Display Style:
Column Style
च्वापुफय्या शुभमुहर्त
नृपेन्द्रलाल श्रेष्ठ | गुंलाथ्व एकादशी ११३७ (अगष्ट ३ २०१७)
येँ महानगरपालिकाया मेयर बिद्यासुन्दर शाक्यं नैक्या तछ््याना ऐतिहासिक संकिपा च्वापुफय्या शुभमुहर्त यानादिगु दु ।उगु ज्याझ्वः येँया लगं त्वालय् जुगु दु ।
महाजु फाउण्डेशनं निर्माण याइगु थुगु संकिपाया बारे फाउण्डेशनया नायः ओमचरण अमात्यं संकिपाः मूलत नेपालभाषां दयेकेगु व अनं लिपा खँय् भाय्, अँगे्रजी भाय् व चिनिया भाय् याना मुक्कं प्यंगु भाषं दयेकेगु धयादिल ।
थुगु संकिपापाखें न्हूपुष्टायात थनि निसःदँ न्ह्यवःया नेवाः समाजया सामाजीक, सांस्कृति, व राजनितिक घट्ना सिइकेत ग्वहाली जुइ धयादिल । थुगु संकिपा जि वया ला लच्छि मदुनि धैगु लोकंह्वाःगु म्येया लिधंसा कया दयेकेत्यना खः धकाः ग्वसाः खलकं जानकारी ब्यूगु दु ।
उगु शुभमुहर्त ज्याझ्वलय् नेवाः न्ह्यलुवा मल्ल के सुन्दर, नरेन्द्र हाडा, नेपालमण्डल टेलिभिजनया कार्यकारी निर्देशक भाईकाजि महर्जन लगायत थीथी ब्यत्तित्वत पाहां कथं झायादिगु खः ।
थुगु संकिपाया निर्देशन प्रदिप खड्गीं यानादित्यंगु दु ।
अथेहे थुगु संकिपाय् सुरज ब्यञ्जनकार, निक्की मर्हजन, सनिस शाक्य, रुपेन श्रेष्ठ, लगायत थीथी कलाकारतय्गु अभिनय स्वये दइगु जुगु दु । थुगु संकिपाया बच्छि ब्वः स्वनिग लगायत थीथी थासय् व अले ल्यं दनिगु बच्छि ब्वः च्वापुं जाःगु उच्च हिमाली लागा मनाङ्ग, मुस्ताङग व तिब्बतया ल्हासाय् पूवंकेगु आज्जु तःगु दु ।
काजोलं क्षत्रिय संकिपा म्हितिइगु
लहनान्युज | गुंलाथ्व अष्टमी ११३७ (जुलाई ३१ २०१७)
९० दशकया चर्चित म्ह हिरोइन काजोलं आः क्षत्रिय संकिपा नं म्हितिग जुगु दु ।
तमिल भाषाया संकियालय् धनुसनाप याकन हे खने देत्यगु दु । छगु इलय् काजोलं थःम्ह मेगु भाषाया सकिपा मम्हिति गु घोषणा यागु खः ।बलिउडया चर्चित हिरो अजय देवगण नाप इहिपा लिपा संकिपा ख्यलं तापाःगु खः ।
काजोल ९० दशकय् तंसक चर्चितम्ह कलाकार खः । उगु इलय् ‘दिलवाले दुल्हनिया ले जायेंगे’, ‘कुछ कुछ होता हे’ व ‘बाजीगर’ थे जाःगु सुपरहित संकिपा म्हितुगु खः ।
काजोलं भाषाया समस्याया कारणं थःम्ह मे मेगु भाषाया संकिपा मम्हितिगु निर्णय यानागु धकाः धागु खः ।
रेजिना न्हापांम्ह ‘मिसेस् नेवाः २०१७’
नृपेन्द्रलाल श्रेष्ठ | दिल्लागा चतुर्दशी ११३७ (जुलाई २२ २०१७)
