पार्टी परित्याग याना स्वतन्त्र उम्मेदवारी बिया जनकपुरधाम उपमहानगरपालिकाया मेयरय् निर्वाचित जुम्ह मनोज साह थौं बुधबाः जुगु नेपाली कांग्रेसया विजय ¥यालीइ ब्बति काउगु दु।

उपमेयरय् कांग्रेसपाखे निर्वाचित किशोरी साह, प्रदेशया भौतिक पूर्वाधार विकास मन्त्री रामसरोज यादव, पार्टीया जिल्ला सभापति योगनारायण पजियारनाप वयकः न विजय ¥यालीइ न्ह्यने च्वना ब्बति काउगु खः।

कांग्रेसं जनकपुर नगर सभापतिपाख राजीनामा बिया मेयरय् स्वतन्त्र उम्मेदवार जुम्ह साह बुधबाः कांग्रेसं हे ग्वसाः ग्वंगु ¥यालीइ सहभागी जुगु खः।

तर साह धाःसा थः कांग्रेस हे जुगुलि व कांग्रेस हे मतदान याना त्याकूगु कारण ¥यालीं सहभागी जुयाउगु धका धाउगु खः। ‘जितः कांग्रेसीं त्याकूगु खः।

उमित सुभाय् बिइत कांग्रेसया हे विजयी जुलुसय् सहभागी जुयाउगु खः’ साहं न धाउगु खः।

यल महानगरपालिकाया मेयर चिरिबाबु महर्जनं पद व गोपनीयताया शपथ काउगु दु।

यलया मुख्य निर्वाचन अधिकृत किरणप्रसाद शिवाकोटीं महर्जनयात व गोपनीयता शपथ याकूगु खः।

अथेहे उपमेयर मञ्जली शाक्यं न थौं बुधबाः हे पद व गोपनीयताया शपथ काउगु दु। मेयर महर्जनं मेपि जनप्रतिनिधिपिन्त न शपथ याकूगु खः।

थौं हे पदभार ग्रहण याउगु दु।

वाङमय शताब्दी पुरुष डा.सत्यमोहन जोशीया योगदानयात कदरयासे त्रिमूर्ति निकेतनपाखे छगु ज्याझ्वःयासे पदक लल्हाइगु जुगु दु।

‘सत्यमोहन जोशी शताब्दी महोत्सव’ या गरिमामय उचाइ अभिवृद्धिया लागि तक विशिष्ट योगदानयापिन्त ६० म्हेसित ’सत्यमोहन जोशी शताब्दी पदक’ लल्हाइगु जुगु दु। थ्व हे वइगु जेठ २१ गते त्रिमूर्ति दिवसया लसताय् ’सत्यमोहन जोशी शताब्दी पदक’ लल्हाइगु ज्याझवः दु।

पदक लल्हान काइपि थुकथं दु– अजरमान जोशी, अनुकृतिका, अनुराधा थापा, अमर मिरिङचिङ, आभा श्रेष्ठ कर्ण, डा.कञ्चनजङ्घा प्रसाई, कलाधर काफ्ले, कावेरी जोशी, कृष्णगोपाल श्रेष्ठ, केशवराज जोशी, गङ्गा मुल्मी, गोपालनाथ योगी, चन्द्रा ओडारी, जीवन आले,जीवेन्द्र सिम्खडा, ढण्डुराज घिमिरे, तारानाथ दाहाल, तुलसीहरि कोइराला, दुर्गा वनवासी, देवकी श्रेष्ठ, नरेन्द्रराज पौडेलपिन्त लल्हायेत्यःगु खः।

