Display Style:
Column Style
न्हापांगु मिस नेवाः पूर्वान्चल थौं
लहनान्यूज | तछलागा पारु ११३७ (जुन १० २०१७)
न्हापांगु मिसा नेवाः पूर्वान्चल थौं नेपाःया पूर्वी जिल्ला झापाय् जुइत्यंगु दु ।
नेवाः देय् दबू झापा जिल्लाया ग्वसालय् जुइत्यंगु सौन्दर्य कासाय् मुक्कं २९म्ह प्रतिस्पर्धिपिनिगु दथुइ धेंधें बल्लाः जुइत्यंगु दु ।
कासाय् मुक्कं ४५ सहभागी दथुइ २९ फाइनल राउन्डया लागिं ल्यःगु खः । कासाय् नेपाःया पूर्वी जिल्ला सुनसरी, इलाम, मोरङ, झापा लिसेंया जिल्लांपाखें ब्वति दु ।
आपाःथे कासामिपिन्सं बांलाक नेवाः भाय् ल्हाये मसःगु खःसां कासाय् म्हसिका राउन्डय् कासामिपिन्सं थःगु म्हसिका धाःसा नेवाः भासं हे बीगु जूगु दु ।
थौंया मू ज्याझ्वःया मू पाहां कथं नेवाः मिसा दबूया नायः रश्मिला प्रजापतियात ब्वनातःगु दुसा ज्याझ्वःया नितिं नायः प्रजापति झापाय् थ्यने नं धुंकूगु दु ।
स्वक्वःगु पेजथ्री अवार्ड जुइगु जुल
लहनान्यूज | तछलाथ्व पुन्हि ११३७ (जुन ९ २०१७)
स्वक्वःगु पेज थ्री पिपल्स च्वाइस अवार्ड वइगु ऋषिपंचमिया दिनस जुइगु जूगु दु ।
थौं ई ल्वहं प्रकाशनपाखें येँय् जूगु नःलि लयपौया १०० ल्याः व पेजथ्री पिपल्स च्वाइस अवार्डया घोषणा ज्याझ्वलय् पेजथ्री बाःछिपौया सम्पादक व मू व्यवस्थापक दर्शनवीर शाक्यं ने.सं. ११३३ किजा पुजाया दिंनिसें ने.सं. ११३७ तछलागा आमै तक्क पिदंगु संकिपा, म्युजिक भिडियो व म्ये अवार्डया नितिं दुथ्याइगु धयादिल
निश्चित दुतिना ल्हापं पुलाः फारम जायेकाः अवार्डया नितिं प्याखं, एल्बमलिसें छपु म्ये वा छपु म्युजिक भिडियो तकं अवार्डया नितिं दुथ्याके फइगु मू व्यवस्थापक शाक्यं धयादिल ।
अवार्ड ज्याझ्वलय् पेजथ्री पिपल्स च्वइस संकिपा अवार्ड दुने उत्कृष्ट संकिपा, उत्कृष्ट निर्देशक, उत्कृष्ट मिसा कलाकार, मिजं कलाकारलिसें मुक्कं १८ विधाय् अवार्ड बीगु जूगु दु ।
पेजथ्री पिपल्स च्वइस म्यु्जिक भिडियो अवार्डय् उत्कृष्ट म्यूजिक भिडियो, निर्देशक, क्यामेरा पर्सन, भिज्युअल एडिटर, मिसा मोडल, मिजं मोडल लिसें न्हयगू विधाय् अवार्ड बीत्यंगु दु ।
पेजथ्री पिपल्स च्वइस संगीत अवार्डय् धाःसा उत्कृष्ट मिसा सः, मिजं सः, संगीतकार, उत्कृष्ट म्येचाःलिसें मुक्कं च्यागू विधाय् अवार्ड लःल्हायेत्यंगु दु ।
अवार्ड ज्याझ्वलय् नेवाः कला ख्यलय् निरन्तर योगदान बिया वयाच्वंम्ह छम्ह कलाकारयात पेजथ्री लाइफटाइम एचिभमेन्ट अवार्ड नं बीगु जूगु दु । लाइफटाइम एचिभमेन्ट अवार्डया घोषणा धाःसा अवार्ड ज्याझ्वलय् जक याइगु जूगु दु ।
ई ल्वहंपाखें छात्रवृत्ति नं लःल्हात
अवार्ड घोषणा स्वयां न्ह्यः उगु हे ज्याझ्वलय् नःलि साहित्य लयपौया १०० ल्याःया ज्याझ्वः नं जूगु खः ।
ज्याझ्वलय् ईल्वहं प्रकाशनया प्रवन्ध निर्देशक नरेशवीर शाक्यं नःलिया १०० ल्याःतक्कया विस्तृत जानकारी बियादिल ।
लिसें ज्याझ्वलय् नेपालभाषा कयाः उत्कृष्ट जूपिं विद्यार्थीपिनिगु नितिं निगू ब्वनेकुथियात ईल्वहंपाखें छात्रवृत्ति नं लःल्हाःगु खः ।
ईल्वहंपाखें मातृभाषा व शिक्षा अभियानकथं नेवाः ईंग्लिस स्कुल थेच्वया ४ व ५ तगिमय् नेपालभासा बिषयलय् उत्कृष्ट जूपिं निम्हेसित ६द्वः, ६द्वः तका लःल्हाःगु खः ।
