लुँया भाः थौं स्वसः कुहावंगु दु।

लुँ तोलां स्वसः कुहावया ९८ हजार ९ सय रुपैयाँ कारोबार जूगु दु धका नेपाल सुनचाँदी व्यवसायी महासङ्घं धाउगु दु।

अथेहे वहः न  तोलां १५ रुपैयाँ कुहवःगु दु।

थौं वहः तोलां झीन्यातका कुहावया १ हजार २ सय ६५ रुपैयाँ कारोबार जूगु दु धका महासङ्घं धाउगु दु।

येँ महानगरपालिकाया नगर सभा असार ५ गते जुइगु दु। म्हिगः आइतबाः च्वंगु नगर कार्यपालिका बैठकं २०७९ या स्थानीय तहया निर्वाचनलिपा थ्व न्हापागु नगरसभा खः।

कार्यपालिका बैठकं नगरसभाया बैठक आह्वान, राजस्व परामर्श समिति गठन, कार्यपालिका अन्तर्गतया विषयगत समिति गठन लगायतया निर्णय जुगु खः। उगु  बैडकं समिति व संयोजकपि न क्वछिउगु दु।

कार्यपालिका बैठकं उपमेयर सुनिता डंगोलया अध्यक्षता स्थानीय राजस्व परामर्श समिति गठन याउगु दु। समितिया सदस्यय् महानगरया प्रमुख प्रशासकीय अधिकृत लोकनाथ पौड्याल, वडा नं १४ या वडाअध्यक्ष सुमन श्रेष्ठ, कार्यपालिका सदस्य मीना सिंहयात ल्यउगु खः। समितिया सदस्य सचिवय् राजस्व विभागया प्रमुख न दुथ्याउगु दु।

उगु बंठकं सुशासन समितिया संयोजकय् वडा नं २६ या अध्यक्ष ख्यामराज तिवारी, वित्त समितिइ वडा नं १५ या अध्यक्ष ईश्वरमान डंगोल, सामाजिक समितिइ वडा नं १० या अध्यक्ष रामकुमार केसी, पूर्वाधार समितिइ वडा नं १६ या अध्यक्ष मुकुन्द रिजाल, वातावरण समितिइ वडा नं १२ या अध्यक्ष बालकृष्ण महर्जन, भवन व्यवस्था समितिइ वडा नं ११ या अध्यक्ष हीरालाल तण्डुकार, सम्पदा तथा पर्यटन समितिइ वडा नं ८ या अध्यक्ष आशामान संगत, सूचना प्रविधि समितिइ वडा नं १७ या अध्यक्ष नविन मानन्धर, शिक्षा व स्वास्थ्य समितिइ वडा २२ या अध्यक्ष चिनीकाजी महर्जन, विधायन समितिइ वडा २३ या अध्यक्ष मचाराजा महर्जन, राजस्व समितिइ वडा ३२ या नवराज पराजुली व विपद् व्यवस्थापन समितिया संयोजकय् वडा ३ या अध्यक्ष प्रेम थापाया मंकाः वैठक च्वंगु धका मेयर बालेन साहया सचिवालयं जानकारी बिउगु दु।

नेवाः पत्रकार राष्ट्रिय दबू केन्द्रया ग्वसालय्, यल महानगरपालिका वडा १६ या ग्वाहालिं संस्कृति, सम्पदा, परम्परा संरक्षण व पर्यटन प्रवर्द्धनय् संचार क्षेत्रया भूमिका विषय अन्तरक्रिया ज्याझ्वः जुगु दु।

दबूया अध्यक्ष सुरजबीर बज्राचार्यया सभाध्यक्षय् जुगु उगु ज्याझ्वलय् यल महानगरपालिका वडा १६ या वडाध्यक्ष निर्मलरत्न शाक्य मूपाहाँ कथं झायादीगु खः।

ज्याझ्वलय् वरिष्ठ उपाध्यक्ष नृपेन्द्र लाल श्रेष्ठ व दबूया यल कचाःया अध्यक्ष सागर महर्जनं लसकुस यानादीगु खः।

उगु ज्याझ्वलय् दबुया निवर्तमान अध्यक्ष नाप नेवाः देय दबूया उपत्यका विशेष समितिया अध्याक्ष श्रीकृष्ण महर्जन, दबूया केन्द्रिय सल्लाहकारपिं पुष्कर माथेमा व विजयरत्न असंबरे, थेच्वःया श्रीनवदुर्गा भवानी गुथिया भक्तलाल माली, यलया कात्ति प्याखं संरक्षण समितिया प्रवक्ता संजय शर्मां राजोपाध्याय, मू आगंछेँ गुथिया साम्राज्य देव श्रेष्ठपिन्सं थःथःगु विचाः तयादीगु खः।

साहित्यकार रोशनकुमार राजभण्डारी आकाझाकां मन्त।

वयकलं नेपालभाषाया ल्याय्म्हहि कबिता संग्रह, आधुनिक नेवाः म्ये, झ्वाउरे म्ये, आपुलु खँ, लुगु निभाः गजल संग्रह पिकयादी धुकुगु खः।

अथेहे खसभाषां म्ये, गजल च्वयादीगु दु।

वंगु चान्ह्यः ख्वपय् केन्द्र बिन्दु जुया भुखाय्् ब्बःगु दु।

चान्ह्यः २ बजे जुया ३६ मिनेटय् ४.७ म्याग्नेच्युटया भुखाय् ब्बःगु खः।

राष्ट्रिय भूकम्प मापननाप अनुसन्धान केन्द्रया कथं ख्वपया चागुनारायण क्षेत्रय् केन्द्रविन्दु जुया उगु भुखाय् ब्बःगु खः।