राष्ट्रिय युवा सङ्घ नेपालं येँ महानगरपालिकाया प्रमुख बालेन्द्र साहविरुद्ध नेपाल प्रहरीया साइबर ब्युरोय् उजुरी तःगु दु।प्रमुख साहं छन्हु निन्हु न्ह्यः नेपालय् प्रमुख दल, जःलाखःलालिसें मित्रराष्ट्रविरुद्ध सामाजिक सञ्जालय् च्वःगु विषययात साइबर कानुन अन्तर्गत कारबाही यायेत भोटाहिटीइ च्वंगु ब्युरोया ज्याकुथिइ वनाः सङ्घं थौं उजुरी तःगु खः।

सङ्घया न्वकू महाराज गुरूङं थःपिंसं ब्युरोया प्रमुख प्रहरी नायब महानिरीक्षक नवीन्द अर्यालयात नापलाना उजुरी तयागु व वय्कःपिंसं कानुनी अवस्था अध्ययन यानाः निर्णय याये धयादीगु जानकारी बियादिल।

राष्ट्रपति रामचन्द्र पौडेल कतारया राजधानी दोहाय् मङ्गलबाःनिसें न्ह्याःगु ‘सामाजिक विकासया निंतिं निक्वःगु विश्व शिखर सम्मेलन’य् ब्वति कयाः थौं स्वदेश लिहाँझाःगु दु।वय्कःयात त्रिभुवन अन्तरराष्ट्रिय विमानस्थलय् उपराष्ट्रपति रामसहायप्रसाद यादव, प्रधानमन्त्री सुशीला कार्की, गृहमन्त्री ओमप्रकाश अर्याल, परराष्ट्र सचिव अमृतबहादुर राई, नेपाःया निंतिं कतारया राजदूत, सुरक्षा निकायतय् प्रमुखलिसेंपिंसं लसकुस यानादिल।

उगु झ्वलय् नेपाली सेनां राष्ट्रपति पौडेलया लसकुसय् सम्मान गारत देछाःगु खः।कतारया अमिर शेख तमिम बिन हमद अल थानीया ब्वनाय् ‘सामाजिक विकासया निंतिं निक्वःगु विश्व शिखर सम्मेलन’य् ब्वति कायेत राष्ट्रपति पौडेल न्हापांम्ह मिसा सबिता पौडेललिसें नेपाःया प्रतिनिधिमण्डलया नेतृत्व यानाः सोमबाः दोहा झायादीगु खः।

वय्कलं संयुक्त राष्ट्रसङ्घया महासभाया निर्णयकथं दोहाय् जूगु ‘सामाजिक विकासया निंतिं निक्वःगु विश्व शिखर सम्मेलन’या मुख्य सत्रयात मङ्गलबाः संबोधन यानादिल। लिसें वय्कलं सम्मेलनअन्र्तगत ग्वसाःग्वःगु सामाजिक विकासया स्वगः थाःया सुदृढीकरण : गरिबी निवारण, पूर्ण व उत्पादनशील रोजगारी नापं सकसिगु निंतिं मर्यादित ज्या व सामाजिक समावेशीकरण विषयया उच्चस्तरीय गोलमेच सम्मेलनयात नं संबोधन यानादिल।

राष्ट्रपति पौडेलं मङ्गलबाः हे संयुक्त राष्ट्रसङ्घया महासचिव एन्टोनियो गुटेरेसयात नापलानादिल। पौडेलं बुधबाः कतार राष्ट्रिय सङ्ग्रहालयया नं अवलोकन यानादिल।

गृहमन्त्री ओमप्रकाश अर्यालं थौं पूर्वराष्ट्रपति विद्यादेवी भण्डारीया येँया चपलीइ च्वंगु छेँया अवलोकन यानादीगु दु।पूर्वराष्ट्रपति भण्डारीया छेँ वंगु भदौ २३ व २४ गतेया जेनजी आन्दोलनया झ्वलय् मिँ च्याःगु खः।

