वाङ्मय शताब्दीपुरुष सत्योहन जोशीया स्वास्थ्य अवस्था स्थिर जूगु दु ।

वंगु २३ दिंनिसे यलया किष्ट अस्पतालय् उपचारया ना वयाच्वंम्ह वयकःया स्वास्थ्य अवस्था स्थिर दु धका अस्पतालं छगु विज्ञप्ति जारीयासे जानकारी बिःगु दु। “म्हिगःनिसे थौंतक स्वास्थ्यय् खासै सुधार मजुगु व वयकःया स्वास्थ्य स्थिति स्थिर हे दु।

नाप छातीइ निमोनियाया संक्रमण व युरिन इनफेक्सन नियन्त्रणया लागि बियातःगु एन्टिबायोटिक्स कोर्स न जारी दु,” अस्पतालं जारी याःगु विज्ञप्तिइ उल्लेख याःगु दु।

चिकित्सकपिनिगु निगरानीइ तयातःगु सघन उपचार कक्षय् उपचार जुयाच्वंगु दु धका धासे अस्पतालं जोशीया अवस्था स्थिर दु सा चिन्ताजनक हे दु। डेंगू संक्रमण जूया वयकः उपचारया लागि अस्पताल भर्ना जूयादीगु खः। निमोनिया व छाती न समस्या खनेदया च्वंगु दु।

लोकसाहित्य परिषदयया अध्यक्षय् राजितबहादुर श्रेष्ठयात ल्यःगु दु। अथेहे उपाध्यक्षय् वीरसिं महर्जन व लक्ष्मी शोभा शाक्ययात ल्यःगु दु।

सचिवय् धर्मकृष्ण श्रेष्ठ, सहसचिवय् किरणकेन रंजित, कोषध्यक्षय् बासुदेब श्रेष्ठ, सहकोषाध्यक्षय् मोहनदेबी महर्जनयात ल्यःगु दु । अथेतु दुजलय् निर्मला श्रेष्ठ, बिमलप्रभा बज्राचार्य, राजेन्द्र रंजित, शान्तराज शाक्य, देबकी श्रेष्ठ, यमुना श्रेष्ठयात ल्यःगु दु।

परिषदया तःमुन्ज्याँ तत्कालिन नायः प्रा.प्रेमशान्ती तुलाधरयात संरक्षक क्वछिउगु दु । ल्यःज्या जुइ न्ह्यःया ज्याझ्वलय् काजिमान डंगोल, नारद बज्राचार्य , विमलप्रभा बज्राचार्य पिन्सं नुगःखँ तयादिल ।

निवर्तमान नायः प्रा प्रेमशान्ति तुलाधरया सभाध्यक्षय् जुगु 

येँ महानगरपालिकां शर्मिला ठकुरीया ठेलागाडा लाकाकाःगुलि धरान उपमहानगरपालिकाया मेयर हर्क साम्पाङं लच्छिया तलब बिइगु जुगु दु।

म्हिगः बिहीबाः थापाथलीया प्रसुति गृहया गेटय् पानीपुरी मियाच्वम्ह शर्मिला तामाङया ठेला येँ महानगरपालिकाया नगर प्रहरीं लाकाकाःगु खः। सामाजिक सञ्जालय् साम्पाङ ठेला बचे यायेत ग्वाहालि फ्वसां महानगर प्रहरीं बेवास्ता याःगु भिडियो भाइरल जूगु खः।

महानगरपालिकां लिपागु इलय् फुटपाथ व ठेला व्यापारपिन्त पसः तयेका मबियाच्वंगु खः। नगर प्रहरीं ठेला लाकाकायेगु झ्वलय् साम्पाङं ग्वाहालि बिइवं ठकुरीयात ग्वाहालि याइपि अप्पोया वःगु दु।

थ्व हे झ्वलय् धरानया मेयर हर्क साम्पाङं सामाजिक सञ्जाल फेसबुकपाखे थम्हेसिया लच्छिया तलब बिइगु घोषणा याःगु दु। वयकलं च्वयादीगु दु, ‘थुम्ह केँह सू खः? वयात जिगु लच्छिया तलब बिइगु घोषणा याये ! जय मनू।’

शताब्दी पुरुष सत्यमोहन जोशीया स्वास्थ्य अवस्था गम्भीर जूयावंगु दु।

यलया इमाडोलय् किस्ट मेडिकल कलेज नाप शिक्षण अस्पतालय् उपचार याना वयाच्वम्ह जोशीया स्वास्थ्य अवस्था झन् कमजोर जूयावना च्वंगु दु धका अस्पताल स्रोतं जानकारी बिःगु दु।

जोशीया छातीइ निमोनिया संक्रमण खनेदुगु दु। उपचारय् संलग्न छम्ह चिकित्सकया कथं ‘ब्लड प्रेसर छक्वलं च्वय् क्वय् जूयाच्वंगु दु।

ब्लडप्रेसर घटे जूगु धइगु बालागु अवस्था मखु। वासलं बालाक्क ज्या यानाच्वंगु मदु’, उम्ह चिकित्सकया कथं, ‘स्वास्थ्यय् उल्लेखनीय सुधार मजुगुलि अवस्था चिन्ताजनक हे दु।’

डेंगू संक्रमणं आःतक ४७ म्ह सी धुकुगु दु। इपिडिमियोलोजी नाप रोग नियन्त्रण महाशाखाया तथ्यांक कथं असोज २७ गते तक संक्रमित जूपिनिगु ल्याः ३८ हजार ९१८ व सीपि ४७ म्ह थ्यःगु दु।

आःतकया तथ्यांक कथं दकलय् अप्पो येँ १२ हजार १०२ म्हेसित संक्रमित जुइ धुकुगु पुष्टि जुगु दु। अथेहे यलय् ८ हजार ५५४ व ख्वपय् २ हजार ४७५ म्ह याना स्वनिगः दुने डेंगू संक्रमित जूपि २३ हजार १३१ म्ह थ्यने धुकुगु दु।

अथेहे, मकवानपुरय् ३ हजार ९३३, दाङय् २ हजार ५, चितवनय् १ हजार ३८९ व रुपन्देहीइ १ हजार १७५ म्हेसित संक्रमण जुइ धुकुगु दु