थौं येँया ल्हुति (बालाजु) च्वंगु बाइसधाराय् मेला लगे जुगु दु।

चैतया पुन्हि कुन्हु दँय् दँसं अन हिन्दु व बौद्ध धर्माबलम्बीपि उगु मेलाय् वनिइगु याइ।

बाइसधाराय् म्वः ल्हुतकि मुक्तिनाथ व सिलुइ म्व ल्हुइगु बराबरया पुण्य जुइगु जनविश्वास दु।

थौंया दिं बाइसधाराय् म्वः ल्हुइगु इलय् कैं वःसा लनिइगु दु।

नेपाल कम्युनिस्ट पार्टी (माओवादी केन्द्र)या अध्यक्ष पुष्पकमल दाहालं गठबन्धनया पाखे चुनावी तालमेल कन्ह्यःतक क्वजिइ धका धाउगु दु।

भरतपुर विमानस्थलय् थौं शनिबाः सुथय् पत्रकारपि नाप खँ ल्हाय्गु झ्वलय् वयकलं थौं बहनितकया दुने खाका तयार जुइ धका धयादीगु खः।

वयकलं गठबन्धनय् छु समस्या मदुगु दाबी यासे, ‘थौं बहनि तकया दुने सिफारिस यायेगु धका धयादीगु खः। जिमिसं सम्भवतः कन्ह्यः तकया दुने छगु निर्णया जुइ।’

निर्वाचनया इलय् छगु हे पार्टी दुने तक विवाद बहस जुइ धका धयादीसे दलपि दथुइ सहमतिइ जुइगु ई भचा काइ धका धयादीगु खः।

नेकपा एमालेया अध्यक्ष केपी शर्मा ओलीं नुवाकोट आः थःगु पार्टीया ‘लालकिल्ला’ जुइगु दाबी याउगु दु।

शुक्रबाः नुवाकोटय् ग्वसाः ग्वंगु पार्टीया जिल्ला स्तरीय चुनावी सभाय् सम्बोधन यासें नेपाली कांग्रेसया नेतापिन्त लक्षित टिप्पणी याउगु दु।

एमालेयात बुकेगु निति गठबन्धनया नामय् तधःगु षड्यन्त्र व तधःगु साँठगाँठ जुयाच्वंगु दु धका ओलीं दाबी याउगु दु।

‘एमाले न देयन्यक ७ सय ५३ गु पालिकाय् त्याकेमाःगु दु,’ वयकलं धयादीगु, ‘एमालेयात त्याकेमबिइगु निति घोषित रुप, अघोषित रुपं गठबन्धन जुयाच्वंगु दु।’ 

सिवाईसी नेपाल लघुवित्त वित्तीय संस्था लिमिटेडं थौंनिसें प्राथमिक सार्वजनिक निष्काशन (आईपीओ) खुल्ला याउगु दु।

कम्पनीइ प्रतिकित्ता १०० रुपैयाँया ३ करोड ९५ लाख ३३ हजार ६०० बराबरया ३ लाख ९५ हजार ३३६ कित्ता साधारण शेयर निष्काशन यासे बिक्री खुला याउगु खः।

कम्पनीइ कूल निष्काशनमध्ये ५ प्रतिशत अर्थात् १९,७६६ कित्ता शेयर सामूहिक लगानी कोष व जारी पूँजीया ० दशमलव ५ प्रतिशत अर्थात ६,०८२ कित्ता कर्मचारीयात सुरक्षित यानाः ल्यः दुगु ३ लख ६९ हजार ४८८ कित्ता शेयर सर्वसाधारणया निति खुल्ला याउगु खः।

सर्वसाधारणपिन्स न्यूनतम १० कित्तानिसें अधिकतम १,००० कित्ता शेयरया निति आवेदन बिइफइगु धका कम्पनीइ धागु दु। अथेहे निष्काशन याउगु शेयर न्यायेगु लागि बैशाख ६ गतेतक आवेदन बियफइगु व अबलेंतक मागकथं आवेदन मवसाः बैशाख १६ गतेतक निष्काशन खुला जुइगु कम्पनीइ धागु दु।

बोडेया बिस्काः जात्राय् बुद्धकृष्ण श्रेष्ठं गुक्वःगु पटक म्ये प्वाखःकूगु दु।

\म्ये प्वाःखकिइगु झ्वलय् पाचो गणेद्यःया फल्चाय् जात्राया नाइके नकःमि न ४९ दँया श्रेष्ठयात म्ये प्वाखकूगु खः।

लच्छि न्ह्यःनिसे चिकनय् डुबे याना तःगु १० इन्च ताहाकःगु मुलुं म्ये प्वाखकूगु खः। महादीप ज्वना १ घण्टा देय् चाःहिला हाकन बोडेया महालक्ष्मी द्यःया थाय् वना मुलू लिकाय धुका जात्रा क्वचाइगु खः।

बुद्धकृष्णं म्ये प्वाखकिइगु जात्राय् थ्व दकलय् लिपागु पकत धका थ्व स्वया न्ह्यः हे धाये धुकुगु खः।