थ्व स्वयां न्ह्यः अर्यालं येँया बोहोराटारया राष्ट्रपति रामचन्द्र पौडेलया छेँया अवलोकन यानादिल। अथेहे अर्यालं मङ्गलबाः न्हापांम्ह राष्ट्रपति डा रामवरण यादवया यलया बागडोलय् च्वंगु छेँया अवस्था सीकेत अन थ्यंकादिल।

गृहमन्त्री ओमप्रकाश अर्यालं थौं पूर्वराष्ट्रपति विद्यादेवी भण्डारीया येँया चपलीइ च्वंगु छेँया अवलोकन यानादीगु दु।पूर्वराष्ट्रपति भण्डारीया छेँ वंगु भदौ २३ व २४ गतेया जेनजी आन्दोलनया झ्वलय् मिँ च्याःगु खः।

थ्व स्वयां न्ह्यः अर्यालं येँया बोहोराटारया राष्ट्रपति रामचन्द्र पौडेलया छेँया अवलोकन यानादिल। अथेहे अर्यालं मङ्गलबाः न्हापांम्ह राष्ट्रपति डा रामवरण यादवया यलया बागडोलय् च्वंगु छेँया अवस्था सीकेत अन थ्यंकादिल।

 कतारया राजधानी दोहाय् जूगु ‘सामाजिक विकासया निंतिं निक्वःगु विश्व शिखर सम्मेलन’य् ब्वति कायेत झाया च्वनादीम्ह राष्ट्रपति रामचन्द्र पौडेलं म्हिगः अनया कतार राष्ट्रिय सङ्ग्रहालय नापं इस्लामिक कला सङ्ग्रहालयया अवलोकन यानादीगु दु।

उगु झ्वलय् राष्ट्रपति पौडेलयात सङ्ग्रहालयया अधिकारीपिंसं लसकुस यासें अनया बारेय् जानकारी बियादीगु धकाः राष्ट्रपतिया प्रेस सल्लाहाकार किरण पोखरेलं धयादिल। राष्ट्रपति पौडेल कतारया राजधानी दोहाय् मङ्गलबाःनिसें जूगु ‘सामाजिक विकासया निंतिं निक्वःगु विश्व शिखर सम्मेलन’य् ब्वति कायेत नेपाली प्रतिनिधिमण्डलया नेतृत्व यासें सोमबाः अन थ्यंकादीगुु खः।

कतारया अमिर शेख तमिम बिन हमद अल थानीया ब्वनाय् ‘सामाजिक विकासया निंतिं निक्वःगु विश्व शिखर सम्मेलन’य् ब्वति कायेगु निंतिं राष्ट्रपति पौडेल अन थ्यंकादीगु खः। वय्कलं संयुक्त राष्ट्रसङ्घया महासभाया निर्णय कथं कतारया दोहाय् जूगु ‘सामाजिक विकासया निंतिं निक्वःगु विश्व शिखर सम्मेलन’या मुख्य सत्रयात मङ्गलबाः सम्बोधन यानादिल।

लिसें वय्कलं सम्मेलनअन्तर्गत अन ग्वसाः ग्वःगु सामाजिक विकासया स्वंगू थांतयेगु सुदृढीकरण ः गरिबी निवारण, पूवंकं व उत्पादनशील लजगाः लिसें सकसिया निंतिं मर्यादित ज्या व सामाजिक समावेशीकरण विषयय् उच्चस्तरीय गोलमेच सम्मेलनयात नापं सम्बोधन यानादीगु खः।राष्ट्रपति पौडेलं मङ्गलबाः हे संयुक्त राष्ट्रसङ्घया महासचिव एन्टोनियो गुटेरेसनाप नापलाना दीगु खः।

थ्वसिबें न्ह्यः उगु सम्मेलन १९९५य् डेनमार्कया कोपनहेगनय् जूगु खः। सम्मेलनय् वर्तमान विश्वं फयाच्वंगु विकासया असमानता, जनसङ्ख्याय् वःगु असन्तुलन व प्रविधिया हुनिं समाजय् लाकाच्वंगु लिच्वःलिसेंया विषयय् सहलह जूगु खः। भ्रमण क्वचायेकाः राष्ट्रपति पौडेल थौं स्वदेश लिहाँ झायादीत्यंगु दु।