येँ महानगरपालिका वडा नं. १६ या कार्यवाहक अध्यक्षया जिम्मेवारी पुष्प महर्जनयात बिःगु दु।

थौं जूगु प्रमुखस्तरीय निर्णयपाखे वयकःयात कार्यवाहक अध्यक्षया जिम्मेवारी बिःगु खः।

थौं हे वडा समितिया बैठकं महर्जनयात कार्यवाहक अध्यक्ष शिफारिस यायेगु निर्णय जूगु खः।

वडाया अध्यक्ष मुकुन्द रिजाल वंगु भदौ २१ गते आकाझाकां मदुगुलि अध्यक्ष पद खालि जूगु खः।

गायिका आनी छोइङ डोल्मां दमक बाल अस्पतालयात १ करोड ८० लाख तका आर्थिक ग्वहालि याःगु दु ।

थौं सोमवाः येँ जूगु छगू ज्याझ्वलय् आनी छोइङ डोल्मा फाउण्डेसनं येँ इन्स्टिच्युट अफ चाइल्ड हेल्थया प्रमुख प्रा.डां भगवान कोइरालायात उगु ध्यवा ग्वाहालि याःगु खः ।

फाउण्डेसनं आनीया सांगीतिक गुरु लिसे जनकबि गीतकार दुर्गालाल श्रेष्ठं उगु ध्यवा चेक प्रा. डा. कोइरालायात लःल्हागु खः।

आनी थःपिन्सं संगीतपाखें उपलब्धि हासिल जुल, थ्व दुर्गालाल श्रेष्ठ कारण हे खः धयादीगु खः

निर्वाचित ज्यापू महागुथिया प्यक्वःगु महाधिबेशनं अध्यक्षय् सत्यनारायण डंगोल सर्वसम्मतं निर्वाचित जुयादीगु दु।

मेम्ह उम्मेदवार बुद्धि लाल ज्यापूं थःगु उम्मेदवारी लितः कयादीगु खः। अथेहे दुजःपि नं सर्वसम्मत निर्वाचित जुगु दु।

रमेशमान मुनिकार, बेखानारायण डंगोल, मचाराजा महर्जन, भक्ति नारायण महर्जन, कुलबहादुर महर्जन, केशब महर्जन, जुजुभाई महर्जन, मिलन मान महर्जन, श्याम कृष्ण संगत, सानु बाबु प्रजापति, श्रीकृष्ण महर्जन, रामेश्वर महर्जन, कृष्ण कुमार महर्जन, सानु महर्जन, सुरेन्द्र महर्जन, जयकृष्ण दुवाल, स्वयम्भु राज डंगोल, ज्ञानेन्द्र महर्जनपि न सर्वसम्मतं निर्वाचित जुयादीगु दु।

अथेहे मिसा दुजलय् सानु देबी महर्जन, सरिता महर्जन, सरिता महर्जन, सबिना महर्जन, शान्ता प्रजापति, हेरा शोभा महर्जन व बुद्धि लक्ष्मी महर्जनपिं निर्वाचित जुयादीगु खः।

ज्यापू महागुथि नेपाःया प्यक्वःगु महाधिबेशनय् थौं बन्द सत्र सुरु जूगु दु। अथेहे थौं हे चुनाव जुइ त्यःगु दु।

थौं जुइत्यःगु चुनावय् अध्यक्षया निति सत्यनारायण डंगोल व बुद्धि लाल ज्यापू निम्हेसिया उम्मदवारी बिःगु दु।

अथेहे दुजलय् रमेशमान मुनिकार, बेखानारायण डंगोल, मचाराजा महर्जन, नजरराम महर्जन, भक्ति नारायण महर्जन, कुलबहादुर महर्जन, केशब महर्जन, जुजुभाई महर्जन, अनिता महर्जन, कुल बहादुर महर्जन, श्याम कृष्ण संगत, सानु बाबु प्रजापति, श्रीकृष्ण महर्जन, रामेश्वर महर्जन, बिजयलाल डंगोल, कृष्ण कुमार महर्जन, सानु महर्जन, सुरेन्द्र महर्जन, जयकृष्ण दुवाल, न्हुच्छे महर्जन, स्वयम्भु राज डंगाुल, ज्ञानेन्द्र महर्जन, देव कुमार महर्जन, सत्य लक्ष्मी डंगोलपिन्स उम्मेदार बिःगु दु।

