सरकारं प्रत्येक परिवारयात अनुदानय् विद्युतीय भुतू बिइगु जुगु दु।

वइगु आर्थिक वर्षया लागि संसदय् पेश याउगु बजेटय् ‘छगु परिवार छगु विद्युतीय भुतू’ कार्यक्रम सञ्चालन यायेगु उल्लेख याउगु दु।

अर्थमन्त्री जनार्दन शर्मा न स्थानीय तहपाखे छगु विद्युतीय भुतू अनुदानय् बिइगु व्यवस्था याउगु दु।

सरकारं वृद्धभत्ता ६८ दँ दुपिन्त बिइगु जुगु दु। ७० दँ दुपिन्त जक बिइगु याना वयाच्वंगुलि आः ६८ दँ दुपिन्त न वृद्ध भत्ता बिइगु जुगु दु।

अर्थमन्त्री जनार्दन शर्मां थौं २०७९÷८० या बजेट संघीय संसदय् बजेट प्रस्तुत यासे ६८ दँ थ्यःपिन्त वृद्ध भत्ता बिइगु घोषणा याउगु दु। नाप सामाजिक सुरक्षा भत्ता मकाइपिन्स स्वघोषणा याःपिन्स सम्मान यायेगु न मन्त्री शर्मां धाउगु दु।

थ्व स्वया न्ह्यःया सरकारं ६५ दँ  दुपिन्त हे वृद्धभत्ता बिइगु बारे छलफल न्ह्याकूगु खः। तर, बजेटय् ६८ दँ दुपिन्त जक  बिइगु व्यवस्था याउगु खः।

श्री भाष्करदेव संस्कारित केशचन्द्रवृmत पारावत् महाविहार इतुंबाहाः संरक्षण समाजया झिँखुक्वगु साधारण सभां न्हुगु ज्यासना पुचः ल्यगु दु।

प्रज्ञारत्न शाक्यया अध्यक्षताय् ल्यःगु ज्यासना पुचलय् रमेश शाक्य उपाध्यक्ष, रत्नसम्भव शाक्य सचिव व रुपकुमार शाक्य कोषाध्यक्षयात ल्यःगु खः।

अथेहे दुजलय् स्थविर सानुबाबु शाक्य, सुन्दरमान शाक्य, भगवान शाक्य, मन्जिव शाक्य, प्रजित शाक्य व मणिरत्न शाक्यपिन्त सर्वसम्मत जुगु खः।

अथेहे निवर्तमान अध्यक्ष क्या. चन्द्रबहादुर शाक्य व उपाध्यक्ष स्वस्तिरत्न शाक्ययात सल्लाहकारय् ल्यःगु दु। इतुम्बहाः संरक्षण समाजया न्हुम्हः नाय प्रज्ञारत्न शाक्यं महाविहारया क्रियाकलापत व्यवस्थित याय्गु ज्याः यासेँ थःगु न्हापांगु प्राथमिकता इतुम्बहाः सङ्ग्रहालयया स्थापना खः धयादिल।

कविकेशरी चित्तधर हृदयया ११६ बुदिंया लसताय् नेपालभाषा परिषदं कवि नवीन चित्रकारयात ‘भाषाथुवाः’ या उपाधि लःल्हागु दु।

परिषदं ‘चित्तधर सिरपा’ कवि डा आनन्द जोशीयात बिउगु  दुसाः ‘मोतीलक्ष्मी सिरपा’ बांखच्वमि सरस्वती तुलाधरयात बिउगु खः। ‘केशवलाल सिरपा’ आख्यानकार केदार सितुयात अले ‘ठाकुरलाल सिरपा’ नियात्राकार विमलप्रभा बज्राचार्ययात व ‘पूर्ण—हीरा सिरपा’ समालोचक कुन्दनप्रसाद श्रेष्ठयात बिउगु खः।

नेपाल प्रज्ञा प्रतिष्ठानलिसे मंकाः कथं जुगु उगु ज्याझ्वलय् प्रज्ञा प्रतिष्ठानया कुलपति गंगाप्रसाद उप्रेती मूपाहाँ कथं झाउगु खः। भाषा विभागया कजि लक्ष्मी मालिया सभाध्यक्षताय् जुउगु उगु ज्याझ्वलय् समालोचक पूर्ण ताम्राकारं कवि केशरी चित्तधर हृदय व नेपालभाषा साहित्य विषययात कया मू खँ न्ह्यब्वयादिगु खः।

ज्याझ्वलय् कवि श्रीराम श्रेष्ठं केशरी चित्तधर हृदयया कृति वाचन यानादिल। अथेहेतुं सदस्य सचिव जगतप्रसाद उपाध्यायं सुभाय् न्वचु बियादप्थस खः।

बालेन शाह येँ महानगरपालिकाया मेयरय् निर्वाचित जुगु लसताय् थौं विजयी ¥याली सुरु याउगु दु। उगु विजयी ¥याली मेम्ह स्वतन्त्र उम्मेदवार सुमन साय्मी न ब्बति काउगु दु।

विजयी ¥याली राष्ट्रिय सभागृह न सुरु याउगु खः। सभागृह–भद्रकाली–त्रीपुरेश्वोर–माइतिघर–बबरमहल–बिजुलिबजार–यूएनपार्क–शान्तिनगर–तिनकुने–कोटेश्वोर–जडिबुटी–पेप्सिकोला थ्यका ¥याली लिहावइगु जुगु दु।

कोटेश्वोर–तिनकुने–सिनामङ्गल–तिलगङ्गा–गौशला–चावाहिल–माहारजगन्ज–सामाखुशी–नयाँबसपार्क–स्वयम्भू–सितापाइला–कलंकी–बल्खु–कुलेश्वोर–कालिमाटी–टेकु–त्रिपुरेश्वर–सुन्धारा वया खुलामञ्चय् वया ¥याली सभाय् परिणत जुइ धका धाउगु दु।