नेपालय् ब्यूटी प्याजेण्टया इतिहास स्वय्गु खःसा उलि पुलां मजूनि । थ्वया दथुइ मिस नेपालया नापनापं नेपाःया थीथी जातिदुने नं थुकथंया ब्यूटी प्याजेण्टया धेंधेंबल्ला जुयाच्वयाच्वंगु खनेदु । अझ जाति दुने जक मखु, क्षेत्र, थीथी पेशागतकथं नं थजाःगु कासा जुयावयाच्वंगु दु ।
थ्वहे झ्वलय् मिस नेवाः न्ह्याय्धुंकाः थुकथंया थीथी विधाय् धेंधेंबल्ला याय्गु कासा न्ह्याःगु खःसा वंगु शुक्रवाः नेवाः ख्यलय् ‘मिसेस् नेवाः २०१७’ जुल ।
नेपालभाषा ख्यलय् दक्कलय् न्हापांगु ज्याझ्वःकथं जूगु ‘मिसेस् नेवाःया उपाधि रेजिना शाक्यं त्याकादीगु दु । येँया राष्ट्रिय नाचघरय् जूगु उगु ज्याझ्वलय् ल्यू ग्रीष्मा तुलाधर व लियांल्यू सरीता नेम्कुल प्रधान जुयादीगु दु ।
उगु कासाय् थीथी विधा मध्ये बेस्ट स्माईल शिला पुजारी, बेस्ट नेपालभाषा गंगा महर्जन अवाले, बेस्ट हेयर सरिता नेमकुल प्रधान, बेस्ट क्याटवाक एलिसा शाक्य, फोटोजेनिक रमिता बज्राचार्य, कल्चरल एम्बेसडर मुदिता तुलाधर, बेस्ट फिजिक इन्दिरा महर्जन, बेस्ट ट्यालेन्ट सम्झना थुसा, बेस्ट पर्सनेलिटि नानीछोरी महर्जन (नेन्सी), पिपल्स च्वाईस अर्वाड सरिता महर्जन व बेस्ट फ्रेण्डशीप ग्रीष्मा तुलाधर जुयादीगु खः ।
ईहिपाः जुइधुंकूपिं मय्जुपिं दथुइ बांलाःम्ह मय्जुकथं ल्यःगु उगु ज्याझ्वलय् मुक्कं १४म्ह मय्जुपिन्सं ब्वति कयादीगु खःसा सिरपाः त्याकादीपिं नापं ब्वति कयादीपिं मय्जुपिन्त ख्यालि जुजु मदनकृष्ण श्रेष्ठं ताजनापं दसिपौ लःल्हानादीगु खः ।
म्हसिका एजुकेशन एण्ड इन्टरटेन्मेन्टया व्यवस्थापनय् के.टि.एम मिडिया इभेन्टस् ग्वसालय् जूगु न्हापांगु मिसेस् नेवाः धेंधेंबल्लाया निर्णायक मण्डलय् प्रेमलाल महर्जन, दीपक तुलाधर, डा. चुन्दा बज्राचार्य, प्रदीप खड्गी, सुरेश प्रधान, डा. अन्जान शाक्य व दर्शनवीर शाक्य च्वनादीगु खः ।
ज्याझ्वलय् राजेश मर्हजन, सानुबाबु मर्हजन, सुरजबीर बज्राचार्य, सुरज ब्यञ्जनकारं म्ये हालादीगु खःसा सजेना चित्रकार चित्रकार, प्रलिसा शाक्य, स्वजन रधुवंशी आदि कलाकारपिन्सं हुलाप्याखं न्ह्यब्वयादीगु खः ।
तजिलजिया विकासया लँपुइ एम्बियन्स रेष्टुरेन्ट
लहनान्यूज | दिल्लागा षष्ठी ११३७ (जुलाई १५ २०१७)
स्थानीय तजिलजिया संरक्षण यासें यलया पर्यटन प्रवद्र्धन तिबः बीगु आज्जु लिसें यलया पूच्वय् एम्बिएन्स ३६५ रेष्टुरेन्ट हाकनं न्ह्याःगु दु ।