अथेहे मिसा दुजलय् उर्मिला डंगोल, सजिता भण्डारी डंगोल, सानु देबी महर्जन, सरिता महर्जन, सरिता महर्जन, श्रीमिला सुवाल, रत्ना डंगोल, सुनिता महर्जन, सबिना महर्जन, शान्ता प्रजापति, ज्ञान शोभा महर्जन, हेरा शोभा महर्जन व बुद्धि लक्ष्मी महर्जन पिन्स उम्मेदवारी बिःगु दु।

थौं ५ बजेनिसे ७ः३० बजेतक मतदान जुइ धका निर्वाचन अधिकृतं सूचं तिका जानकारी बिःगु दु। अथेहे थौ ८ बजे हे मतगणना जुइ धका न धाःगु दु।

देयन्यकं च्वपि मानन्धरपिनिगु मंकाः संस्था केन्द्रीय मानन्धर संघं तजिकं मंकाः कथं धाः बाजं ब्बज्या याःगु दु।

येँ महानगरपालिकानाप सहकार्य याना संघं १२ गु त्वाःया थीथी खलः, पुचः व गुठीपिन्स ब्बति काःगु खः। स्वनिगः नापं काभ्रे जिल्लाये न उगु ब्बज्याय् ब्बति काःगु खः।

येँपाखे लाय्कूसाः मानन्धर समाज, भिंद्यः गुथि कालिमाटी, चस्वांद्व मानन्धर सनाःगू खलः, थँहिटी मानन्धर गुथि, दैसाः टोल मानन्धर समाज, न्यागःमणि फेदी मानन्धर संघ, मानन्धर सनाःगू खलः न्हूसाः, पाक्व पुखूद्यां सनाः खलः, किपूया श्रीपञ्चमी मानन्धर गुथि, चन्द्रागिरीया मच्छेगाँ मानन्धर गुथि, फयख्वाः मानन्धर गुथि रामकोट व जापाली (वाँख्यो दाफा भजन खलः) काभ्रेया मानन्धरपिनिगु मौलिक बाजं ब्बज्या याःगु खः।

ज्याझ्वलय् न्ववानादीसे वाग्मती प्रदेश सांसद नापं पूर्वमन्त्री माननीय बसन्त मानन्धरं पुर्खापिन्स लल्हाना थकूगु मौलिक बाजं संस्कृतियात संरक्षण यायेगु ज्याय् फुगु ग्वाहलि यायेगु धका धयादीगु खः। अथेहे, येँ महानगरपालिकाया प्रवक्ता नवीन मानन्धरं देय् हे तिसाः कथं कयातःगु अमूर्त सम्पदा संरक्षण, प्रवद्र्धन व विकासया लागि स्थानिय सरकारं ज्या याना च्वनागु दु धका धयादीगु खः। वयकलं संस्कृतियात अर्थ व्यवस्थानाप न स्वाना यकल धाःसा आर्थिक उपार्जनया माध्यमपाखे न्ह्याके यकेफत धाःसा जक थज्यागु गतिविधिया औचित्य पुष्टि जुइ धका धयादीगु खः।

वीरगञ्ज पर्सौनीयात प्रतिनिधित्व यासे केन्द्रीय मानन्धर संघया सभापति मनोज कुमार मानन्धरया सभाध्यक्षताय् जुगु उगु ज्याझ्वलय् प्रतिनिधिसभाया सांसद माननीय सपना राजभण्डारी जोशी, वाग्मती प्रदेशका सांसद माननीय बसन्त मानन्धर, शैलेन्द्र बज्राचार्य, येँ महानगरपालिका वडा नं. १७ का वडाध्यक्ष नाप महानगरका प्रवक्ता नवीन मानन्धर, १३ का ध्रुवनारायण मानन्धर, २० या राजेन्द्र मानन्धर, श्री शार्दूल जंग गुल्मपति नेपाली सेनाया मेजर पूर्ण प्रजापति, सम्पदा विभाग उपप्रमुख श्रीजु प्रधान, नेवाः पत्रकार राष्ट्रिय दबूया नायः नृपेन्द्रलाल श्रेष्ठ नापं झिनिगु हे त्वाःया कजि लिसे बाजं गुरुपिनिगु ब्बति दुगु खः।

उगु ज्याझ्वः केन्द्रीय मानन्धर संघया सञ्चार उपसमिति व युवा उपसमितिं संयोजन याःगु खः।