येँ महानगरपालिका वडा नम्बर १८ या वडाध्यक्षय् नेकपा एमालेया न्हुच्छेकाजी महर्जन निर्वाचित जुगु दु।

वडा अध्यक्षय् निर्वाचित महर्जन न १ हजार २ सय ९३ मत हया निर्चाचित जुगु खः। वयकःया निकटतम प्रतिस्पर्धी नेपाली कांग्रेसया राजन महर्जन  ७७१ मत हःगु खः।

अथेहे सदस्यय् प्यानल हे एमालेया शोभा महर्जन, हेम ज्योति शाक्य व रचना शर्मा निर्वाचित जुगु खः।

येँ महानगरपालिका वडा नम्बर २२ या वडाध्यक्षय् नेकपा एमालेया चिनी काजी महर्जन निर्वाचित जुगु दु।

वडा अध्यक्षय् निर्वाचित महर्जन न २ हजार ६० मत हःगु खःसा निकटतम प्रतिस्पर्धी नेपाली कांग्रेसया शालीग्राम तण्डुकारं १ हजार ५९६मत हःगु खः।

अथेहे सदस्यय् नेपाली काँगे्रया ललिता खड्गी चन्द्रमान तुलाधर व अनिल हाडा निर्वाचित जुगु दु। अथेहे दलित महिला सदस्यय् एमालेया गीता परियार न्हापा हे निर्वाचित जुगु  खः।

येँ महानगरपालिका वडा नम्बर २१ या वडाध्यक्षय् नेकपा एमालेया उदयचुडामणी बज्राचार्य निर्वाचित जुगु दु।

वडा अध्यक्षय् निर्वाचित बज्राचार्य न २ हजार १ मत हःगु खःसा निकटतम प्रतिस्पर्धी नेपाली कांग्रेसया मधुशुधन प्रधानं १ हजार ५१३ मत हःगु खः।

यल महानगरपालिकाय् चिरिबाबु महर्जन मेयरय् हाकन निर्वाचित जुगु दु। नेपाली कांग्रेसपाखे उम्मेदवार जुयादीम्ह महर्जनं ४२ हजार ७२२ मत हया निर्वाचत जुयादीगु खः।

वयकलं नेकपा एमालेया हरिकृष्ण ब्यञ्जनकारयात १८ हजार १६२ मत स्वया अप्पो मत हःगु खः। ब्यन्जनकारं २४ हजार ५६० मत हःगु खः।

अथेहे राप्रपाया अष्ट महर्जनं ५हजार ५५४ मत हःगु खः। अथेहे यल महानगरय् उपमेयरय् नेकपा एमालेया मन्जली शाक्य निर्वाचित जुगु दु। वयकलं २५ हजार ८४ मत हःया निर्वाचित जुगु खः।

वयकःया निकटतम् प्रतिस्पर्धी नेकपा माओवादी केन्द्रया बाबुराज बज्राचार्य न १८ हजार ७५२ मत हःगु खः। बज्राचार्य गठबन्धनपाखे उपमेयरया उम्मेदवार जुगु खः। राप्रपाया स्वर्णिमा शाक्यं ७ हजार ७७८ व स्वतन्त्र उम्मेदवार अजरमान जोशीें ७ हजार २९ मत हःगु खः।

२९ गु वडा दुगु यल महानगरय् ४, ६, ७, ८, ९, १०, ११, १४, १६, २० व २८ वडा नाप ११ गु वडाय् अध्यक्षपि नेपाली कांग्रेस त्याउगु दु। वडा ५, १२, १५, १७, १८, १९, २२, २३, २४, २५, २९ याना झीछगु नेकपा एमाले विजयी जुगु दु।

अथेहे २१, २६ व २७ स्वंगु वडाय् नेकपा माओबादी केन्द्र व वडा नम्बर १ व १३ य् स्वतन्त्र उम्मेदवारपि त्याउगु खःसा वडा नम्बर २ व ३ य् एकीकृत समाजवादीं त्याकूगु खः।

येँ महानगरपालिका वडा नम्बर १० य् नेपाली कांग्रेसया रामकुुमार केसी विजयी जुगु दु। वडा अध्यक्षय् केसीं ३ हजार ४२८ मत हया निर्वाचित जुगु खः।

वयकः निकटतम प्रतिस्पर्धी नेकपा एमालेया अशोक कार्की न १ हजार ९५३ मत हःगु खः।

अथेहे महिला सदस्यय् रोहणी श्रेष्ठं ३ हजार ३४२ मत, दलित महिला सदस्य सुुनिता भित्रीकोटी परियारं ३ हजार ४८७ मत व सदस्यय् अरोज अर्यालं ३ हजार ३४७ मत नाप सतिप तण्डुकारं ३ हजार २१३ मत हया निर्वाचित जुगु दु।