सैनिकमञ्च तीनख्यल् थौं विशेष समारोह यासे ७३ क्वःगु प्रजातन्त्र दिवस हःगु दु।

२००७ साल फागुन ७ गते १०४ दँया जहानियाँ राणा शासन अन्त्य यागु लुमकेगु कथं थुगु दिंयात प्रजातन्त्र दिवस दँय् दँसं हनावयाच्वंगु खः।

थौं तीनख्यलय् जुगु ज्याझ्वलय् राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल प्रचण्ड, कायम मुकायम प्रधानन्यायाधीश हरिकृष्ण कार्की, सभामुख देवराज घिमिरे, मन्त्रीपि, उच्चपदस्थ कर्मचारी लगायतपिनिगु सहभागिता जुगु दु।

२००८ साल  लिपा प्रजातन्त्र दिवस मूल समारोह समितिं सैनिक मञ्चय् विशेष ज्याझ्वः यानावया च्वंगु खः।

नेपाल धितोपत्र बोर्डं माई खोला हाइड्रोपावर लिमिटेडयात सर्वसाधारणपिनिगु लागि सेयर निष्कासन यायेत अनुमति बिःगु दु।

बोर्र्डं फागुन ३ गते कम्पनीयात आईपीओ निष्कासन यायेत अनुमति बिःगु खः। कम्पनीया सेयर निष्कासन व बिक्री प्रबन्धक प्रभु लिमिटेड क्यापिटल याइगु जुगु दु।

बोर्डं कम्पनीया आयोजना प्रभावित स्थानिय व सर्वसाधारणया लागि १९ करोड २१ लाख ५६ हजार ८०० रुपैयाँ बराबरया १९ लाख २१ हजार ५६८ कित्ता सेयर निष्कासन यायेत अनुमति बिःगु खः।

काठमाडौं उपत्यका मेयर फोरमं बागमती प्रदेशया स्वास्थ्य मन्त्री रामेश्वर श्रेष्ठयात भिंतुना देछागु दु।

उपत्यका मेयर फोरमया पूर्वपदाधिकारीपिन्स छगु ज्याझ्वः दथुइ मन्त्री श्रेष्ठयात भिंतुना देछागु खः। मेयर फोरमया अध्यक्ष नाप येँ महानगरपालिकाया पुर्वमेयर विद्यासुन्दर शाक्यया अध्यक्षताय् उगु ज्याझ्वः जुगु खः। फोरमया सचिव मध्यपुर नगरपालिकाया मेयर मदन सुन्दर श्रेष्ठ खः। फोरमय् स्वनिगःया स्वंगु जिल्ला येँ, यल व ख्वपया नगरपालिका दथ्याकातःगु खः।

स्वनिगः दुने समस्यमा समधान यायेगु निति मंकाः कुतः यायेत स्थानीय तहय् छगु कथं येँ महानगरया अध्यक्षताय् फोरम गठन याःगु खः। स्वनिगःया समस्या समाधान यायेत गठन जूगु थुगु फोरम येँ महानगर न्हुम्ह मेयर वयेवं निष्क्रिय जूगु खः। तधःगु व न्हापागु महानगर जुगुलि स्वनिगःया समस्या समाधान यायेत न्हापां येँ महानगरं यायेगु कथं फोरमया नेतृत्व पूर्वमेयर शाक्यं याःगु खः।

उगु फोरमया संस्थापक अध्यक्षया हैसियतं पूर्वमेयर शाक्यं स्थानीय तह, प्रदेश व संघीय सरकारयात समन्वय याना विकास निर्माण व जनसरोकारया विषयय् कुतः यायेगु उद्देश्यं थःपिन्स भिंतुना ज्याझ्वः याना स्थानीय समस्याया बारेय् जानकारी मन्त्रीयात बियागु खः धका धाःगु दु। फोरमया हे कुतलय् स्वनिगःया दुने फोहोर व्यवस्थापनया लागि बञ्जरे डाँडाय् आधुनिक फोहोर व्यवस्थानं थाय् काःगु खः।

आधुनिक रूपं निर्माण जूगु ख उगु थासं आः निर्माण यायेगु लिपागु् चरणय् थ्यःगु खः।

भारतया मुम्बईलय् नेशनल बर्न्स सेन्टरय् उपचार यानाच्वम्ह कांग्रेस नेता प्रतिनिधि सभा सदस्य चन्द्र भण्डारीया निपाः तुतिइ शल्यक्रिया क्वचागु दु।

भण्डारीया उपचार समन्वयया लागि वनाच्वम्ह नेता योजराज कँडेलले जानकारी बिगु खः। भण्डारीया अवस्था सामान्यय् दु सा आः निक्वःगु शल्यक्रिया यायेगु वा मयायेगु धइगु ’अब्जर्भेशन’ लिपा जक निर्णय जुइ धका धयादीगु दु।

भण्डारीया उपचारय् खटे जूयाच्वंपि डाक्टरपिनिगु कथं वयकःया मुटुया चाल न सामान्य दु व एन्टिबायोटिक्स निरन्तर बियाच्वंगु दु धका कँडेलं धाःगु दु।

सरकारं पृथ्वी जयन्ती व जनयुद्ध दिवसय् सार्वजनिक बिदा क्यालेण्डरय् तइगु जुगु दु।

मन्त्रिपरिषदया निर्णय सार्वजनिक यासे शुक्रबाः सरकारया प्रवक्ता नाप संचार, सूचना तथा प्रविधि मन्त्री रेखा शर्मा न २०८० सालया लागि थ्व स्वया न्ह्यः बिदा जुगु पुस २७ गते पृथ्वी जयन्ती व फागुन १ गते जनयुद्ध दिवसया बिदा न तयेगु निर्णय जूगु दु धका जानकारी बिःगु दु।

क्यालेण्डरय् उल्लेख मजुगुसा पुस २७ व फागुन १ गते सरकारं सार्वजनिक बिदा बिःगु खः। २०८० सालय् क्यालेण्डर छापे याये धूकुसा वयालिपा बिइगु सार्वजनिक बिदा पुनरावलोकनया ज्या वइगु भदौतक क्वचाइगु व बिदा व्यवस्थित यायेगु निर्णय जूगु दु धका मन्त्री शर्मा न धाःगु दु।