निलाःनिसे येँया सतकय् फोहर मुनाच्वंगुलि मनूतयेत न्यासि वनेगुलि हे समस्या जुगु दु। सिसडोलया बञ्चरेडाँडाया लँ भिंकेगु समस्या क्यना येँ महानगरपालिका व मेमेगु निजी क्षेत्र तक नियमितरुपं फोहरया व्यवस्थापन यायेगु ज्या मयासे सतकय् न्ह्यःने लाथे वान्छ्वया तःगु दु।

विशेषयाना येँया मुख्य सतक कलङ्की, कालीमाटी, टेकु, अनामनगर, बानेश्वर, थापागाउँ, कोटेश्वर लगायतया थासये ताः ईनिसे फोहर मुनाच्वंगु दु। थ्व हे वंगु साउन ४ गते येँ महानगरपालिकां सार्वजनिक सूचं जारी यासे सतक मर्मत यायेगु ज्या जुयाच्वंगुलि फोहर छवाः तक छेँ न पित मह्येत इनाप याउगु खः।

अथेहे बञ्चरेडाँडाया स्थानीयपिन्स सम्झौता कथं ज्या मजुगुलि वइगु भदौ १ गतेनिसे फोहर व्यवस्थापन मयाकेगु चेतावनी बिउगु दु। इलय् हे सतक मर्मतया ज्या मजुगु, फोहर ज्वना वइगु गाडीइ (लिचड ट्याङ्की) फोहरया लेदो दइगु थलंया व्यवस्था मयाउगु, स्थानीय स्वास्थ्य बीमा, शिक्षाया प्रत्याभूति थे जाःगु विषयबारे बेवास्ता याउगुलि स्थानीयपिन्स फोहर व्यवस्थापन मयाकेगु चेतावनी बिउगु खः।

येँ सुथय् भुखाय् ब्बल येँ भुखाय् ब्बःगु महसुस जुगु दु।

थौं शनिबाः सुथय् ५ बजे जुया २६ मिनेटय् भुखाय् ब्बःगु महसुस जुगु दु।

नुवाकोटया बेलकोटगढी केन्द्रबिन्दु जुया उगु भुखाय् ब्बःगु धका भूकम्प मापन केन्द्रं धाउगु दु।

भूकम्प मापन केन्द्र कथं थौं ब्बःगु भुखाय् ५.३ रेक्टरया धका धाउगु दु।

येँ भुखाय् ब्बःगु महसुस जुगु दु।

थौं शनिबाः सुथय् ५ बजे जुया २६ मिनेटय् भुखाय् ब्बःगु महसुस जुगु दु।

निर्वाचन आयोगं प्रतिनिधि सभा व प्रदेश सभा चुनावया लागि दल दर्ता यायेत आह्वान याउगु दु।

आयोगं थौं शुक्रवाः च्वंगु बैठकलं झीन्हुया दुने दल दर्ता यायेत आह्वान यायेगु निर्णय कथं वइगु आइतवाः निसे दल दर्ता आह्वान यायेगु धका आयोगं धाउगु दु। निर्वाचन आयोगय् आःतक ११६ गु राजनीतिक दल दर्ता जुइ धुकुगु दु।

आयोगय् दर्ता जुगु दलपिन्स न चुनावया प्रयोजन लागि हाकनं दर्ता यायेमाःगु व्यवस्था दु धका आयोगं धाउगु दु। सरकारं म्हिगः बिहीवाः वइगु मंसीर ४ गतेया लागि प्रतिनिधि सभा व प्रदेश सभा चुनावया मिति तोके याउगु खः।

चुनावया मिति घोषणानाप थौंनिसे मतादाता नामावली सङ्कलन कार्य बन्द याना चुनावया तयारी याउगु दु धका आयोगं धाउगु दु।

किपूलिइ ऐतिहासिक व साँस्कृतिक सम्पदायात जगेर्ना नाप पर्यटन प्रबद्र्धनया लागि थ्व हे वइगु श्रावण २७ गते शुक्रबाः चान्ह्यः सम्पदा यात्रा जुइगु दु।

थ्व २७ गते चान्ह्यः सम्पदा यात्रा जुइगु धका जोशी ननी हेरिटेज होम्सय् थौं छगु पत्रकार सम्मेलन याना जानकारी बिउगु खः। परम्परागत रूपं सापारु कुन्हु हना वयाच्वंगु “बहाः चाः हिलेगु” थुगुसि पर्यटन प्रबद्र्धन यायेगु निति प्रचार यायेगु कथं ज्याझ्वः जुइ धका थौं छगु पत्रकार सम्मेलनयासे जानकारी बियादीगु खः।

उगु सम्पदा यात्राय् किपूया ५३ थासय्  अवलोकन याकेत्यःगु खः। लिच्छबीकालनिसे किपूया नेवाः बस्ती, विहार, चिभाः व चुकः नाप स्वापू दुगु सम्बन्धित सभ्यताया अवलोकन याये दइगु कथं सम्पदा यात्रा जुइत्यःगु धका धाउगु दु।

उगु थासय् अप्पो याना बन्द हे जुयाच्वनिइगु जुगुलि उगु दिं बहाः बहीइ दुने द्यःया अवलोकन याये दइ धका ग्वसाः खलकं धाउगु दु।