येँ महानगरपालिका वडा नम्बर २३ य् नेकपा एमालेया मचाराजा महर्जन विजयी जुगु दु। वडा अध्यक्ष निर्वाचित जुम्ह महर्जनं १ हजार १६१ मत हःगु खः।

वयकःया निकटतम प्रतिस्पर्धी नेपाली कांग्रेसया उत्तम रत्न मानन्धरं ९२३ मत, ज्योती शाक्य ४१२ व राकेश लाल श्रेष्ठं ९६ मत हःगु खः।

अथेहे महिला सदस्यय् चन्द्रदेवी मानन्धरं १ हजार १०१ मत हया निर्वाचित जुगु खः। खुल्ला सदस्यय् नेपाली कांग्रेसया गोपाल नापित १०६२ व सुरेश मानन्धर ८५३ मत हया बिजयी जुगु खः।

येँ महानगरपालिका १२ य् वडाध्यक्षय् नेपाली काँग्रेसया बालकृष्ण महर्जनं २१४९ मत हया निर्वाचित जुगु दु।

वयकःया निकटतम प्रतिद्वन्द्वी नेकपा (एमाले) या विकास महर्जनं ९९३ मत हःगु खः। अथेहे नेपाली काँग्रेसया नानीहेरा डंगोल २२०३ मत हया निर्वाचित जुगु खःसा वयकःया प्रतिद्वन्द्वी अनिता महर्जनं ७९३ मत हया निर्वाचित  जुगु खः।

दलित महिला सदस्यय् मुना गहतराज १७०३ मत, खुल्ला सदस्यय् पुष्परत्न प्रजापति १९६२ व श्यामकृष्ण खड्गी १७६७ मत हया निर्वाचित जुगु खः।

येँ महानगरपालिकाया उपमेयरय् एमालेया सुनिता डङ्गोल न्ह्यने लानाच्वंगु दु।

डङ्गोलं ४६ हजार २ सय २१ हये धुकुगु दु। अथेहे एकीकृत समाजवादीया उम्मेदवार रामेश्वर श्रेष्ठं १५ हजार ४ सय ११ मत काउगु दु।

येँ महानगरपालिका वडा नम्बर ११ या वडाध्यक्षय् नेपाली कांग्रेसया हिरालाल तण्डुकार विजयी जुगु दु।

वडा अध्यक्ष तण्डुकारं १ हजार ५५५ मत हया निर्वाचित जुगु दु। वयकःया निकटतम प्रतिस्पर्धी नेकपा एमालेया योगेन्द्रमान श्रेष्ठं ९५० मत हःगु खः।

अथेहे महिला सदस्यय् आशा श्रेष्ठं १ हजार ५३४ हया निर्वाचित जुगु खःसा प्रतिद्धन्द्धी एमालेया मायादेवी महर्जनं ८५४ मत हःगु खः।

दलित महिला सदस्यय् यसोमति परियार खुल्ला सदस्यय् दिपेश राउत क्षेत्री व सरोज कुमार मुल्मी बिजय जुगु खः।

येँ महानगरपालिका वडा नं. २४ य् नेपाली कांग्रेसया विनोदकुुमार राजभण्डारी वडाध्यक्षय् निर्वाचित जुगु दु।

भण्डारीं १ हजार १३२ मत हया निर्वाचित जुगु खःसा वयकःया प्रतिस्पर्धी नेकपा एमालेया उम्मेदवार सुजनविलास बज्राचार्य न ९२४ मत हःगु खः।

अथेहे महिला सदस्यय् नेपाली कांग्रेसया सुनिता महर्जनं १ हजार १६६ मत हःगु खःसा वयकःया प्रतिस्पर्धी नेकपा एमालेया लक्ष्मी महर्जनं १ हजार ११५ मत हःगु खः।

खुल्ला सदस्यय् एमालेया रत्नकार बज्राचार्य न १ हजार १३ मत व नेपाली कांग्रेसया कृष्णमान सिहं ९७३ मत हया निर्वाचित जुगु खः।