लुम्बिनी प्रदेशसभाया बैठक थौं च्वनिइगु जुगु दु। लच्छिलिपा प्रदेश सभाया खुक्वःगुं बैठक थौं न्हिनय् १ बजे च्वनेत्यःगु खः।

थौंया प्रदेश सभा बैठकयु निगु चिधःगु दलं सरकारयात बियातःगु समर्थन फिर्ता लित कायेगु तयारी दु। एमालेया मुख्यमन्त्री गिरीयात बियातःगु विश्वासया मत लोसपा व नागरिक उन्मुक्ति पार्टी न समर्थन फिर्ता लित कायेगु तयारी यानाच्वंगु दु।

लुम्बिनी प्रदेश सभाय् नागरिक उन्मुक्तिया प्यम्ह व लोसपाया स्वम्ह सांसदपि दु। अथेहे, च्याःगु दलया बैठक थौं दाङया देउखुरीइ च्वनेत्यःगु दु । लुम्बिनी प्रदेश सभाय् एमालेया २९, कांग्रेसया २७, माओवादी केन्द्रया १०, राप्रपा व नागरिक उन्मुक्तिया प्यम्ह प्यम्ह, जसपा, लोसपा व जनमतया स्वम्ह स्वम्ह, नेकपा एकीकृत समाजवादी व जनमोर्चाया छम्ह छम्ह नाप निम्ह स्वतन्त्रपि प्रदेश सभा सदस्यय् दु।

चितवन–२ य् उपचुनावया लागि निर्वाचन आयोगय् १८ दल दर्ता जूगु दु। निर्वाचन आयोगं दल दर्ताका लागि फागुन १० गतनिसे १६ गतेतकया लागिु ई बिःगु खः।

आयोगया प्रवक्ता शालिग्राम शर्मा पौडेलया कथं आयोगं इनाप याःगु कथं दर्ता जूगु दलं जक उपचुनावये ब्बति काये दइ। वैशाख १० गते चितवन क्षेत्र नम्बर २ य् उपचुनाव जुइत्यःगु खः।

नागरिकता प्रकरणया अदालतया आदेशलिपा राष्ट्रिय स्वतन्त्र पार्टीया सभापति नाप रवि लामिछानेया प्रतिनिधि सभा सदस्य पद खारेज जूगुलि चितवन–२ य् उपचुनाव जुइत्यःगु खः। उपचुनावय् नेपाल मजदुर किसान पार्टी, मङ्गोल नेसनल अर्गनाइजेसन, राष्ट्रिय नागरिक पार्टी, नेपाली कांग्रेस, राष्ट्रिय जनमुक्ति पार्टी, राष्ट्रिय जनमोर्चा, नेकपा (एमाले) न ब्बति कायेगु निति दल दर्ता जुगु दु।

अथेहे राष्ट्रिय स्वतन्त्र पार्टी, नेकपा (माओवादी समाजवादी), नेकपा (माओवादी केन्द्र), नागरिक उन्मुक्ति पार्टी, हाम्रो नेपाली पार्टी, पुनर्जागरण पार्टी, मौलिक जरो किलो पार्टी दर्ता जुगु दु।

राष्ट्रिय मुक्ति आन्दोलन नेपाल, नेपाली कांग्रेस (बीपी), राष्ट्रिय प्रजातन्त्र पार्टी व जय जन्मभूमि पार्टी नेपाल न दल दर्ता याःगु दु।

निर्वाचन आयोगं फागुन २५ गते कुन्हु जुइगु राष्ट्रपति निर्वाचन व चैत्र ३ गते जुइगु उपराष्ट्रपति निर्वाचनया लागि फागुन १७ गतेनिसे आचारसंहिता लागू यायेत्यःगु दु।

संघीय संसदय् ३३२ व प्रदेशसभाया ५५० म्ह याना ८८२ म्ह मतदाता दुगु निर्वाचनया लागि फागुन १७ निसे चैत्र ५ गतेतक आचारसंहिता लागु जुइ धका आयोगं मंगलबाः छगू सूचं प्रकाशितयासे जानकारी बिःगु खल्।

