येँ क्षेत्र न ८ क या बागमती प्रदेशया सांसद राजेश शाक्यं थःत भोत बिया ग्वाहालि याःपि सकसित सुभाय् बिःगु दु।

थौं थःगु सामाजिक संजालपाखे सांसदय् बिजयी यानादीपि मतदाता नाप ग्वाहालियापि सकसित सुभाय् बियादीगु खः।

वयकलं च्वयादीगु दु, थःम्हेसिया प्रतिबद्धता याना कथं ज्या यानागु दु छु कथं थम्हेसिया छु द्धः क्वःगु दु सा क्षमा फ्वना च्वना धका धयादीगु दु। वयकःया नेतृत्वय् नेवाः तयेगु पहिचान दुगु मरुसतः निर्माण जुगु खः।

मरुसतः येँ महानगरपालिकाया आर्थिक ग्वाहालि उपभोक्ता समितिं निर्माण जुगु खः।

महामारी कथं जुयाच्वंगु डेंगु नियन्त्रणया लागि येँ महानगरपालिका १७ वडां थौं खुसिबुँइ वासः ह्वलेगु ज्या जुगु दु।

वडा सदस्या कमला महर्जन नाप स्थानियपिनिगु न सहभागी दुगु खः।

प्रतिनिधिसभाया महाभियोग सिफारिस समितिइ निलम्बित प्रधानन्यायाधीश चोलेन्द्रशमशेर जबराया बयान क्वचाःगु दु।

शनिबाः व स्वया न्ह्यः बयान काःगु लिखित रुपय् ल्हाःचिं तयकेगु नाप पूरा न्ह्यसःया लिसः काये धुका वयकःया बयान क्वचाःगु खः। आः शनिबाःया ३ बजे सिफारिस समितिं मेगु बैठक च्वना प्रतिवेदन तयार याइ धका ज्येष्ठ सदस्य रामबहादुर विष्टं जानकारी बिःगु खः।

‘महाअभियोग प्रस्तावय् अनुसन्धान क्वचाःगु दु, प्रतिवेदन तयार याये ल्यः दनिइ, सचिवायपाखे मस्यौदा तयार जुगु दु, उकियात अन्तिम रुप बिइत न्हिनय् ३ बजे बैठक सःतूगु दु’ धका वयकलं पत्रकारपिन्त धाःगु दु।

वाति लः मुनेगु व सफा चःबिया अभियन्ता प्रकाश अमात्य थौं मन्त । वय्कः शुक्रवाः बहनी मदुगु खः ।

थौं न्हिनय् हृदयघात जूम्ह वय्कःयात मेडिसिटी अस्पताल यंकूगु खः। वासः याकुयाकुं बहनी साढे ८ बजे पाखे मदुगु खः। सिथि नखःयात लः दिवस कथं हनेगु अभियान न्ह्याकादीम्ह मध्ये छम्ह खः ।

अत्याधुनिक सार्वजनिक चःबि व्यवस्थापनया ज्याय् सक्रिय जुया च्वनादीम्ह वयकःयात लहना वाःपौंया ४०० ल्याखय् वंगु भाद्र १७ गते छगु ज्याझ्वलय् लहना बिशेष सम्मान जुगु खः।

गुथि, इन्फो, एनजिओ फरम लिसें रेडक्रसलिसे आवद्ध अमात्य भाषा ख्यलय् नं सक्रियम्ह खः । वय्कःया जहान व काय छम्ह दी ।

थौं शुक्रबाः नेप्से परिसूचक १४ अंक न घटे जूगु दु। म्हिगः बिहीबाःया तुलनाय् थौं नेप्से ०.७३ प्रतिशत घटे जूया १९१०.३८ विन्दुइ बन्द जूगु दु म्हिगः नेप्से ५७ अंक घटे जुगु खः।

२२० धितोपत्रय् २९ लाख १६ हजार २७१ कित्ता सेयर ९० करोड ८१ लाख रुपैयाँया खरिदबिक्री जुगु दु। थौं कारोबार जूगु २२० धितोपत्रमध्ये नबिल ब्यालेन्स फण्ड–२ या भाः ७.८७ प्रतिशतं घटे जूगु दु।

अथेहे बुद्धभूमि नेपाल हाइड्रोपावर कम्पनी लिमिटेडया सेयर भाः ६ प्रतिशत घटे जुगु खः। थौं दकलय् अप्पो सेयर खरिद–बिक्री रिडी पावर कम्पनी लिमिटेडया जुगु दु। थुगु कम्पनीया ४ करोड २३ करोड रुपैयाँया सेयर खरिद–बिक्री जूगु खः। थौं कारोबार जूगु १३ गु समूहमध्ये म्युचुअल फण्ड समूहया परिसूचक थहावंगु दु सा ल्यदनिइगु समूहया परिसूचक घटे जूगु दु।

म्युचुअल फण्ड समूहया परिसूचक ०.०७ प्रतिशत थहावंगु दु। दकलय् अप्पो परिसूचक घटे जुगुलि वित्त समूह जुगु दु। थुगु समूहय् परिसूचक १.३६ प्रतिशतं घटे जुगु खः।