सुन्दर श्रेष्ठं च्वयादीगु “नुगलय् दुने सुचुके धुन“ म्येया म्युजिक भिडियो छगु ज्याझ्वः दथुइ पितब्वज्या जूगु दु।

नेवाः साधना कला केन्द्रपाखें ग्वसाः ग्वगु उगु छगू ज्याझ्वलय् संस्था पाखें दयेकूगु नुगः दुने सुचुके धुनया म्यूजिक भिडियो छगू ज्याझ्वःया दथुइ मूपाहाँ लोकह्वाम्ह निर्देशक पवन जोशीया ल्हातं पितब्वज्या जुगु दु।

गोविन्द ह्यूमत व दिपा महर्जनं हालादीगु उगु म्ये बागमति भाइ सुन्दर श्रेष्ठं च्वयादीगु खःसा गोविन्द ह्यूमतं लय् तयादीगुलि भुपेन्द्र बज्राचार्यं आरेन्ज यानादीगु खः। सुरज नापित व लीला जोशीपिन्सं अभिनय यानादीगुलि समाः मीरा डंगोल अले क्यामरा व सम्पादन सोहन मानन्धरं यानादीगु खः।

नेवाः साधना कला केन्द्रया नायः सुन्दर मान श्रेष्ठया सभाध्यक्षताय् जुगुलि मूपाहां जोशी व पाहांपिं विजय रत्न असंबरे व पौभाः सायमिपि झायादीगु खःसा मिनर्वा श्रेष्ठं लसकुस यानादीगु खः।

नेपाःया दकलय् न्हापांगु संकिपा ‘आमा’ संकिपाय् मां जुयाः म्हितादीम्ह चैत्यदेवी सिंह व संकिपा ख्यःया न्ह्यलुवाः पत्रकार विजयरत्न तुलाधर असंबरे लगायत स्वंगू दर्जन कलाकःमि, कासामि व उद्यमि, समाजसेवीपिन्त ‘लालीगुराँस सम्मान २०८१’ देछाउगु दु।

लालीगुराँस कृयसन मिडिया नेपाल, तेजस्वी कला केन्द्र एण्ड मिडियाया मंकाः ग्वसालय् जूगु उगु ज्याझ्वलय् सञ्चार लिसे सूचना प्रविधिमन्त्री पृथ्बी सुब्बा गुरुङ मूपाहाँ कथं झायादीगु खः। उगु ज्याझ्वलय् नेपाःया संकिपा, संगीत, खेलकुद, पत्रकारिता, ब्युटीसियन, समाजसेवी व थीथी क्षेत्रय् कार्यरत व्यक्तित्वपिन्त सम्मान याःगु खः। ज्याझ्वलय् थीथी क्षेत्रय् ज्वःमदुगु योगदान यानादीपिन्त सम्मान याःगु खः।

उगु ज्याझ्वलय् किर्तीमानी धावक एथ्लेटीस बैकुण्ठ मानन्धर, नेपाःया न्हापांगु संकिपा ‘आमा’ या नापनापं न्हापांगु रंगीन संकिपा ‘कुमारी’ म्हितादीम्ह चैत्यदेवी सिंह, चलचित्र क्षेत्रया अग्रज नायक विश्व बस्नेत, नेपाःया लोक सम्राट कुमार बस्नेत, नेपाःया न्हांपाम्ह ड्रमर देव राणापिन्त विशिष्ट सम्मान लःल्हाःगु खःसा पुलांम्ह अभिनेता व निर्देशक कमल कान्त मैनाली, वरिष्ठ संगीतकार लक्ष्मण शेष, गायक रोज मोक्तान, गायक व अभिनेता यस कुमार, वरिष्ठ मेकअप आर्टिष्ट सन्तु तामाङ, अग्रज पत्रकार बिजय रत्न तुलाधर असंबरेपिन्त विशेष सम्मान देछाःगु खः।

अथेहेतुं वरिष्ठ सिनेकःमि निर्देशक राजु केसी, अग्रज पत्रकार सानु काजी श्रेष्ठ, मोडेल सम्झना बुढाथोकी, हाँस्य कलाकार गायक राजन चौलागाइ खैराते, कलाकार प्रताप हुमागाई, युवा पत्रकार कुबेर गिरी, संगीतकार राजन राज शिवाकोटी, युवा गायिका अस्मिता अधिकारी, गायिका पूर्णकला बिसि, नव मोडेल आयुश्मा कार्की, गायक आयुस परियार, संगीतकार मदन परियार सुफ्फिक्स, सेक्साफोनिष्ट शिवराज गौतम, तेक्वाण्डो कासामि नन्दा बस्याल, भलिबल कासामि व कोच दिपक थापा, कराते कासामि ज्ञानेन्द्र कुमार श्रेष्ठ, वरिष्ठ मेकअप आर्टिष्ट अशोक रोक्का, सिनियर कस्माटोलोजिष्ट मन्दिरा खड्का हायु, युवा व्यवसायी  समाज सेवी सन्दिप महत लगायत पिन्त नं सम्मान देछाःगु खः।

