वंगु २४ घण्टाया दुने देयन्यक थप ९१५ म्हेसित कोरोना संक्रमण पुष्टि जुगु दु।अथेहे निम्ह सीगु दु।

स्वास्थ्य तथा जनसंख्या मन्त्रालयया कथं ६ हजार २ म्हेसिगु परीक्षण याउगुलि ९१५ म्हेसित संक्रमण पुष्टि जुगु दु।

उकि मध्ये ३ हजार ९१ म्हेसिगु पीसीआर परीक्षण याउगुलि ५९० म्ह व २ हजार ९११ म्हेसिगु एन्टिजेन परीक्षण याउगुलि ३२५ म्हेसित संक्रमण खनेदुगु दु धका मन्त्रालयं धाउगु दु।

थ्व नाप कोरोना भाइरसया सक्रिय संक्रमितपि ५ हजार ४३३ म्ह थ्यःगु दु। वंगु २४ घण्टाय् ३०१ म्ह संक्रमणमुक्त जुगु दु।

सेयर बजारय् सामान्य गिरावट जुगु दु। थौं बुधबाः बजाःया परिसूचक नेप्से ६.७१ अंक (०.३१ प्रतिशत) न कुहावःगु दु।

थौं २१८६.७७ अंकय् बन्द जुगु दु। थौं नेप्सेय् अप्पो उपसूचक न कुहावंगु दु। व्यापार, हाइड्रोपावर व लघुवित्त उपसूचक धाःसा थहावंगु दु।

बुधबाः बजारय् कुल १८० कम्पनीया सेयर कारोबार जुगुलि ९६ कम्पनीया सेयर भाः ७७ कम्पनीया सेयर भाः घटे जुगु दु। अथेहे न्ह्यगु कम्पनीया सेयर भाः धाःसा स्थिर जुगु दु।

बुधबाः कारोबार जुगु मध्ये सामलिङ पावर कम्पनीया सेयर भाः ९.९९ प्रतिशत व बलेफी हाइड्रोपावरया सेयर भाः ९.९७ प्रतिशतं थहावना सर्किट भाः जुया बन्द जुगु दु।

अथेहे युनाइटेड इदी मार्दी एण्ड आरबी कम्पनीया सेयर भाः ८.९६ प्रतिशतं थहावंगु दु। अथेहे स्ट्यान्डर्ड चाटर्ड बैंकया सेयरमूल्य ३.९२ प्रतिशतं कुहवंगु दु सा गुडविल फाइनान्सया सेयर भाः ३.४३ प्रतिशतं घटे जुगु दु।

सत्तारुढ गठबन्धनया शीर्ष नेतापि मंसिर ४ य् प्रदेश व प्रतिनिधि सभा निर्वाचन यायेगु सहमत जुगु दु।

आ कन्ह्य च्वनिइगु मन्त्रिपरिषद् बैठकं निर्वाचनया तिथि घोषणा याइ धका छम्ह नेतां धाउगु दु। निर्वाचन आयोगं मंसिर २ गते चुनाव यायेत परामर्श बिउगु दु, तर प्रधानमन्त्री शेरबहादुर देउवा ४ मंसिरय् यायेगु तयारीइ दु।

सत्तारुढ न्यागु दलीय गठबन्धनया बुधबाः बालुवाटारय् च्वंगु बैठकय् प्रदेश व प्रतिनिधि सभा चुनावबारे छलफल याउगु खः। बैठकय् सहभागी छम्ह नेता धाउगु दु, ‘मंसिर ४ य् चुनाव यायेगु सहमति जुगु दु, कन्ह्यःया क्याबिनेटं तिथि घोषणा याइ’।

राष्ट्रपति विद्यादेवी भण्डारीं थौं बुधबाः मदन भण्डारी विज्ञान नाप प्रविधि विश्वविद्यालय सम्बन्धय् व्यवस्था यायेगु निति दयकूगु विधेयक प्रमाणीकरण यानादीगु दु।

संघीय संसदया निगु हे सदनया बैठकं पारित जुगु प्रमाणीकरणया लागि पेस जुगु विधेयक संविधानया धारा ११३ या उपधारा (२) बमोजिम प्रमाणीकरण याउगु दु धका राष्ट्रपतिया कार्यालयं धाउगु दु।

सप्तकोसी ३४ दँ लिपा पुंलागु हे धारय् लिहावया उदयपुर व सप्तरीया बस्ती प्रभावित जुगु दु।

सप्तकोसीं कटान यायेवं उदयपुरया बेलका, सप्तरीया सप्तकोसी व कञ्चनरूप नगरपालिकाया छु बस्ती प्रभावित जुगु दु। आः गन कोसीइ खुँसिइ बाः वःगु दु।

२०४५ साल स्वया न्ह्यः अनहे कोसी खुँसिइ बाः वयेगु याइ। २०४५ सालया भुखाय् ब्बय् धुका कोसीं विस्तारं धार हिला पूर्वपाखे वःगु खः। कोसी पूर्वय् लिहावयेवं अन २०५१ साल लिपा बस्ती बढे जुगु खः।

आः कोसीं धार हिला पुलागु हे थासय् वयेवं उगु बस्ती प्रभावित जुगु खः। बेलका नगरपालिका वडा नम्बर ३ या अध्यक्ष कथं वडा नम्बर १, २, ३, ४, ८ व ९ या बस्ती खुँसि बाः वया प्रभावित जुया करिब २० हजार मनू प्रभावित जुगु धका धाउगु दु।