यलया दशक स्वयां पुलांगु इतिहास कुबियाच्वंगु एम्बिएन्स रेष्टुरेन्टयात न्हूगु व्यवस्थापनलिसें एम्बिएन्स ३६५ रेष्टुरेन्ट नामं हाकनं न्ह्याकूगु खः ।
ल्यायम्ह पुस्ता दथुइ तसकं लोकं व्हाःम्ह म्येहालामि दिपक बज्राचार्यया तःजिगु सांगितिक ज्याझ्वःलिसें थौं रेष्टुरेन्टया उलेज्या याःगु खः ।
स्थानीय तजिलजिलिसे सम्बन्धित थीथी दृश्य ज्वलंया स्क्रीनिङ नं यासें विदेशी पर्यटकया लिसें स्थानीय ल्यायम्ह पुस्ता दथुइ तकं तजिलजिया प्रचार प्रसार यानावनेगु रेष्टुरेन्टया व्यवस्थापक केशव महर्जनं धयादिल ।
रेष्टुरेन्टया थुगु योजनां तजिलजि संरक्षणय् तिबः जुइगुया लिसें पर्यटन प्रवद्र्धन तकं ग्वाहालि जुइगु व्यवस्थापक महर्जनया धापू खः ।
रेष्टुरेन्टया आज्जु व्यापार व्यवसाय जक मखसे, स्थानीय विकास निर्माणय् नं ग्वाहालि यायेगु महर्जनं लहनान्यूजयात कनादिल । स्थानीय जनप्रतिनिधि, संघसंस्थालिसे नं समन्वय यासें स्थानीय विकास निर्माण ग्वाहालि यानावनेगु महर्जनं धयादिल ।
प्रत्येक शुक्रवाः व शनिवाः थीथी सांगीतिक पुचःया म्यूजिक कन्सर्ट यानाः वनेगु ग्वसाः दुगु जानकारी नं ब्यूगु दु ।
टेलिसिरियल ‘लक्ष्मीपूजा’या शुभ–मुहुर्त जुल ।
लहनान्युज। | दिल्लाथ्व चतुर्दशी ११३७ (जुलाई ८ २०१७)
‘लक्ष्मीपूजा’ नेपाली टेलिसिरियलया शुभ–मुहूर्त जूगु दु । क्रियसन अडियोे भिडियो सर्भिस व भिज्युअल उपकरण सर्भिसया ग्वसालय् जुगु उगु ज्याझ्वलय् मेघा टेलिभिजनया प्रमुख बद्री पोखरेल मूपाहांकथं झायादीगु खः ।
उगु शुभ मुहूर्त ज्याझ्वलय् टेलिचलचित्रया निर्देशक रवि राजोपाध्यायं क्यामेरा पूजा यानादीगु नापं निर्देशक पवन जोशीं नैक्याः तछ्यानादीगु खःसा बरिष्ठ सिनेपत्रकार विजयरत्न असंबरें क्लाय्प बियादीगु खः । अथेहे राजेश शाक्यं ‘क्यामरा अन’ यानादीगु खः ।
कानुनी सल्लाहकार नरेन्द्र केसीया सभापतित्वय् जूगुु उगु ज्याझ्वलय् टेलिचलचित्र लक्ष्मीपूजाया निर्माण पक्षया खँ टेलिचलचित्र निर्देशक रवि राजोपाध्यायं तयादीगु खःसा बरिष्ठ सिने पत्रकार विजयरत्न असंबरे, ‘लहना’या व्यवस्थापक सुरेन्द्रभक्त श्रेष्ठ, कलाकार नन्दा बस्यालपिं पाहांकथं झायादीगु खः । ज्याझ्वलय् उपस्थित जुयादीपिं सकलसित सर्भिस प्रा.लि.या नायः सविन राजोपाध्यायं लसकुस यानादीगु खः ।
ज्याझ्वः भाषाह्यःमि आर.के. निर्मलं न्ह्याकादीगु खः ।
