Display Style:
Column Style
काभ्रे–२ य् एमालेया गोकुल बाँस्कोटा निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
काभ्रे–२ या प्रतिनिधिसभाय् नेकपा एमालेया नेता गोकुल बाँस्कोटा निर्वाचित जूगु दु।
वयकलं नेपाली कांग्रेसया उम्मेदवार शिवप्रसाद हुमागाईयात ५ हजार ८६३ मतं पराजित याःगु दु।
बाँस्कोटां ४५ हजार ३४५ मत हःगु खःसाल हुमागाईं न ३९ हजार ४८२ व राष्ट्रिय स्वतन्त्र पार्टीया दिनेश हुमागाईं न १० हजार ५८६ हःगु खः।
सिरहा–३ य् एमालेया लीलानाथ श्रेष्ठ निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
सिरहा–३ य् नेकपा एमालेया लीलानाथ श्रेष्ठ निर्वाचित जूगु दु।
थौं शुक्रबाः न्हिनय् जुगु मतगणना कथं श्रेष्ठं २८ हजार ६४ मत हया निर्वाचित जुगु खः।
वयकःया प्रतिस्पर्धीे नेकपा माओवादी केन्द्रया विश्वनाथ साह न २६ हजार ८८२ मत हःगु खः ।
अथेहे जनमत पार्टीया दिनेशकुमार यादवं ११ हजार १४६ व राष्ट्रिय प्रजातन्त्र पार्टीया गोवद्र्धनदास तत्मा न १ हजार २५९ मत हःगु खः।
रूपन्देही प्रदेशसभाय् एमालेया भोजप्रसाद श्रेष्ठ निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
रूपन्देही निर्वाचन क्षेत्र नम्बर २ या प्रदेशसभा २ य् नेकपा एमालेया भोजप्रसाद श्रेष्ठ निर्वाचित जूगु दु।
श्रेष्ठं नेकपा माओवादी केन्द्रया वामदेव क्षेत्रीयात ७ हजार स्वया अप्पो मतं बूकुगु दु। श्रेष्ठं १६ हजार ३०० मत हया विजयी जुगु खःसा क्षेत्रीं ९ हजार ४ सय १० मत हःगु खः।
धनुषा ३ य् एमालेया जुलीकुमारी महतो निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
धनुषा क्षेत्र नम्बर ३ य् नेकपा एमालेया जुलीकुमारी महतो निर्वाचित जूगु दु।
महतों सत्ता गठबन्धन लोकतान्त्रिक समाजवादी पार्टी (लोसपा) या उम्मेदवार अनिलकुमार झायात ९ हजार ६६९ मतं बूकुगु खः।
महतों ३३ हजार ३५५ मत हया निर्वाचित जुगु खः। अथेहे अनिलं २३ हजार ६८६ मत हःगु खः।
नवलपरासी–२ य् राप्रपाया उम्मेदवार ध्रुवबहादुर प्रधान निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
नवलपरासी–२ पाखें प्रतिनिधिसभा सदस्यय् राष्ट्रिय प्रजातन्त्र पार्टीया उम्मेदवार ध्रुवबहादुर प्रधान निर्वाचित जूगु दु।
प्रधानया निकटतम प्रतिस्पर्धी कांग्रेसया उम्मेदवार देवेन्द्रराज कंडेलयात १९ हजार ५९५ मतं पराजितयासे प्रधान निर्वाचित जूगु खः।
प्रधानं ३४ हजार ९५९ मत हःगु खःसा कांग्रेसया कंडेलं १९ हजार ५९४ मत हःगु खः। अथेहे नेकपा एमालेया उम्मेदवार दिपेन्द्र कुमारी अधिकारीं १४ हजार ४९८ मत काःगु खः।