अथेहे नृपेन्द्रलाल श्रेष्ठ, पूर्ण लामा, पूर्णकला लिम्बू विष्ट, प्रमोद प्रधान, प्रा.प्रेमशान्ति तुलाधर, प्रा.डा.बालमानसिंह कार्की, भरतमणि सुवेदी, मणि लोहनी, मनोज बर्मा, मीना बज्राचार्य, यमुना श्रेष्ठ, यशोदा अधिकारी, युवराज नयाँघरे, रमण घिमिरे, राजकुमार रेग्मी, राजितबहादुर श्रेष्ठ, प्रा.डा.राज्यश्री श्रेष्ठ, डा.लेखप्रसाद निरौला, लोग्सरी कुँवर, वसन्त चौधरी, विन्दा रखाल, विराजकाजी राजोपाध्यायो, प्रा.डा.वीणा पौड्याल, शान्तराज शाक्य, शान्ति शर्मा, डा.शैलेन्दुप्रकाश नेपाल, सन्तोष देवकोटा, प्रा.डा.सावित्री कक्षपती, सिर्जना तिमिल्सिना, सुनील महर्जन, प्रा.डा.सुरज बज्राचार्य, सुरेन्द्रभक्त श्रेष्ठ, सुशील अर्याल, सुशीला तामाङडा, हरिप्रसाद पोखरेल (मानसाग्नि), हेमा मानन्धर, ज्ञान उदास, ज्ञानु अधिकारी, ज्ञानेन्द्र विवसपिन्त लल्हाइगु ज्याझ्वः दु।

थ्व स्वया न्ह्यः ’सत्यमोहन जोशी शताब्दी पदक’ २२६ म्हेसित बिइ धुकुगु दु। जेठ २१ गते हे गोविन्दराज विनोदीयात ’लेखनाथ पौड्याल पुरस्कार’, मिथिला शर्मायात ’बालकृष्ण सम पुरस्कार’, शैलेन्द्र साकारयात ’देवकोटा काव्य पुरस्कार’ व प्रा.डा.उषा ठाकुर व तारानाथ दाहालयात ’भद्र घले पदक’ न लल्हाइगु ज्याझ्वः दु। त्रिमूर्ति निकेतनया संस्थापक नाप अध्यक्ष इन्दिरा प्रसाईया अध्यक्षताय् च्वंगु निकेतनया बैठकं अथे निर्णय याउगु खः। 

येँ महानगरपालिका वडा २० य् नेपाली कांग्रेसया राजेन्द्र मानन्धर विजयी जुगु दु।

कांग्रेस उम्मेदवार राजेन्द्र मानन्धर १४४५ मत हया निर्वाचित जुगु खःसा वयकःया निकतम प्रतिस्पर्धी एमाले उम्मेदवार हितकर वीर सिं ताम्राकारं ६६३ मत हःगु खः।

अथेहे कांग्रेसया हे खुल्ला सदस्यय् अनेश चित्रकार १२३४ मत व रसेल श्रेष्ठ १२३६ मत हया निर्वाचित जुगु खः। महिला सदस्यय् शोभादेबि मानन्धरं १२८४ व दलित महिला सदस्यं उर्मिला शाही न १२८१ मत हया निर्वाचित जुगु खः।

उगु वडाय् मेयरय् एमाले उम्मेदवार केशव स्थापितं ७५३ मत, कांग्रेस उम्मेदवार सिर्जना सिंहं ६६१ मत, बालेन साहं ५१६ मत व सुमन सायमी न ५२७ मत काउगु खः।

येँ महानगरपालिका वडा नम्बर १९ या वडाध्यक्षय् नेपाली काँग्रेसया राजेश श्रेष्ठ निर्वाचित जुगु दु। वडा अध्यक्षय् निर्वाचित श्रेष्ठं १ हजार २ सय मत हया निर्चाचित जुगु खः।

वयकःया निकटतम प्रतिस्पर्धी नेकपा एमालेया चन्द्रमान मुनिकारं ७४१ मत हःगु खः। अथेहे सदस्यय् प्यानल हे नेपाली काँग्रेसया महिला सदस्यय् रेनुकमल शाही, दलित महिला सदस्यय् रजिता परियार व खुल्ला सदस्यय् चन्द्रमान डंगोल व दिनेशमान जोशी निर्वाचित जुगु खः।