अन्तराष्ट्रिय बजारय् लुँया भाः थहांवंलिसें थुकिया लिच्वः स्थानीय बजारय् नं लाःगु दु। थौं तोलाय् द्वःछि व न्ह्यसः तकां थहां वंगु दु।नेपाल सुनचाँदी महासङ्घया कथं थौं लुँया भाः तोलां छगू लख ९१ द्वः व ५०० तका थ्यंगु दु।

अथेहे वहःया तोलां ३५ तका थहावंगु दु। वहःया भाः तोलाया निद्वः व २५ तकाय् कारोबार जुयाच्वंगु दु।

उपप्रधानमन्त्री लिसें अर्थमन्त्री विष्णुप्रसाद पौडेलयात नेपाल राष्ट्र बैंकया नवनियुक्त गभर्नर डा विश्वनाथ पौडेलं नापलानादीगु दु।

थौं सुथय् अर्थ मन्त्रालय वनाः नवनियुक्त गभर्नर पौडेलं अर्थमन्त्री पौडेलनाप नापलानादीगु खः। उगु झ्वलय् अर्थमन्त्री पौडेलं नवनियुक्त गभर्नरयात बधाई बियादीसें ताःलाःगु कार्यकालया भिंतुना बियादिल। अर्थमन्त्री पौडेलं वित्त नीति व मौद्रिक नीति दथुइ समन्वय यानाः न्ह्यावनाः अर्थतन्त्र व मौद्रिक ख्यलय् खनेदूगु समस्या समाधानय् गभर्नरं महत्वपूर्ण व उपलब्धिमूलक कुतः यानादीगु भलसा प्वंकादिल।

नवनियुक्त गभर्नर पौडेलं अर्थ मन्त्रालयं देय्या अर्थतन्त्रया नेतृत्व याइगु व नेपाल राष्ट्र बैंकं मौद्रिक नीतिपाखें वित्त नीति कार्यान्वयनय् ग्वाहालि याइगु धयादिल। वय्कलं वित्तीय ख्यःया प्रभावकारिताया नितिं राष्ट्र बैंकया सुपरिवेक्षकीय क्षमताय् बः बिइगु धयादिल।

उगु झ्वलय् उद्योग, वाणिज्य लिसें आपूर्तिमन्त्री दामोदर भण्डारी, अर्थ सचिव घनश्याम उपाध्याय, राजस्व सचिव दिनेशकुमार घिमिरें नवनियुक्त गर्भनर पौडेलयात बधाई लिसें भिंतुना बियादीगु खः।

नवनियुक्त गभर्नर डा पौडेलपाखें सपथ प्रधानन्यायाधीश प्रकाशमान सिंह राउतं नेपाल राष्ट्र बैंकया नवनियुक्त गभर्नर डा विश्वनाथ पौडेलयात पद लिसें गोपनीयताया शपथ ग्रहण याकादीगु दु।

सर्वाेच्च अदातलय् थौं जूगु समारोहय् प्रधानन्यायाधिश राउतं अर्थविद् डा पौडेलयात शपथ ग्रहण याकादीगु खः। मंगलबाः च्वंगु मन्त्रिपरिषदया बैठकं अर्थविद् डा पौडेलयात गभर्नर पदय् नियुक्त यायेगु निर्णय याःगु खः।

सरकारं गभर्नर ल्ययेगु नितिं उपप्रधानमन्त्री लिसें अर्थमन्त्री विष्णुप्रसाद पौडेलया संयोजकत्वय् स्वम्ह दुजः दूगु समिति नीस्वंगु खः।

अन्तरराष्ट्रिय् बजारय् लुँया भाः थहां वंगुया लिच्वः स्थानिय बजारय् नं लाःगु दु। वंगु स्वन्हुनिसें स्थिर जुयाच्वंगु लुँया भाः थौं तोलाय् न्याद्वः न थहांवंगु दु।

नेपाल सुनचाँडी व्यवसायी महासङ्घया कथं थौं लुँया भाः तोलां छगू लख ८९ द्वः ८०० तका थ्यंगु दु।

अथे हे, वहःया भाः नं तोलां न्यय् तका थहां वंगु दु।वहः तोलां द्वःछि व ९९० तकाया भावय् कारोबार जुयाच्वंगु दु।

नेपाल राष्ट्र बैंकय् १८ म्ह गभर्नरय् प्रा.डा विश्वनाथ पौडेलयात नियुक्त याःगु दु। मंगलवाः थौ बहनि च्वंगु मन्त्रिपरिषद् बैठकं गभर्नरय् प्रा.डा पौडेलयात नियुक्त याःगु खः।

पौडेलनापं कामु गभर्नर निलम ढुंगाना व पूर्वसचिव दिनेश भट्टराईया नां सिफारिस जूगु खः।