प्रधानमन्त्री केपी शर्मा ओलीं मन्त्रिपरिषदया आकस्मिक बैठक सःतूगु दु। बैठक प्रधानमन्त्रीयो सरकारीनिवास बालुवाटारय् च्वनेत्यःगु दु।

राजावादी तयेस याःगु प्रदर्शन हिंसात्मक जूया वनेवं प्रधानमन्त्रीं मन्त्रिपरिषदया बैठक सःतूगु खः। तीनकुनेयात केन्द्र दयका प्रदर्शन व सभा यायेगु तयारी यानाच्वपि राजावादी तयस प्रहरीनापा ल्वापू यायेवं हिंसा अप्पोया वःगु खः।

कोटेश्वरया भाटभटेनी सुपरस्टोरय् पार्किङय् तयातःगु गाडीइ तोडफोड याःगु दु। पार्किङ याना तःगु थासय् निजी व सरकारी गाडीय् न्ह्याय्कं तछ्याना ब्यूगु खः।

तीनकुनेय् राजावादी समूहया प्रदर्शन याना च्वपिन्त तितरवितर यायेवं उमिसं कोटेश्वरया भाटभटेनी सुपरस्टोर तक वःगु खः। अन मिइगु निति तयातःगु तरकारी, सपिङ ट्रली लगायतया सामान पिने हया मिँ च्याकाबिइगु नापं भाटभटेनी सुपरस्टोरया भवनय् न्ह्याय्कं तक तछ्याना ब्यूगु खः।

तीनकुने क्षेत्रय् निषेधाज्ञा (कर्फ्यू ) जारी याःगु दु। जिल्ला प्रशासन कार्यालय येँया प्रवक्ता अशोक कुमार भण्डारीं थौ शुक्रवाः न्हिनय् ४ बजे जुया २५ मिनेतं निसे बहनि १० बजे तकया निति उगु थासय् निषेधाज्ञा कफ्र्यू आदेश जारीयाःगु दु धका जानकारी ब्यूगु दु।

तीनकुनय् भेला जूपि पूर्व जुजुया समर्थक व प्रहरी दथुइ ल्वापू जुइवं उगु थासय् कफ्र्यू जारी याःगु खः। स्थितियात नियन्त्रणय् कायेगु निति अश्रुग्यास प्रहार तक याःगु खः।

प्रदर्शनकारी तयस श्री राज भवन व अन दुगु कुमारी बैँकय् तक तोडफोड याःगु खः। तोडफोड लिपा प्रदर्शनकारी तयस उगु भवनय् मिँ तयेगु तक याःगु खः।

विवादित धर्मगुरु आचार्य श्रीनिवास राजावादी समूहया आन्दोलनय् वंगु दु। श्रीनिवास थ्व स्वया न्ह्यः विवादित अभिव्यक्ति ब्यूगु द्धपनय् ज्वंगु खः।

वयात अप्पां कयेकूगु द्धपनय् ज्वंगु खः।अथेहे, तिनकुनें न्हुग बानेश्वरपाखे वयेत स्वयेवं राजावादी समूहनाप प्रहरी छु ई ल्वापू जुगु खः।

येँ महानगरपालिका–८ पाखें बछलेश्वरी जात्राया निंतिं फल्चा व दबू निर्माण याःगु दु। पाशुपत लागाया नांजाःगु जात्रा जुयाः नं थुकिया थःगु हे फल्चा मदुगु खः।

जात्राया व्यवस्थापनयात सहज यायेत फल्चा निर्माण यानागु धकाः वडा अध्यक्ष नापं महानगरपालिकाया सम्पदा नापं पर्यटन समितिया कजि आशामान सङ्गतं जानकारी बियादिल। फल्चालिसें वडा अध्यक्ष सङ्गतं रावण पार्टीया नं उलेज्या यानादिल। फल्चा व दबू निर्माण याःगु थाय् सार्वजनिक जग्गा खः।

पशुपति क्षेत्र विकास कोषं मोही दयेकाः व्यक्तियात उपयोग याकातःगु खः। थथे निजी छ्यलाबुलाय् वयाच्वंगु सार्वजनिक सम्पत्तियात वडां कब्जामुक्त याःगु खः। थुगु थासय् ३७ न्हुं फल्चा व दबू दयेकेगु पूवंकूगु खः।सङ्गतं धयादी, “वडां फल्चा व दबू दयेके धुंकाः जात्रा यायेगु खत, गुठिं मांया मूर्ति स्थापना याकूगु खः, थुकिं लिच्छविकालीन ऐतिहासिक जात्रा नापं सम्पदाया दिगो संरक्षण व उपयोगय् योगदान जुइ।”

थ्व यायेत ३० लख ८६ हजार बजेत तूगु खः। निगू आना जमिनय् दयेकूगु फल्चा निगू तल्ला निर्माण याःगु खः। थुगु थासय् थ्व हे चैत १८ गतेतक बछलेश्वरी, बज्रेश्वरी नापं आकाश भैरव जात्रा याइ। थ्व जात्रा विसं १९३६ स्वयां न्ह्यःनिसें न्ह्यानावयाच्वंगु धाइ।

रावण लङ्का फल्चा १६ गूगु शताब्दीया संरचना धकाः धायेगु याः। फल्चा १९९० व २०७२ सालया भुखाचं जीर्ण जूगु खः। स्वगू तल्लाया फल्चा ४४ न्हुं निर्माण पूवंकूगु खः।