दाता दानशोभा तुलाधरं थः अबु करुणारत्न तुलाधरया नामं स्वनातःगु १०द्वः तकाया करुणा सिरपाः ईल्वहंपाखें ५द्वः तका यानाः १५द्वः तका हलिं नेवाः स्कुलया आर्थिक स्थिति कमजोर विद्यार्थीपिनिगु नितिं लःल्हाःगु खः ।
उगु हे ज्याझ्वलय् ई ल्वहं प्रकाशनय् १०दँ न्ह्यःनिसें आवद्ध जुयाः ग्वाहालि याना वयाच्वंगु धकाः पेजथ्री पत्रिकाया रविन्द्र शाक्ययात हंगु नं खः । पेजथ्रीया संस्थापक रोजन शाक्य, अर्विन्द्र मान सिंह व दर्शनवीर शाक्यं सम्मानित शाक्ययात खादां न्ययेकाः हनापौ लःल्हानादिल ।
गीतकार कुसुम मन्त
लहनान्यूज | तछलाथ्व सप्तमि ११३७ (जुन १ २०१७)
नांजाःम्ह गीतकार कुसुम गजमेर मन्त ।
७२दँया गजमेर भारतया मुम्बइलय् मदुगु खः ।
वयकःयात ताः ई न्ह्यः निसें स्येँया समस्यां कयाच्वंगु दुगु खः । स्येँया हे समस्याय् वयकःयात वासः नं यानाच्वंगु दुगु खः ।
वयकलं कुसुमे रुमाल, लाहुरे, बाँसुरी, अन्याय, चिनो, दर्पण छायाँ लिसें आपालं फिल्मया नितिं म्ये च्वयादीगु दु । नेपाली संकिपा संगीत ख्यलय् वयकलं च्वयादीगु के सोचें मैले, रेलै खोला बगर, मोहनी लाग्ला है, माया के होला लिसें यक्व हे म्येत लोकं व्हाः ।
मदुम्ह कुसुम गजमेर नांजाःम्ह संगीतकार रणजित गजमेरया जहान खःसा निर्देशक तुलसी घिमिरेया ससःमां खः ।
वयकःया निम्ह म्ह्याय् व छम्ह काय् दी ।
पुल पार्टि ज्याझ्वः क्वचाल
नृपेन्द्रलाल श्रेष्ठ | तछलाथ्व द्वितीया ११३७ (मे २७ २०१७)
इन्टरनेशनल क्लबय् तःजिक पुल पार्टी क्वचाःगु दु ।
नांजाःपि मोडल समिया, शुभेच्छा थापा व आराध्यलक्ष्मी खड्गीलिसें झिंप्यम्ह मिसा मोडल व प्यम्ह मिजं मोडलतय्गु ब्वति दुगु खः ।
जस्मिन गुरुङ्गं कोरियाग्राफ याःगु ज्याझ्वलय् ड्रेस डिजाइन पेज थ्री बुटिकं याःगु खः ।
नेवाः कलाकार फुटसलया तयारी तच्वयाच्वन
लहनान्यूज | बछलागा पंचमी ११३७ (मे १६ २०१७)
सुखावति मल्टि प्रोडक्सनया ग्वसालय् जुइत्यंगु नेवाः कलाकार मैत्रीपूर्ण फुटसल कासाय् कलिउडया नांजाःम्ह हिरो धीरेन शाक्य व नांजाःम्ह द्वन्द निर्देशक राजेन्द्र खड्गी नं म्हितः वइगु जूगु दु ।
कासाया नितिं आःतक्क च्यागू टिमया च्याम्ह क्याप्टेन क्वःजी धुंकूगु दु । मुक्कं च्यागू टिमयात टिम ए व टिम बी कथं निगू पुचलय् ब्वथलाः हरेक टिमया क्याप्टेन क्वःछ्यूगु खः ।
टिम ए दुनेया टिमतयगु क्याप्टेनय् नांजाःम्ह द्वन्द निर्देशक राजेन्द्र खड्गीलिसें मेमेगु टिमय् हिरोइन आशिष्मा नकःमि, फोटोग्राफर राजभाइ सुवाल व म्येहालामि जुनु श्रेष्ठ ल्यःगु दु ।
अथे हे टिम बी दुनेया प्यंगू पुचः मध्ये छगुलिइ धीरेन शाक्य व मेमेगु पुचलय् कलाकार भिन्तुना जोशी, विनोद श्रेष्ठ, हिसिला महर्जनयात क्याप्टेन ल्यःगु दु ।
प्रत्येक टिमय् अतिरिक्त कासामिलिसें १०म्ह कासामि दइ । व कथं नेवाः कलाकारतयगु थुगु मैत्रीपूर्ण फुटबल कासाय् ८०म्ह कासामिपिनिगु ब्वति दइगु जूगु दु।
कासाया नितिं दुतिना ल्हापं कथं छम्ह कासामियाके ७०० तका कायेत्यनागु ग्वसाः खलकं न्ह्यथंगु दु । कासा धुंकाः जुइगु डिनरया नितिं जक थुगु धेबा कायेत्यनागु फुटसल कजि भोगेन्द्र मानन्धरं जानकारी बियादिल ।
उकिया लिसें कासाया झ्वलय् जुस व लन्च धाःसा ग्वसाः खलःपाखें हे बीगु नं धाःगु दु । कासा थ्व हे वइगु ज्येष्ठ २० गते येँया पक्नाज्वःया कुमारी फुटसलय् जुइत्यंगु दु ।
