राष्ट्रिय ट्रेड युनियन महासङ्घ (जीफन्ट) या केन्द्रीय उपाध्यक्ष कमल गौतम थौ आकाझाकां मन्त।

रुपन्देहीया भैरहवाय् नेपाल विद्युत् प्राधिकरण कार्यालय न्ह्यने जुगु धर्ना ज्याझ्वलय् भाषण याना च्वंगु इलय् अचानक बेहोस जुया ६५ दँय् गौतम मदुगु खः।

ट्रंकलाइन विवादय् उद्योगय् विद्युत् लाइन काटे याःगु विरोधय् थौ उद्योगी व मजदुर तय्स विरोध प्रदर्शन याःगु खः।

न्हिच्छि मध्यम वा वयाः थौं चान्हय्निसें तसकं वा वइगु सम्भावना दु। जल नापं मौसम विज्ञान विभागया मौसमविद् सञ्जीव अधिकारीया कथं २४ घौया ई दुने ४० मिलिमिटर वा वःगु दु। “थुकियात मध्यम वा वःगु धाइ, ५० मिलिमिटर वा वल धाःसा जक तसकं वा वःगु धायेगु जुइ”, मौसमविद् अधिकारीं धयादिल, “थौं चान्हय्निसें धाःसा तसकं वा वइगु सम्भावना दु।”

वय्कलं थौं न्हिच्छि हे बाग्मती, कोशी, मधेस प्रदेशलिसें ख्यलय् मध्यम वा वयाच्वंगु धयादिल। गुकिइ गण्डकी व लुम्बिनीइ छथाय्निथाय् फुतिफुति वा वयाच्वंगु वय्कलं जानकारी बियादिल। अथेहे गण्डकी, बागमती प्रदेशया उच्च हिमाली भेगय् च्वापु गायाः वा वःगु खः।बुधबाःनिसे वःगु वा कात्तिक १५ गते शनिबाः तक वइगु मौसम विज्ञान विभागं धाःगु खः।

थुकिया निंतिं सर्तकता नालाः सुरक्षित जुइत आह्वान नं याःगु खः। नेपालय् पदयात्राय् वनेत मौसम बारे जानकारी कयाः जक वनेत विभागं इनाप याःगु खः।अथेहे वा लयेगु ई जूगुलिं लये ल्यंदनिपिं किसानतय्सं मौसमया अवस्था स्वयाः जक लयेत सुझाः ब्यूगु खः। तसकं वा वइगु सम्भावना दूगुलिं वा लयेगु अवस्था मदूगु मौसमविद्तय् धापू खः।

संजिवनी पब्लिकेशन एन्ड डिस्ट्रिब्युटरं प्रकाशन याःगु पाठ्यपुस्तकय् लाखेयात जोकर धका भनी छापे जुगुलि माफी फ्वंगु दु। उगु सफूति  Jj-Joker धका लाखेया किपा छापे जुगुलि संजिवनीं छगू विज्ञप्ती जारीयाना माफी फ्वंगु दु।

पब्लिकेशनं प्रकाशन याःगु Sanjiwani All In One (Soft Cover) सफूतिइ  Jj-Joker धइगु थासय् लाखेया किपा तःगु खः।

थुगु विषय समामाजिक संजालय् व्यापक विरोध जुइवं पब्लिकेशनया प्रवन्ध निर्देशक सरोज आचार्यं छगु विज्ञप्ती जारी यासे माफी फ्वंगु दु।

अथेहे पब्लिकेशनं उगु सफू लित छ्वया हयेत न प्रकाशनया कार्यालयं इनाप यागु दु।

आः देय्या थीथी ब्वय् पश्चिमी वाय् व ‘मोन्था’ चक्रवातया आंशिक प्रभाव लाःगुलिं थीथी थासय् वा वयाच्वंगु जल लिसें मौसम पूर्वानुमान महाशाखां धाःगु दु।नापं देसय् पश्चिमी वायुया सक्रिय प्रभाव दुसा अरब सागरय् ब्वलंगु न्यून चापीय प्रणाली व बङ्गालया खाडीइ बिकसित जुयाच्वंगु चक्रवात ‘मोन्था’या आंशिक प्रभाव लाःगु दु।

महाशाखाया कथं कोशी, मधेश, बागमती, गण्डकी व लुम्बिनी प्रदेशलिसेंया पहाडी ब्वय् थौं न्हिनय् अप्वः ईतक धयाथें  सुपाँय्नं गयाच्वनीगु अवस्था दुसा तराईया ब्वय् छुं कथंया ह्यूपाः जुइफु। कोशी, मधेश व बागमती प्रदेशया अप्वः धयाथें थासय् वा वयेफु। गण्डकी व लुम्बिनी प्रदेशया पहाडी व हिमाली लागाया छुं छुं थासय् वा वइगु नापनापं च्वापु गायेपूmगु खनेदु।

कर्णाली व सुदूरपश्चिम प्रदेशया छुं थासय् फुतिफुति वा वइगु विभागया पूर्वानुमान दु। महाशाखां देय्या उच्च पहाडी व हिमाली ब्वःया छुं छुं थासय् माध्यम कथं च्वापु गाइगु धयातःगु दु। वा वइगु व च्वापु गायेफूगु थासय् यात्रा याइपिं व उगु ब्वःया किसानयात महाशाखां सतर्क जुयाः च्वनेत नापं इनाप याःगु दु।

प्रधानमन्त्री सुशीला कार्की न बालुवाटारय् जुगु जेनजी व दलनाप सहलह छकः जक मखु निरन्तर संवाद यायेत इनाप याःगु दु।

बालुवाटारय् थौ जुगु स्वगू पक्षीय वार्ता जुगु खः। दकलय् न्हापां प्रधानमन्त्री कार्की न थःगु खँ तये धुका मेपिन्स थःथःगु बिचाः तय्त इनाप याःगु खः।