इजरायलनाप युद्धविराम सहमति जुइवं हमासं लडाकुतय्त त्वतिइगु निति २० म्ह युद्धवन्दीया नां सार्वजनिक याःगु दु।

तर उगु नां पिथंगुलि नेपाःया विपिन जोशीया नां दुथ्याःगु मदु।इजरायलया निति नेपाःया राजदूत धनप्रसाद पण्डितं इजरायलं त्वःतिइगु धलय् विपिनया नां मदुगु २० म्ह जीवित व्यक्तिपि  इजरायली नागरिक खः धका धाःगु दु।

इजरायलया किवुत्ज शहरपाखे हमासं कब्जा याःगुलि विपिन गज्यागु अवस्थाय् दु धका आःतक स्पष्ट जुगु मदुनि।सन् २०२३ नोभेम्बर १७ य् विपिन गाजा क्षेत्रया अल शिफा अस्पतालय् खने दुगु खःसा वया लिपा खनेदुगु मदुनि।

टोखा नगरपालिकाया फुक्क त्वालय् नागरिक सुरक्षा समूह नीस्वनेत्यंगुु दु। नगरप्रमुख प्रकाश अधिकारीया संयोजकत्वय् बुधबाः च्वंगु नगरक्षेत्रया शान्तिसुरक्षा सम्बन्धी बैठकं थःगु त्वाः व त्वालय् सुरक्षा, सार्वजनिक सम्पत्तिया संरक्षणया निंतिं प्रहरीनाप समन्वय व मंकाः ज्याया निंतिं त्वालय् नागरिक सुरक्षा समूह नीस्वनेत वडा ज्याकुथिपाखें त्वालय् च्वपिन्त इनाप याःगु दु।

बैठकं टोखा दुने छेँखापतिकं छेँ थुवा नं थःगु छेँय् बालं च्वनाः च्वंपिनिगु म्हसिका सिइके फइगु भ्वं दुथ्याकेगु व बालं च्वनाः च्वंम्हेसिया छुं शङ्का जुल धाःसा सुरक्षा निकाययात सुचं बिइगु निर्णय नापं याःगु दु। अथे हे स्थिति सामान्य मजूतले मदयेकं मगाःगु ज्याय् बाहेकं बहनी ९ ताः ई लिपा छेँनं पिहां मवनेत, थःथःगु व्यापार व्यवसाय नं बहनी ९ ताः ई दुने बन्द यायेत नापं इनाप यायेगु निर्णय बैठकं याःगु दु।

टोखा दुने न्हापांनिसें दूगु प्रहरी ज्याकुथियात न्हापाया हे अवस्थाय् सञ्चालन यायेत नेपाल सरकारनाप इनाप यायेगु, नगरपालिका दुने छ्यलाबुलाय् वये मफयेधुंकूगु सतकया मत, सिसी क्यामेरालिसेंया सुरक्षा सम्बन्धी उपकरणयात भिंकाः याकनं छ्यलाबुलाय् हयेगु नापं बैठकय् निर्णय जूगु दु।

माइतीघरय् प्रदर्शनयापिन्त प्रहरी आःतक १४ म्हेसित ज्वने धुकुगु दु।प्रहरीं डा. निकोलस भुसाल, सञ्जिव दाहालनाप १४ म्हेसित प्रहरीं ज्वने धुकुगु दु।

जल्ला प्रशासन कार्यालय येँ सुयात न प्रदर्शन यायेगु निति अनुमति मबिउगु निति उमित ज्वंगु खः।जेन–जीया थीथी पुचलं माइतीघरय् प्रदर्शन यायेगु धका उपि वंगु खः।

आः प्रहरीं माइतीघर न्हुगु बानेश्वरय् सुरक्षा व्यवस्था कडा याःगु दु।

माइतीघरय् प्रदर्शन यायेत स्वःगु द्धपनय् प्रहरीं निम्हेसित ज्वंगु दु।प्रहरी डा. निकोलस भुसाल व एसपी साहयात ज्वंगु खः।व स्वया न्ह्यः प्रहरीं सञ्जि दाहालयात न ज्वंगु खः।

जिल्ला प्रशासन कार्यालय येँ सुयात न प्रदर्शन यायेगु निति अनुमति मबिउगु निति उमित ज्वंगु खः।जेन–जीया थीथी पुचलं माइतीघरय् प्रदर्शन यायेगु धका उपि वंगु खः।

आः प्रहरीं माइतीघर न्हुगु बानेश्वरय् सुरक्षा व्यवस्था कडा याःगु दु।

शेयर बजाः थौ न कुहावःगु दु। शेयर बजाः परिसूचक नेप्से थौं ४५ दशमलव ३६ ल्याखं कुहावया २ हजार ५ सय ५९ दशमलव ५९ विन्दुइ थ्यःगु दु।मोहनि लिपा कारोबार जुगुलि नेप्से ५८ ल्याखं कुहावःगु दु।

निन्हु लिपा हे नेप्से १ सय ३ ल्याखं कुहावःगु दु।थौ दक्को समूहया शेयर कुहावलि फाइनान्स व होटल समूहया शेयर ३ प्रतिशत व विकास बैंक, जलविद्युत्, लगानी, निर्जीवन बीमा समूहयो शेयर २ प्रतिशत स्वया अप्पो कुहावःगु दु।थौ प्रभु इन्सुरेन्स कम्पनीया शेयर ६ प्रतिशतं कुहावःगु दु।

बजाः तसकं कुहावःसा शाङ्ग्रीला विकास बैंकया डिबेन्चर (२०८७) धाःसा ७ प्रतिशतं थहावंगु दु।थौ नेप्से घटे जुगु दु सा कारोबार रकम धाःसा थहावंगु दु। थौ ३ सय ३५ गु कम्पनीया १ करोड ३७ लाख कित्ता शेयर ५ अर्ब ७६ करोड तका कारोवार जुगु दु।