धौलागिरि लघुवित्त वित्तीय संस्था लिमिटेडं थौं २४ साउन मंगलबाःनिसे धितोपत्रको प्राथमिक सार्वजनिक निष्कासन (आईपीओ) बिक्री खुल्ला याउगु दु।

लघुवित्तं प्रतिसेयर १०० रुपैयाँ अंकित भाः सर्वसाधारणया लागि आईपीओ जारी याउगु दु। कम्पनीं ३ करोड ३१ लाख रुपैयाँ बराबरया ३ लाख ३१ हजार कित्ता आईपीओ जारी यायेत नेपाल धितोपत्र बोर्ड स्वीकृत याउगु खः।

कुल सार्वजनिक निष्कासन याउगु सेयरमध्ये ५ हजार १५५ कित्ता कर्मचारीपिनिगु लागि व १६ हजार ५५० कित्ता सामूहिक लगानी कोषयात सुरक्षित याउगु खः। सर्वसाधारणपाखे ल्यः दुगु ३ लाख ९२९५ कित्ता सेयरया लागि आवेदन माग याउगु खः।

कम्पनीया आईपीओ याकनं २९ साउन व उगु इलय् गाक्कं आवेदन मवंसा लिबाक्क ७ भदौतक आवेदन बिइगु निति ई थपे याइ। लगानीकर्तापिन्स न्यूनतम १० कित्तानिसे १ हजार कित्तातक आवेदन बिइ फइ।

कम्पनीया आईपीओ निष्कासनया लागि धितोपत्र निष्कासन व बिक्री प्रबन्धकय् सनराइज क्यापिटल लिमिटेड न याइगु दु। आः ७ करोड रुपैयाँ चुक्ता पुँजी दुगु लघुवित्तया चुक्ता पुँजी आईपीओ निष्कासन लिपा १० करोड ३१ लाख रुपैयाँ थ्यनिइ।

बञ्चरेडाँडा ल्यान्डफिल क्षेत्रय् फोहर ज्वना वंगु गाडी तोडफोड यानाबीगु दु।

धादिङ व नुवाकोटया सीमानाय् तयातःगु १८ गः गाडी तोडफोड जुगु दु धका जिल्ला प्रहरी कार्यालय नुवाकोटं धाउगु दु।

प्रहरीया कथं फोहर ज्वनावंगु १५ गः टिपर, निगः लोडर व छगः स्काभेटर तोडफोड यानाबीगु खः। गाडीया न्ह्याकं तछ्यानाबीगु खः। नुवाकोट व धादिङया सीमाना नाप पार्किङ यानातःगु खःसा उगु गाडि चान्ह्यः तोडफोड यानाबीगु खः।

गाडी सू नां तोडफोड याउगु धाःसा सिइमदुनि। प्रहरीं अनुसन्धान यानाच्वंगु दु। येँ महानगरपालिकाया प्रवक्ता नवीन मानन्धरं थःत आःतक पूरा जानकारी वःगु मदुनि धका धयादीगु दु।

नेवाः संस्कृति नाप तजिलजियात कया पत्रकारिता ख्यलं योगदानदिम्ह गोरखापत्रया फोटो पत्रकार बिकाश द्धारेयात बिष्णु–नाति फोतो पत्रकारिता सिरपा लःल्हाःगु दु।

बरिष्ठ फोतो पत्रकार नाति काजी महर्जनं निस्वानादीगु थुगु सिरपा थौं छगु ज्याझ्वःया दथुइ संघिय मामिला तथा सामान्य प्रशासनमन्त्री राजेन्द्र श्रेष्ठ लःल्हानादीगु खः।

बिष्णु–नाति फोतो पत्रकारिता सिरपा गुथिया ग्वसालय् जुगु उगु ज्याझ्वलय् मूपाहाँ मन्त्री श्रेष्ठ नेवाःत तजिलजिइ तःमिपि खः। थुगु सिरपां नेवाः तयेगु संस्कृति नाप तजिलजियात थकायेत यक्को ग्वाहालि जुइ धका धयादीगु खः।

अथेहे सिरपा कयादीम्ह पत्रकार द्धारें थःम्हेसिया थौं स्वया झींखुदँ न्ह्यः पत्रकारिता सुरुयाना थौं थुगु सिरपापाखे सम्मानित जुइ खना तसक लय्ता।

गुथिया अध्यक्ष पत्रकार दानदास श्रेष्ठया सभाध्यक्षय् जुगु उगु ज्याझ्वलय् नेवाः देय् दबूया अध्यक्ष पबित्र बज्राचार्य व येँ महानगरपालिका १८ वडाध्यक्ष न्हुच्छे काजी महर्जनं थःथःगु नुगः खँ तयादीगु खः।

हनुमानध्वाखा लागाय् च्वंगु ल्वहंया देगलय् स्टिलया बार तयेगु ज्या जूगु दु ।

विश्वसम्पदाया धलखय् लाःगु देगलय् वाइरिङ यानाः अथे स्टिलया बार तगुलि सामाजिक सञ्जालपाखें सार्वजनिक यायेवं सम्पदा अभियन्तापिन्स उगु बार चानाः लिकया छ्वःगु दु सम्पदा अभियन्तापिन्स बार तयेकेगु ज्या याःम्ह पुजारीयात समेत ज्वनाः प्रहरीया न्ह्यःने थना बीवं उपिं बार लिकायेत सहमत जूगु खः।

बार तःपिंत कारवाही यायेमाः धकाः अभियन्तातय्सं माग याःगु दु।

किपा गणपतिलाल श्रेष्ठया फेसबुकपाखे

श्रेष्ठ हलिं नेवाः दबू (वल्र्ड नेवाः अर्गनाइजेशन–डब्लुएनओ) या प्यक्वःगु तःमुँज्या दबूया न्हूम्ह अध्यक्षय् बेलायतय् च्वनादीम्ह संयुक्त श्रेष्ठ निर्वाचित जुयादीगु दु।

अथे हे न्हूम्ह उपसभापति कथं निर्वाचित समिर महर्जनं निर्वाचित जुयादीगु खः। उपाध्यक्षय् रजनी प्रधान, सामन्तश्री रत्न बज्राचार्य, कमल श्रेष्ठ, महासचिवय् शोभित शाक्य, कार्यकारीणी सदस्यय् नरेश शाक्य, रमेश मान मुनिकार, शैलेन्द्र मानन्धर, सुदय राज शिलाकार, सुरेन्द्रभक्त श्रेष्ठ, सुरेन्द्रमान शाक्य, दीपेश शाक्य व दीपक डंगोल निर्वाचित जूगु खः। दबूया प्यक्वःगु तःमुँज्या अमेरिकाया न्यूयोर्कय् वंगु शुक्रवाः न्ह्याःगु खः ।

स्वन्हु तक जूगु तःमुँज्याया म्हिगःया अन्तिम न्हि न्हूम्ह नायः भाजु श्रेष्ठयात निवर्तमान नायः सिजन श्रेष्ठं कार्यभार लःल्हानादिसें समापन याःगु खः ।

डब्लुएनओया तःमुँज्याय् नेपालं ख्यालि जुजु मदनकृष्ण श्रेष्ठं मूपाहां कथं ब्वति कयादीगु खःसा ज्याझ्वलय् सांस्कृतिक ¥याली, सांस्कृतिक ज्याझ्वः, अन्तक्र्रिया ज्याझ्वः व नेवाः हकहितया बारे थीथी प्रवचनया ज्याझ्वः जूगु खः ।