सरकारं मदिराजन्य पदार्थय् लगे जुइगु अन्तशुल्क व भन्सार भाः थकाउगु दु। अल्कोहलरहित बियरय् २० रुपैयाँ न ३० रुपैयाँ अन्तशुल्क लगे जुइगु व्यवस्था जुगु दु।

वइगु आर्थिक वर्ष २०७९÷८० या बजेटपाखे अर्थमन्त्री जनार्दन शर्मा न इनर्जी ड्रिंक्सय् अन्तशुल्क लिटरं ३६ निसे ५० रुपैयाँ याउगु दु।

अन्डिनेर्यड इथाय अल्कोहलय् अन्तशुल्क लिटर ७० निसे ८०, एक्स्ट्रा न्युट्रल अल्कोहलय् ७६ निसे ८६, एनहाइड्रस इथानलय् ९ निसे १२ व वाइनय् १९८ निसे २२८ रुपैयाँ थ्यकिइगु आर्थिक विधेयकय् उल्लेख याउगु दु। ४८.५ प्रतिशत तक अल्कोहल दुगु अय्लाखय् लिटरं १५९२ रुपैयाँपाखे १७५० रुपैयाँ थ्यकूगु दु।

४२.८ प्रतिशत अल्कोहल दुगु हकय् ११८८ रुपैयाँ थकाया १३०६ रुपैयाँ, ३९.९४ प्रतिशत अल्कोहल दुगु अय्ला ११०५ रुपैयाँ न थकाया १ हजार २१५ रुपैयाँ थ्यकूगु दु।

येँ महानगरपालिकाया न्हुम्ह मेयर बालेन्द्र साह (बालेन) व उपमेयर सुनिता डंगोल नाप मेपि जनप्रतिनिधिपिन्स थौं पद व गोपनियताया शपथ ग्रहण याइगु जुगु दु।

थौं सुथय् ११ बजे राष्ट्रिय सभागृहय् शपथ ग्रहण याइगु ज्याझ्वः दु। महानगरपालिकाया सूचना अधिकारी बसन्त आचार्यया कथं येँ महानगरया मुख्य निर्वाचन अधिकृत राजुकुमार खतिवडां मेयर साहयात थौं शपथ ग्रहण याकिइगु जानकारी बिउगु दु।

वयालिपा मेयर साह न उपमेयर, वडा अध्यक्ष व सदस्यपिन्त शपथ ग्रहण याकिइ। सूचना अधिकारी आचार्यया कथं मेयर, उपमेयर, वडा अध्यक्ष व सदस्यपि सकसित शपथ ग्रहण राष्ट्रिय सभागृहय् जुइ।

म्हिगः तंगु तारा एयरया जहाज मुस्ताङया थासाङ गाउँपालिका–२ य् दुर्घटना जुगु अवस्थाय् लूगु दु।

नेपाली सेनाया प्रवक्ता नारायण सिलवालया कथं ल्याङखु खुसिइया मुहान नाप पहाडय् न्यांना टुक्रा–टुक्रा जुगु अवस्थाय् जहाज लूगु दु।

आइतबाः सुथय् पोखरापाखे मुस्ताङया जोमसोमय् ब्बःगु तारा एयरया नाइन एन एईटी कल साइन दुगु ट्वीनअटर जहाज सम्पर्कविहीन जुगु खः।

उगु जहाजय् चालक दलय् स्वम्ह सदस्यपि नाप २२ म्ह दुगु खः। म्हिगः न्हिच्छियकं माउगु खःसा मलुया स्थगित याउगु खः।थौं सोमबाः सुथय् ५ बजे निसे हवाई व स्थल निगु थासं मालेगु ज्या याउगु खः।

नेवाः तयेगु हक अधिकारया निति ज्या यानाच्वंगु संस्था वा मनू तयेत लल्हाना वयाच्वंगु नेवाः अधिकार सिरपा थौं नेवाः तयेगु राष्ट्रिय संगठन नेवाः देय् दबूयात लल्हागु दु।

थौं छगु ज्याझ्वः दथुइ ज्याझ्वःया मूपाँहा जनकबि दुर्गालाल श्रेष्ठं देय् दबूया अध्यक्ष पबित्र बज्राचार्यं लल्हाना कयादीगु खः। अथेहे नगद सिरपाया दाता मोनिही श्रेष्ठं लल्हानादीगु खः। सिरपाः लल्हाना कायेधुका देय् दबूया अध्यक्ष पवित्र बज्राचार्यं नेवाः देय् दबू थौंतक थन थ्यकूपि सकसित सुभाय् बियादीगु खः। अथेहे मूपाँहा जनकवि श्रेष्ठं थौं ई ह्यपाः हयेत हथाय् चाय् धुकूगु दु धका धका धयादीगु खः।

सभाया सभाध्यक्षय् डा. महेशमान श्रेष्ठं थःजक नेवाः अधिकारया निति मगाना पुरस्कार हे स्थापना याना न्ह्या वनागु धका धयादीगु खः। समितिया दुजः शाक्य सुरेनं लसकुस यानादीगु खःसा पुरस्कार छनौट समितिया संयोजक डा. पुष्प राज राजकणिर्कारं सिरपाःया बिषय न्ववानादिगु खः।

समितिया सदस्य डा. मनोजमान श्रेष्ठं सुभाय् बियादीगु खःसा ज्याझ्वः समितिया सदस्य सुरेश मानन्धरं संचालन  यानादीगु खः। डा. महेशमान श्रेष्ठ व मोहिनी श्रेष्ठ इहिपा जुगु ५० दँ जुगु लसताय् सिरपा निस्वंनादीगु खः।

सरकारं हेटौंडा कपडा उद्योगपाखे उत्पादित कापः सार्वजनिक पद धारण यानाच्वपि मनू तयेस पुनेमाःगु बजेटय् घोषणा याउगु दु।

बजेट पाखे रुग्ण उद्योगपिन्त पुनर्संरचना यायेगु धासे सरकारं हेटौंडा कपडा उद्योगयात हाकनं सञ्चालन यासे सार्वजनिक पदय् च्वपिन्स उगु उद्योगपाखे उत्पादन याउगु कापः पुने माःगु व्यवस्था यायेगु घोषणा याउगु दु।

सरकारं जनकपुर चुरोट कारखाना, गोरखकाली रबर उद्योग नाप मेमेगु रुग्ण उद्योग चले यायेगु धका धाउगु दु।