लुँया भाः थौं तोलां निसः कुहावःगु दु। थौं लुँ तोला निसः कुहावया १ लाख ३ हजार ६ सय रुपैँया न कारोवार जुगु दु धका नेपाल सुनचाँदी व्यवसायी महासंघं धाःगु दु।

अथे हे, वहः तोलां न्यातका कुहावःगु दु। वहः तोलां न न्यातका कुहावया १ हजार २ सय ९० रुपैयाँ न कारोबार जुगु दु धका महासंघं धाःगु दु।

शेयर बजाः थौं मङ्गलवाः १६ अङ्कं घटे जूगु दु। शेयर बजाः परिसूचक नेप्से थौं १६ दशमलव ४० अङ्कं घटे जूया २ हजार १ सय ०५ दशमलव ४६ विन्दुइ कुहावःगु दु।

थौं उत्पादनबाहेक दक्को समूहया शेयर कुहावंगु दु सा बीमा, माइक्रोफाइनान्स, विकास बैंक, होटल नाप पर्यटन व जलविद्युत् समूहया शेयर तसकं कुुहावःगु दु।

बजाः घटे जुगु दिं २ सय ५५ गु कम्पनीया ४६ लाख ८५ हजार कित्ता शेयर १ अर्ब ७८ करोड रुपैयाँमा कारोबार जूगु दु । दकलय् दकलय् अप्पो हिमालयन डिस्टिलरी लिमिटेडया ७ करोड ७८ लाख व ङादी गु्रप पावरया ७ करोड ७४ लाख रुपैयाँ बराबरया शेयर किनबेच जूगु खः।

थौं बाराही हाइड्रोपावरया दकलय् अप्पो शेयर ५ प्रतिशतं कुहावःगु दु। समग्र बजाः घटे जूसा युनिलिभर नेपालया शेयर दकलय् अप्पो ६ प्रतिशतं थहावःगु दु।

येँया नयाँबजारय् च्वंगु मनास्लु पब्लिक माध्यामिक विद्यालय २२ क्वःगु दँमुज्या व अभिभावक दिवस क्वचाःगु दु।

विद्यालय व्यवस्थापन समितिया अध्यक्ष डा.सवनम भट्टया सभाध्यक्षताय् जुग उगु ज्याझ्वलय् मूपाहाँ कथं नेपाल सरकारया पूर्व सचिव नाप भाषा आयोगया पूर्व अध्यक्ष डा. लवदेव अवस्थी झायादीगु खः।मूपाहाँ डा. अवस्थीं विद्यालय शिक्षाया स्तर उन्नतिइ मनास्लु पब्लिक मा.विं उल्लेखनीय भूमिका म्हितूगु व वइगु दिं न विद्यालय थौंया ई कथं ज्ञान व सीपमूलक शिक्षाप्रदान याइगु काइगु धका भलसा कयादीगु दु खः।

विद्यालयया प्राचार्य सुचिता शाक्यं विद्यार्थी व अभिभावकपिनिगु कारणं हे मनासलु स्कुल दु धइगु बिचाः तयादीसे, शिक्षक, विद्यार्थी, अभिभावक व कर्मचारी सकसिगु सहअस्तित्व व सहकार्यय जक सकसिगु हीत जुइ बिचाः तयादीगु खः।मनासलु एजुकेशनल इन्ष्टिच्यूट प्रा.लि या अध्यक्ष हरिप्रसाद भट्ट, शिक्षक अभिभावक संघया अध्यक्ष विष्णु काप्रीपिन्स न विद्यालय व अभिभावकपि दथुइगु अन्तरसम्बन्धया महत्व दुगु धका बिचाः तयादीगु खः।

विद्याथीपिन्स विविध साँस्कृतिक नाप मनोरञ्जनात्मक ज्याझ्वः न्ह्यब्बःगु खः। अथेहे राष्ट्रिय लोक दोहोरी गायक सञ्जय गुरूङ, श्रीदेवी देवकोटा, सुष्मा लामा, केसी माया रामदामपिन्स न विशेष साँङ्गीतिक न्ह्यब्बःगु खः।

सार्क जर्नलिस्ट फोरमं अनलाइन अन्तर्राष्ट्रिय वार्ता याःगु दु।

उगु अनलाइन अन्तर्राष्ट्रिय पत्रकार ज्याझ्वलय् अफगानिस्तानय् जुयाच्वंगु पत्रकारपिन्त यानाच्वंगु अत्याचारया बिरुद्ध सः थ्वयेकगु निति सार्क देशया सरकारपिन्त इनाप यायेगु व तालिबान सरकारयात अफगानिस्तानय् हानक मीडिया नाप पत्रकारपिन्त स्वतंत्र कथं ज्या याये दयेमाः धका माग याःगु खः।

उगु अनलाइन अन्तर्राष्ट्रिय पत्रकार ज्याझ्वलय् फोरमया अध्यक्ष राजु लामां संयुक्त राष्ट्र संघयात पौं च्वया अफगानिस्तानया पत्रकारपिनिगु समस्या ज्यकेत इनाप याये धका धयादीगु दु खः।

अथेहे अफगानिस्तानय् मिसा पत्रकार अमीना आजिजीं थथे अफगानिस्तानया अवस्था जुया वन धाःसा आः मिसा पत्रकारिता व मिसा पत्रकारपि तनावनिइ धका च्यूता कया सार्क जर्नलिस्ट फोरमया अध्यक्ष (अंर्तराष्ट्रीय) राजू लामायात संयुक्त राष्ट्र संघयात पौं च्वया अफगानिस्तानया पत्रकारपिनिगु समस्याया समाधान यानाबीइत इनाप याःगु खः।

उगु ज्याझ्वलय् महाराष्ट्रया प्रदेश अध्यक्ष अनिल सांब, पाकिस्तानी पत्रकार हसनैन चौधरी, भूटानय रिंग्जिÞक वांगचुक, भारतया अनिरुद्ध व नेपाःपाखे प्रकाश सिलवाल, नृपेन्द्रलाल श्रेष्ठ व रत्नकाजी महर्जन नाप थीथी देशं ब्बति काःगु खः।

किपू नगरपालिका ६ वडा क्वाःरय् ‘भिँछेँ अय्लाः प्यालेस’ नेवाः रेष्टुरेन्ट चालीगु जूगु दु ।

वंगु शुक्रबाः छगू पत्रकार सम्मेलन यासें भिँछेँ नेवाः प्यालेसया दिनेश महर्जनं थ्वहे वइगु १४ फेब्रुअरी भ्यालेन्टाइन डेया दिं मंगलबाः कुन्हु रेस्टुरेन्टया उलेज्या जुइगु जानकारी बियादिल ।

स्थानीय क्वाःरया भैरव सनाः गुथिं रेस्टुरेन्ट संचालनय् हय्त्यंगु खः । उगु गुथिया ५५ म्ह दुजःतय् सक्रियताय उगु रेस्टुरेन्ट चायेकेत्यनागु जानकारी नं महर्जनं बियादिल । उलेज्याया दिं मंगलबाः १४ फेब्रुअरी भ्यालेन्टाइन डेकुन्हु सांगितिक लाइभ कन्सर्ट नं जुइगु धाःगु दु ।