प्रधानमन्त्री सुशीला कार्कीलिसे देशया समसामयिक राजनीतिक परिस्थिति, जेनजीया माग संबोधन व लिक्क वयाच्वंगु निर्वाचनलिसें विषय जेनजी पुचःया प्रतिनिधिलिसे थौं राष्ट्रपतिया ज्याकुथिइ सहलह जूगु दु।

राष्ट्रपति रामचन्द्र पौडेलया इनापय् न्ह्यानाच्वंगु सहलहय् प्रधानमन्त्री कार्की मन्त्री व जेनजी पुचःया प्रतिनिधि सुदन गुरुङ, प्रवेश दाहाल, मिराज ढुङ्गानाया जक ब्वति दूगु खः । सहलहय् सुशासन, संविधान संशोधनलिसें विषय जेनजी पुचःया प्रतिनिधितय्सं थःपिनिगु धारणा प्रस्तुत याःगु खः।वइगु निर्वाचनय् केन्द्रित जुयाः विघटित प्रतिनिधिसभाय् प्रतिनिधित्व याःपिं राजनीतिक दलतय् नेता दथुइ शुक्रबाः राष्ट्रपति भवनय् सहलह जूगु खः।

युवातय् आन्दोलनलिपा जेनजी पुचःया प्रतिनिधिलिसे राष्ट्रपति भवनय् न्हापांखुसी सहलह जूगु खः। (रासस)

थौ राष्ट्रपति रामचन्द्र पौडेलं जेनजीया पुचःनाप सहलह यायेगु निति सःतूगु दु।

राष्ट्रपति पौडेलं प्रधानमन्त्री सुशीला कार्कीनाप जेनजीया पुचः नाप सहलह यायेत्यःगु खः।

प्रधानमन्त्री सुशीला कार्की न जेनजी प्रतिनिधि दुथ्याका मन्त्रिपरिषद् विस्तार यायेगु तयारी न्ह्याकूगु दु। प्रधानमन्त्री कार्यालयया स्रोत कथं, वइगु सोमवाः तक शपथ यायेगु तयारीइ प्यम्ह मन्त्री नियुक्त यायेत्यःगु दु।

जेनजी तयेगु प्रतिनिधित्व दुथ्याइगु कथं प्यम्ह मन्त्री गणपतिलाल श्रेष्ठ, बब्लु गुप्ता, रामजी राम व टासी ल्हाजोम नां वयाच्वंगु दु।

श्रेष्ठयात संस्कृति, पर्यटन नाप नागरिक उड्ययन, गुप्ता युवा नाप खेलकुद मन्त्रालय, रामयात स्वास्थ्य नाप जनसंख्या मन्त्रालय व टासीयात महिला, बालबालिका नाप ज्येष्ठ नागरिक मन्त्रालयया जिम्मेवारी बिइगु तयारी जुयाच्वंगु दु।

राष्ट्रपति रामचन्द्र पौडेलं थ्व हे वइगु चुनाव लगायत विषय थौ विघटित प्रतिनिधिसभाय् प्रतिनिधित्व यानाच्वंगु राजनीतिक दलनाप सहलह याइगु जुगु दु।

वंगु भदौ २३ व २४ गते जुगु जेनजी आन्दोलन लिपा गठन जुगु न्हुगु सरकार गठन व प्रतिनिधिसभाया विघटन जुइ धुका थ्व हे वइगु फागुन २१ गते जुइगु चुनावयात कया राष्ट्रपति पौडेल व दलया नेता तयेगु दथुइ न्हापांगु पटक संवाद जुइ त्यःगु दु।

तोलां थौ प्यद्धः व निसः कुहावंगु दु। लुँ तोलां थौ प्यद्धः व निसः कुहावंया २ लाख ३५ हजार तका न कारोबार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां ६० तका थहावंगु दु। वहः तोलां खुइतका थहावना ३ हजार ८५ तका थ्यःगु दु धका महासङ्घं धाःगु दु।