कृषि विज्ञ मदन राईयात प्रहरीं नियन्त्रणय् काःगु दु। खोटाङ प्रहरीं थौं राईयात वयागु हे शुभम् फाउन्डेसनपाखे नियन्त्रणय् काःगु खः।

राईयात शुभम फाउन्डेसनं सन्चालन याःगु विद्यालय अध्ययनच्वपि विद्यार्थीपिन्त यौन दुर्व्यवहार याःगु द्धपनय् प्रहरी ज्वंगु खः। वयालिपा न्यनेकने यायेत जिल्ला प्रहरी कार्यालयय् हयागु खः व न्यनेकने यायेगु ज्या जुयाच्वंगु दु धका इन्सपेक्टर वेनुकुमार कार्की न जानकारी बिःगु दु।

शुभम् फाउन्डेसन अन्तर्गत खोटाङया रुपाकोट मझुवागढी नगरपालिकाय् जनजागृति माध्यामिक विद्यालयपाखे छगु ज्याझ्वः न्ह्याका वयाच्वंगुः खः।

गण्डकी प्रदेशय् मन्त्रिपरिषद् विस्तार याइगु जुगु दु।

मुख्यमन्त्री सुरेन्द्रराज पाण्डे न नेपाली कांग्रेसया नवलपुरया महेन्द्रध्वज जिसी व बाग्लुङया दीपेन्द्रबहादुर थापा, नेकपा एकीकृत समाजवादीपाखे राजीव गुरुङ (दीपक मनाङे) व नेकपा माओवादी केन्द्रपाखे रेशमबहादुर जुग्जाली नियुक्त याःगु दु।

नवनियुक्त मन्त्रीपिन्त थौं न्हिनय् ४ बजे शपथ ग्रहण तयातःगु दु धका गण्डकी प्रदेश प्रमुखया कार्यालय प्रवक्ता चण्डीप्रसाद अर्यालं जानकारी बिःगु दु।

लुँ तोलां थौं च्यासः कुहावःगु दु। लुँ तोलां थौं च्यासः कुहावया १ लाख १० हजार ८ सय रुपैयाँ न कारोवार जूगु दु धका नेपाल सुनचाँदी व्यवसायी महासङ्घं धाःगु दु।

अथेहे, थौं वहःया भाः न तोलां ५५ रुपैयाँ कुहावःगु दु। वहः तोलां न्यय्न्यातका कुहावया थौं १ हजार ३ सय ७५ रुपैयाँ न कारोबार जूगु दु धका महासङ्घं धाःगु दु।

बाजुराय् थौं सुथय् भुखाय् ब्बःगु दु।

बाजुराया बिछ्या केन्द्रविन्दु जूया थौं सुथय् ५ बजे जूया १५ मिनेटय् ४ दशमलव ३ रेक्टर स्केलया भुखाय् ब्बःगु दु धका राष्ट्रिय भूकम्प मापन केन्द्रं धाःगु दु।

थुगु महिनाय् जक बाजुरा केन्द्रविन्दु जूया खुकः तक भुखाय् ब्बये धुकुगु दु।

नेकपा एमाले केन्द्रीय कमिटीया बैठक थौंनिसे यलय् न्ह्याइगु जुगु दु। यलया च्यासलया पार्टी केन्द्रीय कार्यालयय् थौं सुथय् १० बजेनिसे बैठक न्ह्याइगु जुगु दु।

स्वन्हु तक न्ह्याइगु उगु बैठकय् झीगु कार्यसूचीइ छलफल यायेगु निर्णय याःगु ददु धका नेकपा एमालेया केन्द्रीय सदस्य नाप केन्द्रीय प्रचार विभाग उपप्रमुख विष्णु रिजालं जानकारी बिःगु दु।

बैठकय् अध्यक्ष केपी शर्मा ओलीं राजनीतिक प्रतिवेदन, केन्द्रीय निकायपिनिगु प्रतिवेदन, मिसन ग्रासरुट अभियानया प्रतिवेदन, प्रदेशया कार्ययोजना, केन्द्रीय सदस्यपिनिगु कार्यविभाजन, पार्टी प्रवेशीपिनिगु व्यवस्थापन लगायतया झीगु कार्यसूची दु धका नेता रिजालं जानकारी बिगु दु।

एमाले केन्द्रीय कमिटीइ ३३५ (निम्ह निलम्बित) सदस्य, प्यम्ह केन्द्रीय निकायया अध्यक्ष व गुम्ह प्रदेश कमिटी अध्यक्ष (निम्ह गैरभौगोलिक) पिनिगु सहभागी दइ।

थ्व स्वया न्ह्यः एमालेया केन्द्रीय कमिटी बैठक झापाय् च्वनिइगु धका धाःगु खः।