तीनकुनेय् प्रदर्शनय् मदुम्ह पत्रकार सुरेश रजकया म्हया एक्स–रे याःगु दु। म्हया पोर्टेबल एक्स–रे याना जक पोस्टमार्टम यायेगु धका चिकित्सक तयेगु अडान लिपा एक्स–रे याःगु खः।

त्रिवि शिक्षण अस्पतालय् एक्स–रे यागु इलय् वयागु म्हय् गोली मदुगु धका प्रहरी अधिकृतं धाःगु दु। तर, वयागु म्हय् गोली लागु धका प्रचार जुगुलि चिकित्सक तय्स वयागु खँ सिइके माः धका धासे एक्स–रे याये माःगु अडान तःगु खः।

थाइल्याण्डया औपचारिक भ्रमणय् वनाच्वम्ह प्रधानमन्त्री केपी शर्मा ओली व वयकःया थाइ समकक्षी पे थोङ् थान् शिनावात दथुइ बुधवाः भेटवार्ता जुगु दु।

थाइल्याण्डया सरकारी भवनय् भेटवार्ता स्वया न्ह्यः प्रधानमन्त्री ओली समकक्षी सिनावातं ग्वसालय् लसकुस ज्याझ्वलय् ब्बति कयादीगु दु। थाइल्याण्डया प्रधानमन्त्री निवासय् मैत्रीपूर्ण निमन्त्रणाय् नेपालय् प्रधानमन्त्रीपाखे थाइल्याण्ड औपचारिक भ्रमण यानादीगु दु।

थुगु भ्रमणय् निगु देय् दथुइ सम्बन्ध विस्तार व सहकार्यय् योगदान जुइ अपेक्षा याःगु दु। परराष्ट्र मन्त्रालयया कथं नापलायेगु झ्वलय् संस्कृति व पर्यटन ख्यलय् सहकार्यसम्बन्धी सम्झौता पत्रय् ल्हाःचिं तयादीगु दु। अथेहे निगु देय् दथुइ गैरसरकारी व व्यावसायिक संस्था दथुइ न सहमतिपत्र आदाप्रदान जुगु दु।

गृहमन्त्री रमेश लेखकं आम सञ्चार माध्यम व पत्रकार तयेत निसाना दयकूपिन्त कारबाही यायेगु धका धयादीगु दु।

१५ गते राजावादीया आन्दोलनय् मिडियाये निसाना दयकूलि ध्यानाकर्षण पौ ब्युवपि नेपाल पत्रकार महासंघया पुचःयात गृहमन्त्री लेखकं अथे धयादीगु खः। सोमवाः महासचिव रामप्रसाद दाहाल नाप महासंघया पचःयात घटनाया सत्यतथ्य छानबिन याना माःगु कारबाही यायेमाः धका गृहमन्त्री लेखकयात ध्यानाकर्षण र्पा लःल्हागु खः।

हिंसात्मक प्रदर्शनयासे सञ्चारकःमि च्वना च्वःगु छेँय् मिँ तया ब्यूगु, नाप संचार गृह व सञ्चारकर्मी तयेत निसाना याःगु विषय सरकारं सत्यतथ्य छानबिन याना घटनाय् दोषीयात कारबाही यायेगु गृहमन्त्री लेखकं धयादीगु खः।

अथेहे उगु घटनाय् मदुम्ह पत्रकार सुरेश रजक व मेमेपि घाःपाः जूपि पत्रकारपिनिगु विषय न सरकार गम्भीर जुगु व उगु विषय छु यायेफइ धइगुलि सरकारं पलाः ल्ह्वनेगु जुइ धका धयादीगु खः।

प्रधानमन्त्री केपी शर्मा ओलीं तीनकुन घटनाय् मदुम्ह पत्रकार सुरेश रजकया परिवारयात नापलागु दु। म्हिगः सोमवाः बालुवाटारय् नापलायेगु झ्वलय् प्रधानमन्त्री ओलीं उगु घटना जुगुलि दुःख प्वकादीगु दु।

उगु घटनाय् छानबिन याना दोषीयात कडा कारबाही यायेगु धका धयादीगु दु। प्रधानमन्त्री ओलीं सुरेशया दाहसंस्कार यायेत वया परिवारयात इनाप यानादीसे सुरेशया जहानयात रोजगारीया व्यवस्था मिले याना बिइ धका धयादगिु दु।

प्रतिनिधिसभा दुजः नापं राष्ट्रिय प्रजातन्त्र पार्टीया नेता दीपक बोहरा ७६ दँय् मन्त। ओम अस्पतालय् उपचारया यायेगु झ्वलय् वय्कः थौं मदुगु धका राप्रपा प्रवक्ता मोहन श्रेष्ठं धयादिगु दु।

रुपन्देही क्षेत्र न ३ पाखें प्रतिनिधिसभाय् निर्वाचित वय्कः वंगु स्वदंनिसें थी थी स्वास्थ्य समस्यां पीडित जुया च्वनादीम्ह खः।