थौ सिथि नखः नेवाःतयसं तुं, ल्ह्वं हिति लिसें लःया स्रोत सफा यायेगु दिं कथा काइ। सिथि नखः कुन्हि माय्, मू, कःसूया वः, चतांमरि लिसें थीथी नसाज्वलं तयाः पूजा यायेगु याइ। 

त्रिमूर्ति निकेतनया नीछक्वःगु स्थापना दिवसया लसताय् थीथी सिरपा व न्याम्ह पत्रकार नाप ख्वीम्हेसित सत्यमोहन जोशी शताब्दि पदक लःल्हागु दु ।

थुगु पदकं  पत्रकारपि मीना बज्राचार्य, नृपेन्द्रलाल श्रेष्ठ, सुरेन्द्रभक्त श्रेष्ठ, सुनिल महर्जन व विराजकाजी राजोपाध्यायोपिन्त मूपाहाँ महासमालोचक प्रा.डा.वासुदेव त्रिपाठीजुं पदक लःल्हानादीगु खः। त्रिमुर्ति निकेतन परिसरय् संस्थाया अध्यक्ष ईन्दिरा प्रसाईया सभाध्यक्षताय् जुगु खः।

अथेहे छन्दकाव्यया प्रचार प्रसार अभियानय् समेत विशिष्ट योगदान बियादीम्ह गोविन्दराज विनोदीयात ‘लेखनाथ पौड्याल पुरस्कार’, नेपाली नाट्यकलाया श्रीवृद्धिया ज्याय् योगदानया निंतिं मिथिला शर्मायात ‘बालकृष्ण सम पुरस्कार’, काव्यसाधनाय् निरन्तर समर्पित जुया नेपाली कविताया संवर्द्धनय् विशिष्ट योगदान यानादीम्ह शैलेन्द्र साकार ‘देवकोटा काव्य पुरस्कार’ नाप ताम्रपत्र व म्हतिं छगू लखं नगद सिरपाः लःल्हागु खःसा त्रिमूर्ति निकेतनया दुजःपिन्त जक बिइगु नीन्याद्वः राशिया ‘भद्र घले पदक’  तारानाथ दाहाल व प्रा.डा.उषा ठाकुरयात बिउगु खः।

येँ महानगरपालिकाया मेयर बालेन्द्र साह (बालेन) न नेकपा (माओवादी केन्द्र) या अध्यक्ष पुष्पकमल दाहाल प्रचण्डनाप भेटवार्ता याउगु दु।

मेयर साह न शनिबाः सुथय् प्रचण्ड निवास खुमलटार वःगु खः। प्रचण्डं मेयर साहयात भिंतुना देछाउगु खः।

मेयर निर्वाचित जुइ धुका बालेनं प्रधानमन्त्री देउवा व एमाले अध्यक्ष केपी शर्मा ओलीयात न नापलाये धुकुगु दु।

हलि नेवाः दबू नेपाः च्याटर मूकवः न छगु ज्याझ्वः दथुइ नेवाः पासा पुचः अमेरिकाया नायः मनोहर लाल श्रेष्ठयात हना ज्याझ्वः जुगु दु।

उगु ज्याझ्वलय् मूपाहाँ कथं येँ महानगरपालिकाया उपमेयर सुनिता डंगोलं श्रेष्ठयात हनापौ लल्हानादीगु खः।

लुँया भाः तोलां थौं ९ सय रुपैयाँ थहावंगु दु।

थौं तोला गुसः थहावना ९८ हजार ५ सय रुपैयाँ थ्यंगु दु। अथेहे, वहः तोला न २५ रुपैयाँ थहावंगु दु।

वहः तोला नीन्यातका थहावना १ हजार २ सय ९० रुपैयाँ थ्यःगु दु।