मुलुकया आःया सुरक्षा अवस्थाया विश्लेषण यानाः आवश्यक पलाः न्ह्याकेत प्रधानमन्त्री निवास बालुवाटारय् उच्चस्तरीय बैठक क्वचाःगु दु।

बैठकय् प्रधानमन्त्री सुशीला कार्की, गृहमन्त्री ओमप्रकाश अर्याल, गृहसचिव रामेश्वर दङ्गाल व प्यगुलिं सुरक्षा निकायया प्रमुखत दूगु खः। बैठकय् सुरक्षा प्रमुखतय्सं आःया अवस्थाबारे जानकारी बियादीगु प्रधानमन्त्रीया सचिवालयं धाःगु खः। बैठकलिपा गृहमन्त्री ओमप्रकाश अर्यालं धयादिल, “सुरक्षा अवस्थाबारे जिमिसं सूक्ष्म विश्लेषण यानागु खः। थी थी पुचलं प्रदर्शनया निंतिं तयारी यानाच्वंगु जानकारी वःगु खः।

थःपिनिगु राजनीतिक माग जिम्मेवार ढङ्गं तयेत सकसित नं स्वतन्त्रता दु।”वय्कलं राजनीतिक मुद्दाया संबोधनया निंतिं सरकारं संवादया लुखा चायेकातःगु व सम्बद्ध पक्षतलिसे वार्ता यायेगु धयादिल।

स्थानीय प्रशासनपाखें अनुमति मकाःसे येँया माइतीघरय् प्रदर्शनया निंतिं वंपिं ५० म्हेसित थौं नेपाल प्रहरीं हिरासतय् काःगु दु।थौं सुथंनिसें माइतीघरय् प्रर्दशन यायेत वंपिं जनेजी युनाइटेडया दुजःतय्त जिल्ला प्रहरी परिसर, येँया टोलीं सोधपुछया निंतिं नियन्त्रणय् कागु दु।

स्थानीय प्रशासनया अनुमतिमदयेकं प्रदर्शन यायेत्यंगु व मेमेगु जेनजी पुचः दथुइ सम्भावित ल्वापुपाखें प्रदर्शनकारीतय् हे असुरक्षा जुइगु खनेदूगुलिं सोधपुछ यायेत नियन्त्रणय् काःगु प्रहरी परिसर, येँ पाखें धाःगु खः। नियन्त्रणय् काःपिं ५० म्ह मध्ये २४ म्ह मिसा व २६ म्ह मिजं दु।

जेनजी युनाइटेडया न्ह्यलुवा मदन कार्कीं थःपिंसं स्वतन्त्र रुपं प्रदर्शन यायेत जिल्ला प्रशासन ज्याकुथि, येँपाखें अनुमति कयाबलय् मब्यूगु धयादिल। वय्कलं प्रहरी प्रशासनं प्रदर्शनकारीतय्त नियन्त्रणय् कायेगु लोकतान्त्रिक मजूगु धयादिल। “झीपिं जेनजीत छधी जुइमाः धइगु सकारात्मक भाव ज्वनाः वनेनु धकाः जुयागु खः। तर जिमित याकेमबिल। जिल्ला प्रशासन ज्याकुथि येँपाखें अनुमति कायेमफुत, मबिल”, खनालं धयादिल।

लुँ तोलां थौ ७ हजार १ सय तका थहावंगु दु। लुँ तोलां थौ हजार १ सय तका थहावंना २ लाख ५८ हजार न कारोवार जुगु दु धका नेपाल सुनचाँदी व्यवसायी महासंघं धाःगु दु।

अथेहे वहः तोलां न ७५ तका थहावःगु दु। वहः तोलां न ७५ तका थहवना ३ हजार ३५० तका न कारोवार जुगु दु धका महासंघं धाःगु दु।

प्रधानमन्त्री सुशीला कार्की न सहकारी ठगतय्त न्ह्यागु न अवस्थाय्् न आःयागु सरकारं कारबाही यायेगु धका प्रतिबद्धता याःगु दु।

बिहीवाः प्रधानमन्त्री लिसे मन्त्रिपरिषद् कार्यालय मन्त्री, सचिव, संकटग्रस्त समस्या समाधान आयोगया सदस्य, सहकारी समस्या नियमन प्राधिकरण, सहकारी पीडित बचतकर्ता संरक्षण राष्ट्रिय महासंघया दुजः तयेत छथाय् तया सहलह याःगु खः।उगु सहलह ज्याझ्वलय् प्रधानमन्त्री कार्की  सहकारी ठगी याना च्वपिन्त न्ह्याथे जूसां त्वःते मज्यु धका धाःगु दु।‘

ठगे याना नया च्वपिन्त छु न हालतय् त्वःते मज्यु। थुपि थिकेगु लुँया घडी न्ह्याने वना च्वंगु दु। गाडी गया वना च्वंगु दु। नक्कली डिभोर्स याना वना च्वंगु दु्,’ प्रधानमन्त्री धाःगु दु।

प्रधानमन्त्री सुशीला कार्कीं आःतक न मन्त्रीमण्डलयात पूर्णता बिइफुगु मदुनि। निकःतक मन्त्रिपरिषद् विस्तार यासा न थम्हेसिया आःतक गूगु मन्त्रालय कः घाना च्वंगु दु।

उकिया कारण कार्की न मन्त्रीमण्डल गुवलय् पूर्णता बिइगु धइगु च्यूताःया खँ जुगु दु। थ्व हे कारण मन्त्रीमण्डलयात पूर्णता बिइ मफया खाली जुया च्वंगु मन्त्रालय मन्त्रीविहीन जुयाच्वंगु दु।

थौ बिहीवाः सिंहदरबारय् छम्ह पत्रकारं प्रधानमन्त्रीजु मन्त्रिपरिषद् गुवलय् विस्तार जुइ? धका न्यंगु न्ह्यसलय् प्रधानमन्त्री न्ह्यसःया लिसः बिइगु झ्वलय् मन्त्रिपरिषद् विस्तार ‘जुया च्वंगु हे दु’ धका लिसः बिइगु खः।

२३ व २४ भदौय् जुगु जेनजी आन्दोलन लिपा कार्की २७ भदौय् प्रधानमन्त्री नियुक्त जुगु खः।