Display Style:
Column Style
धनुषा– १ य् जसपाया दीपक कार्की निर्वाचित
लहनान्युज | थिंलाथ्व चतुर्थी ११४३, मंसीर ११ आईतवाः
धनुषा– १ या प्रतिनिधि सभा सदस्यय् जनता समाजवादी पार्टीया दीपक कार्की निर्वाचित जूगु खः।
निकटतम प्रतिस्पर्धी नेकपा माओवादी केन्द्रया उपमहासचिव मातृका यादवयात ५ हजार ४८ मतं पराजितयासे कार्की निर्वाचित जूगु खः।
कार्की न २७ हजार ४३१ मत हया निर्वाचित जुगु खःसा यादवं २१ हजार ४८३ मत हःगु खः।
अथेहे जनमत पार्टीया उम्मेदवार किशोरी साह न १४ हजार ४६७ मत हःगु खः। कार्की एमाले जसपा गठबन्धनया उम्मेदवार खःसा यादव सत्तारुढ गठबन्धनया उम्मेदवार खः।
सुवासचन्द्र नेम्वाङ निर्वाचित
लहनान्युज | थिंलाथ्व चतुर्थी ११४३, मंसीर ११ आईतवाः
इलाम २ या प्रतिनिधिसभा सदस्यय् नेकपा एमालेया नेता सुवासचन्द्र नेम्वाङ निर्वाचित जूगु दु।
नेम्वाङं ११४ मतं कांग्रेस उम्मेदवार डम्बरबहादुर खड्कायात पराजित याःगु खः।
नेम्वाङं ३० हजार २० मत हःगु खःसा खड्कां २९ हजार ९०६ मत हःगु खः।
महोत्तरी १ य् एमालेया लक्ष्मी महतो निर्वाचित
लहनान्युज | थिंलाथ्व चतुर्थी ११४३, मंसीर ११ आईतवाः
महोत्तरीया निर्वाचन क्षेत्र नम्बर १ य् नेकपा एमालेया लक्ष्मी महतो कोइरी निर्वाचित जूगु दु।
महतो नेकपा माओवादी केन्द्रया उपमहासचिव नाप पूर्वमन्त्री गिरिराजमणि पोखरेलयात पराजित यासे प्रतिनिधि सभा सदस्यय् निर्वाचित जूगु दु। महतो न २३ हजार ४०२ मत हया विजयी जूगु खःसा पोखरेलं २२ हजार ३७२ मत हःगु खः।
अथेहे, स्वतन्त्र उम्मेदवार पोषणबहादुर थापां ७ हजार ८१२, जनमत पार्टीय राजकिशोर साहं ३ हजार ५९८, राष्ट्रिय स्वतन्त्र पार्टीया खेमकुमारी भुर्तेलं २ हजार ६४ मत हःगु खः।
गृहमन्त्री बालकृष्ण खाणयात पराजित
लहनान्युज | थिंलाथ्व तृतीया ११४३, मंसीर १० शनिवाः
प्रतिनिधि सभाया निति जुयाच्वंगु चुनावय् रुपन्देही क्षेत्र नम्बर ३ य् गृहमन्त्री बालकृष्ण खाणयात पराजित यासे राष्ट्रिय प्रजातन्त्र पार्टीया दीपक बोहरा विजयी जूगु दु।
विजयी राप्रपाया बोहरां ३६ हजार ७ सय १७ मत हःगु खःसा निकटतम प्रतिस्पर्धी कांग्रेस नेता नाप गृहन्त्री खाणं ३४ हजार ३६ मत हःगु खः।
उगु थासय् बालकृष्ण खाँण सत्ता गठबन्धनया मंकाः उम्मेदवार खःसा बोहरा एमाले, राप्रपा व जसपापाखे उम्मेदवार जूम्ह खः।
सुनसरी–४ य् प्रतिनिधिसभाया मतगणना स्थगित
लहनान्युज | थिंलाथ्व तृतीया ११४३, मंसीर १० शनिवाः
मत गणनाय् नेपाली कांग्रेसं धाँधली याःगु धइगु शंकां सुनसरी–४ य् प्रतिनिधिसभापाखेया मतगणना रोके याःगु दु।
मत गणनाया विवरण रुजु यायेगु झ्वलय् कर्मचारीं मत विवरण थपघट याइगु खनेदुगुलि कांग्रेसं आपत्ति याःगु खः।
उगु बिषययात कया नेपाली कांग्रेसया उम्मेदवार ज्ञानेन्द्रबहादुर कार्की न घटना छानबिनया मागयासे सर्वदलीय बैठकया माग याःगु खः।
आः मुख्य निर्वाचन अधिकृतया कार्यालयय् सर्वदलीय बैठक सःतूगु दु। मतगणना दिके न्ह्यः तक कांग्रेस उम्मेदवार कार्की २३ हजार ४३९ मत दु सा एमाले उम्मेदवार जगदिश कुसियैतं २३ हजार ३४१ मत काये धुकुगु दु।
आः अन च्याःगु क्षेत्रया मत गणना याये ल्यः दनिइ।
