डा. प्रकाशशरण महतं साधारण खर्च थहावःगुलि अर्थतन्त्रय् समस्या वइ धका धयादीगु खः।

थौं सोमवाः वइगु आर्थिक वर्ष २०८०÷८१ या बजेट प्रस्तुत यानादीसे वयकलं अर्थतन्त्रय् दुगु समस्या प्रस्तुत यानादीगु खः।

उकिइ वयकलं साधारण खर्च जक १२ खर्ब २५ अर्ब ८० करोड थ्यःगु दु धका धयादीगु खः ।

मन्त्री परिषदया बैठकं प्रधानमन्त्री पुष्पकमल दाहाल प्रचण्डया भारत भ्रमण टोली याःगु स्वीकृत जूगु दु।

थौं च्वंगु  मन्त्री परिषदया बैठकं प्रधानमन्त्री प्रचण्डया भारत भ्रमणय् वनिइगु टोलीया स्वीकृत याःगु दु धका बैठक लिपा सरकारया प्रवक्ता नाप सञ्चार लिसे सूचना प्रविधि मन्त्री रेखा शर्मां जानकारी बिःगु दु।

वयकःया कथं प्रधानमन्त्रीया भारत भ्रमण टोलीइ न्याम्ह मन्त्रीपि सहभागी जुइगु दु। उगु टोलीइ भौतिक पूर्वाधार, ऊर्जा, परराष्ट्र, अर्थ व उद्योग मन्त्रीपि वनिइगु जुगु दु।

प्रधानमन्त्री प्रचण्ड नेतृत्वया टोली जेठ १७ गते भारत भ्रमणय् वना २० गते स्वदेश लिहावइगु जूगु दु।

रेशमलाल चौधरी थौं कारागारपाखे रिहा जूगु दु। गणतन्त्र दिवसया लसताय् राष्ट्रपति रामचन्द्र पौडेलं आममाफी बिइवं थौं चौधरी कारागारपाखे रिहा जूगु खः।

चौधरीनाप १९ म्हेसित संविधानया धारा २७६ व मुलुकी फौजदारी कार्यविधि संहिताया दफा १५९ बमोजिम गणतन्त्र दिवसया लसताय् माफी बिःगु खः।

नेकपा (एमाले) या अध्यक्ष केपी शर्मा ओलीं गणतन्त्र बालागु प्रणालीयात मजबुत दयका गरिबी व पछौटेपन विरूद्ध ल्वाना त्याकेमाः धका धयादीगु खः।

गणतन्त्र दिवसया लसताय् भिंतुना सन्देश बिइगु झ्वलय् वयकलं गणतन्त्र छगू शासन प्रणाली मखुसे सभ्यता, संस्कृति व सामाजिक जीवन पद्धति खः धका धयादीसे थुकियात अभ्यासपाखे लोकप्रिय दयका यकेमाः धका धयादीगु खः । ‘गणतन्त्रयात अभ्यासपाखे हे लोकप्रिय याना यकेमाः।

गन सीमान्तकृत, अल्पसङ्ख्यक, गरिबी व बेथितिइ म्वना च्वंगु वर्गपि, मिसापि, मस्त, लिउने लानाच्वपि समुदाय दथुइ विभेद व बहिष्करण मखु, राज्यं संरक्षण याना थासय् लाके फयेमाः’, वयकलं बिउगु भिंतुना सन्देशय् धयातःगु दु।