नवनियुक्त निम्ह मन्त्रीपाखे शपथ काःगु दु। राष्ट्रपति कार्यालय शिलतनिवासय् छगु ज्याझ्वः नवनियुक्त मन्त्रीतय्स शपथ काःगु खः।

प्रधानमन्त्री सुशीला कार्कीया सिफारिसय् राष्ट्रपति रामचन्द्र पौडेलं डा. सुधा शर्मा व बब्लु गुप्तायात मन्त्रीइ नियुक्त याःगु खः।

शर्मा स्वास्थ्य लिसे जनसंख्या मन्त्री नियुक्त जुगु खःसा गुप्ता युवा लिसे खेलकुद मन्त्री नियुक्त जुगु खः। अथेहे खगेन्द्र सुनार व गणपतिलाल श्रेष्ठया नां न सिफारिस जुगु खःसा लिपागु इलय् नां काटे याःगु खः।

मन्त्री नियुक्तिया निति तयार जुगुलि भूमि सुधार मन्त्रीइ सिफारिस जूम्ह गणपतिलाल श्रेष्ठ व श्रममन्त्रीइ सिफारिस जूम्ह खगेन्द्र सुनार नां काटे याःगु दु।
सुरूइ पर्यटनमन्त्रीइ चर्चा वयाच्वम्ह श्रेष्ठयात लिपागु इलय् मन्त्रालय हेरफेर यागु खःसा आः वयागु शपथ रोके जुगु दु। छगु कारणं श्रेष्ठया शपथ रोके जुगु धका सिइमदुनि।

अथेहे श्रममन्त्रीया सिफारिस खगेन्द्र सुनारया न थीथी काण्ड प्रमाण पिहा वयेवं शपथग्रहण रोके जुगु दु।

लुँ तोलां ११ हजार ६ सय तका कुहावःगु दु। लुँ तोलां थौ ११ हजार ६ सय तका कुहावया २ लाख ४१ हजार ९ सय तका न कारोबार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न थौ २ सय ६५ तका कुहावःगु दुु। वहः तोलां २ सय ६५ तका कुहावया थौ ३ हजार १५ तका न कारोबार जुयाच्वंगु दु धका महासङ्घं धाःगु दु।

अन्तरिम सरकारय् मन्त्री जुइगुलि चर्चा जुयाच्वंम्ह खगेन्द्र सुनारयात निगु मुद्दाय् फरार अभियुक्त दुगु केन्द्रीय प्रहरीया क्रिमिनल रेकर्ड सिस्टम (सीआरएस) न क्यंगू दु।

नेपाल प्रहरी प्रधान कार्यालयया चारित्रिक प्रमाणपत्र जारी याइगु चालचलन शाखा स्रोतया कथं निगु अभियोगय् कैद भुक्तान यायेत ल्यः दुगु फरार अभियुक्तया कथं सुनारया नां दुथ्याःगु दु। सुनारया विरुद्ध काभ्रेपलाञ्चोक जिल्ला अदालतपाखे विद्युतीय कारोबार मुद्दाय् पक्राउ पुर्जी जारी जुगुलि मुद्दा फस्र्यौट मजुगु प्रहरीया रेकर्डय् दु।

अथेहे जिल्ला अदालत सुर्खेतं २०८१ असार २१ गते जारी जुगु पक्राउ पुर्जीया आधारय् न वयात ज्वनेत ल्यः दुगु व सजाय भुक्तान यायेत ल्यः दुगु खने दुगु धका प्रहरी स्रोतं धाःगु दु। अदालतं सुर्खेत प्रहरीयात पक्राउ पुर्जीबारे २०८१ मंसिर २१ गते न ताकेता याःगु खः। सुनारयात सुर्खेतया मेहेलकुना अस्पतालया प्रमुख डा. सोजन सापकोटायात हातपात व स्वास्थ्य संस्था तोडफोड याःगु द्धपनय् पक्राउ पुर्जी जारी याःगु खः।

मन्त्रिपरिषदय् थौ थपे जूपि मन्त्रीतय्स साढे २ बजे शपथ याइगु जुगु दु। राष्ट्रपति कार्यालय शीतल निवासय् मन्त्रीतय्त शपथ याइगु तयारी जूगु दु।

थौ आइतवाः थपे जुइपि मन्त्री डा. सुधा शर्मा गौतम, गणपति लाल श्रेष्ठ, खगेन्द्र सुनार व बब्लु गुप्ता खः। गौतमयात स्वास्थ्य लिस् जनसंख्या, सुनारयात श्रम लिसे रोजगार व गुप्तायात युवा लिसे खेलकुद मन्त्रालयया जिम्मेवारी तोके याःगु दु।

श्रेष्ठयात थ्व स्वया न्ह्यः संस्कृति पर्यटन लिस् नागरिक उड्डयन मन्त्रालयया जिम्मेवारी क्वछिगु खःसा आः भूमिसुधार मन्त्रालयया जिम्मेवारी बिइगु निर्णय जूगु दु धका प्रधानमन्त्री कार्यालयया स्रोतं जानकारी ब्यूगु दु।

प्रधानमन्त्री सुशीला कार्की न प्यम्ह मन्त्रीतयेगु नां राष्ट्रपति कार्यालय छ्वय धुकुगु दु।