येँ महानगरपालिकाया मेयरय् बालेन्द्र साह (बालेन) निर्वाचित जुगु दु।

स्वतन्त्र उम्मेदवार न साह ६१ हजशार ७६७ मत हया येँ महानगरया मेयरय् निर्वाचित जुगु खः।

अथेहे निकटतम प्रतिद्वन्द्वी नेपाली कांग्रेसया उम्मेदवार सिर्जना सिंहं ३८ हजार ३४१ मत व नेकपा एमालेया उम्मेदवार केशव स्थापितं ३८ हजार ११७ मत हःगु खः।

उपमेयरय् नेकपा एमालेया उम्मेदवार सुनिता डंगोल विजयी जुगु दु। डंगोलं ६८ हजार ६१२ मत हया निर्वाचित जुगु खः। वयकःया निकटतम प्रतिद्वन्द्वी नेकपा समाजवादीया रामेश्वर श्रेष्ठं २३ हजार ८०६ मत हःगु खः।

येँ महानगरपालिका वडा नम्बर १५ य् एकीकृत समाजवादीया उम्मेदवार ईश्वरमान डंगोल निर्वाचित जुगु दु।

निर्वाचित जुम्ह डंगोलं ३ हजार ४७६ मत काउगु खः। अथेहे कांग्रेसया उम्मेदवार जीवन डंगोलं १ हजार ५७२ मत व एमालेया उम्मेदवार पूर्णकाजी डंगोलं १ हजार ३९३ मत हःगु खः।

ईश्वरमान ०७४ सालया निर्वाचनय् नेकपा एमालेपाखे वडाध्यक्षय् निर्वाचित जुगु खः। अथेहे मैया लक्ष्मि महर्जन (महिला वडा सदस्य) रिता मिजार (दलित सदस्य) अपसरा केसि (महिला वडा सदस्य) विजु श्रेष्ठ (वडा सदस्य) सदस्यय् निर्वाचित जुगु खः।

यलय् बुंगद्यःया रथ थ्व हे वइगु १८ गते जावलाख्यलय् सालायंकीगु जूगु दु।

थौं सुथय् यलया मंगलय् च्वंगु फल्चाय् प्यम्ह ज्योतिषपिन्स द्यः सालेगु निति साइत स्वंगु खः।

ज्योतिषपिन्स द्यः सालेगु निति थ्व हे जेष्ठ १८ गते साइत दिं पिकागु खः

१८ गते द्यः जावलाख्यलय् यकां वयां प्यन्हु लिपा २१ गते भोटोजात्रा याइगु जुगु दु।

येँ महानगरपालिका वडा १३ य् नेकपा एमालेया धुब्रनारायण मानन्धर विजयी जुगु दु।

एमालेया उम्मेदवार मानन्धरं ३१२४ मत हया निर्वाचित जुगु खःसा वयकःया निकतम प्रतिस्पर्धी नेपाली काँग्रेसया उम्मेदवार सुरेन्द्र मानन्धरं २६५४ मत हःगु खः।

अथेहे एमालेया हे खुल्ला सदस्यय् रामबाबु कोइरालां २३९५ व रुपेश महर्जनं २४९९ मत हया निर्वाचित जुगु खः।

महिला सदस्यय् रजनी महर्जनं २१३० व दलित महिला सदस्यं मैंया द्यौला न २८२८ मत हया निर्वाचित जुगु खः।

येँ महानगरपालिका वडा १७ य् नेपाली कांग्रेसया नबिन मानन्धर विजयी जुगु दु।

कांग्रेस उम्मेदवार मानन्धरं २७०८ मत हया निर्वाचित जुगु खःसा वयकःया निकतम प्रतिस्पर्धी एमाले उम्मेदवार मचाराजा महर्जनं १४३१ मत हःगु खः।

अथेहे कांग्रेसया हे खुल्ला सदस्यय् जितेन्द्र खड्गीं २१९८ व शम्भु पोडें १८५६ मत हया निर्वाचित जुगु खः। महिला सदस्यय् कमला महर्जनं २१३० व दलित महिला सदस्यं कबिता दासं २३०७ मत हया निर्वाचित जुगु खः।