भ्रष्टाचार मुद्दा दायर जुइवं एकीकृत समाजवादीया अध्यक्ष नाप पूर्वप्रधानमन्त्री माधव कुमार नेपालया सांसद पद न निलम्बनय् लागु दु।

पतन्जलीया जग्गा हिलाबूला याःगु द्धपनय् अख्तियार दुरुपयोग अनुसन्धान आयोगं विहीवाः नेपालविरुद्ध भ्रष्टाचार मुद्दा दायर यायेवं नेपालया सांसद पद स्वतः निलम्बनय् लागु दु।

नेपाःया इतिहासय् थ्व हे न्हापागु पटक पूर्व प्रधानमन्त्रीया बिरुद्ध भ्रष्टाचार मुद्दा दर्ता जुगु खः। अथेहे, मन्त्रिपरिषदं याःगु निर्णय जुगुलि भ्रष्टाचार मुद्दा न्ह्यागु थ्व हे न्हापांगु जुगु दु।

अख्तियार दुरुपयोग अनुसन्धान आयोगं पूर्वप्रधानमन्त्री माधवकुमार नेपालयात भ्रष्टाचार मुद्दा दायर याःगु दु।

अख्तियारं पतञ्जली जग्गा हिलाबूला याःगु प्रकरणय् अनियमितता जूगु द्धपनय् विशेष अदालतय् मुद्दा पेश याःगु दु। नेकपा एकीकृत समाजवादीया अध्यक्ष तक जुयादीम्ह नेपालविरुद्ध छु ई न्ह्यः जक दर्ता याःगु खः।

नेपाःया इतिहासय् न्हापागु पटक पूर्वप्रधानमन्त्रीयात भ्रष्टाचार मुद्दा दर्ता जुगु दु।अथेहे, मन्त्रिपरिषद निर्णय याःगु बिरुद्ध थ्व हे न्हापागु मुद्दा जुगु दु।

थ्व स्वया न्ह्यः अख्तियारं पतञ्जलि योगपीठया जग्गा अनियमितताय् अनुसन्धान यायेगु झ्वलय् अख्तियार दुरुपयोग अनुसन्धान आयोगं नेपालयात बयान काःगु खः।

राष्ट्रिय प्रजातन्त्र पार्टी (राप्रपा)या बरिष्ठ उपाध्यक्ष रवीन्द्र मिश्र व महामन्त्री धवल शमशेर राणा सम्पर्कविहीन जुगु दु। निम्हं सम्पर्कबिहीन जुइवं जमानी काःपि वकिलयात जरिवाना पुइकूगु दु।

अदालतया मुद्दा वनकि सम्पर्क जुइगु कथं छुटे जूपि आःतक सम्पर्कय् मवःगुलि जमानी काःपि निम्ह वकिलयात ५०–५० हजार जरिवाना पुइकूगु दु।

तीनकुने घटनाय् संलग्न जुगु द्धपनय् मिश्र व राणायात राजद्रोह, आपराधिक उपद्रव, संगठित अपराधया मुद्दा तःगु खः।

थौं जुन ५ अथे धइगु विश्व वतावरण दिवस। ‘प्लाष्टिक प्रदूषण न्यूनीकरणः हाम्रो दायित्व’ नारा ज्वनाः विश्वया थी थी मुलुकय् थ्व दिवस हःगु दु।

देय्या थी थी थासय् नं थ्व दिवस थी थी ज्याझ्वः यानाः हनेत्यंगु दु। संयुक्त राष्ट्रसङ्घं आह्वान याःकथं सन् १९७३ निसें दँय्दसं जुन ५ तारिखयात विश्व वातावरण दिवस कथं हना वयाच्वंगु खः। थौं दक्षिण कोरियाय् विशेष ज्याझ्वः यानाः थ्व दिवस हनीगु संयुक्त राष्ट्रसङ्घं धाःगु दु।

राष्ट्रसङ्घया कथं दँय् दसं पृथ्वीइ ४० क्वति टन प्लाष्टिकजन्य फोहर उत्पादन जुइगु, उत्पादित अजाःगु फोहर मध्ये उकिया १० प्रतिशत जक हाकनं छ्यलीगु नापं १ क्वति १० लख टन प्लाष्टिक खुसि, पुखू व महासागरय् बिसर्जन जुयावयाच्वंगु दु। थौं गैरकानुनी कथं न्याँ लाइपिंविरुद्धया सङ्घर्ष दिवस नं खः।

राष्ट्रसङ्घीय खाद्य नापं कृषि सङ्गठन (एफएओ)या आह्वानय् सन् २०१७ निसें थ्व दिवस हनेगु न्ह्याकूगु खः।

येँ महानगरपालिकाया निमित्त नगर प्रहरी प्रमुखया जिम्मेवारी एसपी विष्णु जोशीयात ब्यूगु दु।

प्रमुख प्रशासकीय अधिकृत सरोज गुरागाईं न प्रमुख वरिष्ठ उपरिक्षक (एसएसपी) राजुनाथ पाण्डेयात निलम्बित याना जोशीयात निमित्त प्रमुखया जिम्मेवारी ब्यूगु दु।