आचारसंहिता नेपाल सरकार, प्रधानमन्त्री व मन्त्री, प्रदेश सरकार, मुख्यमन्त्री व मन्त्री, संघ, प्रदेश व स्थानीय तहया कर्मचारी, सुरक्षा निकायया कर्मचारी, सरकारी, अर्धसरकारी नाप सार्वजनिक संस्थाया कर्मचारीपिन्त लागु जूइ।

अथे हे राजनीतिक दल व वयागु भ्रातृ संगठन, उम्मेदवार व उम्मेदवारया प्रतिनिधि, मतदान व मतगणना जुइगु थाय् खटे जुइपि उम्मेदवारया प्रतिनिधि, सार्वजनिक पद धारणयापि मनू, सञ्चार प्रतिष्ठान, वया कर्मचारी व पत्रकार नाप मतदातपिन्त आचारसंहिता लागु जुइ।

मंगलबाः सेयर बजाः भचा कुहावःगु दु। थौं ३.८१ अंकय् कुहावया बजाः २०१९.७३ बिन्दुइ कुहावःगु दु।

बजाः न्हिच्छियक थहा कुहवःगु खः। मंगलबाः २६२ धितोपत्रया २८ हजार ६८४ गु कारोबारपाखे ३९ लाख ४६ हजार २४ कित्ता सेयर न्यायेगु मिइगु जुगु खः।

१ अर्ब ३८ करोड ७८ लाख रुपैयाँया कारोबार जूगु खः। जलविद्युत, इन्भेष्टमेन्ट, म्युचुअल फण्ड व ट्रेडिङ बाहेक दक्को उपसूचक कुहावःगु दु। दकलय् अप्पो लघुवित्त उपसूचक ०.८० प्रतिशतं कुहावःगु दु।

थौं दकलय् अप्पो लघुवित्त कम्पनीया सेयर भाः थहावःगु दु। आँधीखोला लघुवित्त, आदर्श लघुवित्त व खप्तड लघुवित्त वित्तीय संस्था सकारात्मक सर्किट लेबलय् कारोबार जूग्ु खः। सिद्धार्थ इन्स्योरेन्स व सर्पोट माइक्रोफाइन्सया भाः न थहावःगु दु।

दकलय् अप्पो कुहावःगु सेयरया भाः प्रिमियर इन्स्योरेन्सया खः। थुकिया भाः ३.८५ प्रतिशतं कुहावःगु खः। युनिभर्सल पावर कम्पनी, शिवम् सिमेन्ट, सानिमा माइहाइड्रोपावर लगायतया सेयर दकलय् अप्पो कारोबार जुगु खः।

रेडियो नेपालं म्हिगः अष्टमीया सुथय् निसे नेपाल संवतया तिथि न प्रसारण यायेगु याःगु दु ।

नेपाल संवत न्हूदँ राष्ट्रिय समारोह समिति ११४३ न रेडियो नेपालय् न प्रसारणय् नेपाल संवतया तिथिमिति प्रसारण यायेमाःगु धका इनाप याःगु खः।

हूदँ समारोह समितिया नायः प्रा.डा.नरेशमान बज्राचार्यं रेडियो नेपालया प्रमुखयात नापलानाः रेडियो नेपालय् दँ जक धायेगु यानाच्वंगुलिं ला (महिना) व तिथि नं धायेमाःगु धासें ज्ञापन पौ लःल्हाःगु खः।

समारोह समितिया नायः प्रा.डा.बज्राचार्यं म्हिगः निसे रेडियो नेपालं नेपाल संवतया दँनिसें ला (महिना) व तिथि (दिं) तकं न्वःवानाः प्रसारण याःगुलि लहनान्युजनाप खँ ल्हानादीसे रेडियो नेपालया टिमया सुभाय् देछानादीगु दु।