Display Style:
Column Style
समानुपातिकय् एमालेया २० लाख मत थ्यन
लहनान्युज | थिंलाथ्व तृतीया ११४३, मंसीर १० शनिवाः
नेकपा एमाले न समानुपातिकपाखे २० लाख मत हये धुकुगु दु। थौं शनिबाः न्हिनय् तक एमालेया मत २० लाख ६ हजार ५८७ थ्यःगु दु।
अथेहे नेपाली कांग्रेसया १९ लाख ३९ हजार १०४, नेकपा माओवादी केन्द्रया ८ लाख ६२ हजार ६६९, राष्ट्रिय स्वतन्त्र पार्टीया ८ लाख ३३ हजार ५९५ व राष्ट्रिय प्रजातन्त्र पार्टीया ४ लाख ४१ हजार ९६९ मत थ्यःगु दु।
अथेतु, जनता समाजवादी पार्टीया २ लाख ३८ हजार ८८७ व नेकपा एकीकृत समाजवादीया १ लाख ८६ हजार १०८ मत थ्यःगु दु।
नेपाःनाप भारतया क्वातुगु सम्बन्ध दु –प्रवक्ता अरविन्दम बागची
लहनान्युज | थिंलाथ्व तृतीया ११४३, मंसीर १० शनिवाः
भारतं नेपाःया आमनिर्वाचन लिपा दयकेत्यःगु सरकारयात न्ह्यने स्वया च्वनागु दु धका धाःगु दु।
विदेश मन्त्रालयया प्रवक्ता अरविन्दम बागचीं भारत व नेपाः न्ह्यने नाप विशेष सम्बन्ध दु धका धयादीसे नेपाःया जनतां ल्यःगु न्हुगु सरकारनाप क्वातुक्क सम्बन्ध दु धका धयादीगु दु।
बिहीबाः नियमित प्रेस ब्रिफिङय् नेपाःया चुनावया सन्दर्भय न्यःगु न्ह्यलसय् बागचीं आन्तरिक मामिला धका धयादीसे छु न खँ न्ह्यः मथ्यं। ‘लिच्वः वयाच्वंगु दु, उकियात लँ च्वनाच्वनेमाः,’ वयकलं धयादीगु खः।
सशस्त्र प्रहरी महानिरीक्षक व अमेरिकी राजदूत थम्पसन भेटवार्ता
लहनान्युज | थिंलाथ्व तृतीया ११४३, मंसीर १० शनिवाः
सशस्त्र प्रहरी महानिरीक्षक राजु अर्यालव व अमेरिकी राजदूत डिन आर थम्पसन दथुइ शिष्टाचार भेटवार्ता जूगु दु।
शुक्रबाः सशस्त्र प्रहरी बल मुख्यालय हल्चोकय् महानिरीक्षक अर्याल व राजदूत थम्पसन दथुइ भेटवार्ता जूगु खः।
राजदूत भएर वये धुका थम्पसनं महानिरीक्षक अर्यालनाप थ्व हे न्हापागु पटक नापलागु खः। नापलायेगु झ्वलय् महानिरीक्षक अर्याल व राजदूत दथुइ निगु देय्या सम्बन्धय् खँल्हावल्हा जुगु खः धका सशस्त्र प्रहरीया सहायक प्रवक्ता डीएसपी शैलेन्द्र थापां जानकारी बिःगु दु।
रुपन्देही–३ य् गृहमन्त्री बालकृष्ण खाण बुइगु निश्चित
लहनान्युज | थिंलाथ्व तृतीया ११४३, मंसीर १० शनिवा
रुपन्देही–३ य् गृहमन्त्री बालकृष्ण खाँण बुइगु निश्चित जुगु दु।
राष्ट्रिय प्रजातन्त्र पार्टी (राप्रपा) या दीपक बोहोरानाप लिउने लानाच्वंम्ह खाँण बुइगु निश्चित जूगु दु।
करिब २५ सय मतगणना यायेगु ल्यः दनिइगु इलय् बोहोरां २८ सय मत न्ह्यने लाये धुकुगु दु ।
आः दक्को मत नेपाली कांग्रेसया उम्मेदवार खाँणयात वःसा त्याइगु अवस्था मदु।
थःगु निर्वाचन क्षेत्रय् जुगु धाधँली जुगुलि झलनाथया द्धपः
लहनान्युज | थिंलाथ्व तृतीया ११४३, मंसीर १० शनिवा
पूर्वप्रधानमन्त्री झलनाथ खनालं थःगु निर्वाचन क्षेत्रय् जुगु चुनावय् धाधँली जुगुलि हाकन मतदान यायेमाः धका धाःगु दु।
मत गणनाया झवलय् कुहावःगु मत स्वया अप्पो मत वःगुलि हाकन मतदान यायेमाः धका धाःगु दु।
लिपागु इलय् गणना जूगु खुगु केन्द्रय् मत गणना यायेगु झ्वलय् कुहावःगु स्वया २६६ अप्पो मत गणना जूइवं खनालं हाकन मतदान यायेगु माग याःगु खः।
आः छगु पत्रकार सम्मेलन थुकिया जानकारी बिइगु तयारी दु धका धाःगु दु।