लालीगुराँस कृयसन मिडिया नेपालया नायः ईन्द्र बिसुन्के बिन्दासया सभाध्याक्षताय् जूगु उगु ज्याझ्वलय् तेजस्वी कला केन्द्र एण्ड मिडियाया अध्यक्ष व ज्याझ्वःया निर्देशक सुमन कुमार श्रेष्ठं लसकुस नुगःखँ तयादीगु खः। मूपाहाँ सञ्चार व सूचना प्रविधि मन्त्री पृथ्वी सुब्बा गुरुङं राष्ट्रं यायेमाःगु ज्या स्वंगू संस्था जाना याःगु खँयात च्वछायेबहःगु खँ धकाः कयादिल । ज्याझ्वः ओजस्वी मल्टिमिडियाया नायः व ज्याझ्वःया कजि अनिल सुनामं न्ह्याकादीगु खः।

शर्तनापं टिकटक चाय्केगु बिइगु नेपाल सरकार (मन्त्रिपरिषद्) या निर्णय जूगु दु धका सञ्चारमन्त्री नाप सरकारया प्रवक्ता पृथ्बी सुब्बा गुरुङ्गं जानकारी बियादीगु दु।

दक्को सामाजिक सञ्जालयात समान व्यवहार यायेत व माःगु नियम, कानुन दयकेत वंगु साउन २४ गते सञ्चारमन्त्री, सचिव व नेपाल दूरसञ्चार प्राधिकरणया अधिकारीपि नाप सहलह यायेत प्रधानमन्त्री केपी शर्मा ओलीं निर्देशन ब्यूगु खः।

उगु हे निर्देशन कथं सञ्चार मन्त्रालयं प्रस्ताव तयार याःगु खः।

बलिवुडया संकिपा स्त्री–२ न भारतीय बक्स अफिसय् बालाक्क कमे याउगु दु। उगु संकिपा रिलिज न्यान्हु कुन्हु हे ३८ करोड ४० लाख कमे याःगु दु।संकिपा विश्लेषक तरण आदर्शया कथं थुगु संकिपा न आःतक २४२ करोड ४० लाख कमे याये धुकुगु दु।

संकिपा पिहावःगु न्हापागु दिं हे ५५ करोड ४० लाख कमे याःगु खः। अथेहे पेड रिभ्यु व प्रिमियरपाखे ९.४० करोड कमे याःगु खः सा शुक्रवाः ३५.३० करोड, शनिवाः ४५ करोड ७० लाख व आइतवाः ५८ करोड २० लाख कमे याःगु खः।

करिब ५० करोडया लागतय् दयकूगु उगु संकिपा न्हापागु दिं हे थःपिनिगु लगानी म्होय् धुकुगु दु।थ्व स्वया न्हापागु  स्त्रीं न्हापागु वाःय् ६० करोड ३९ लाख कमे याःगु खःसा स्त्री–२ न न्हापागु दिं व स्वया अप्पो कमे याःगु खः।

अमर कौशिकया निर्देशनय् स्त्री–२ य् श्रद्धा कपूर, राजकुमार राव, पंकज त्रिपाठी, अभिषेक बेनर्जीपिनिगु अभिनय दुगु खः।

भारतीय अभिनेता रजनीकान्तया न्हुगु संकिपा ’वेट्टैयन’ क्यनिइगु निति तिथि घोषणा याःगु दु।

सोमवाः छपाः पोस्टर सार्वजनिक यासे न्हुगु संकिपा प्रदर्शन यायेगु तिथि घोषणा याःगु खः। थुगु संकिपा अक्टोबर १० निसे प्रदर्शन याःगु खः। थुगु संकिपा तमिल, तेलुगु, हिन्दी व कन्नड भाषां पिहावयेत्यःगु खः।

थुगु संकिपा दक्षिण भारतीय अभिनेता सुर्याया संकिपा ’कंगुवा’ नापं पिहावयेत्यःगु खः। टिजे ज्ञानवेलं निर्देशन याःगु थुगु संकिपा ’वेट्टैयन’ य् रजनीकान्त छम्ह पुलिस अधिकारीया भूमिकाय् खनेदइगु जुगु दु।

थुगु संकिपाय् अमिताभ बच्चन, फहद फासिल, राणा दग्गुबाती, मञ्जु वारियर, रितिका सिंह, दुशरा विजयनपिनिगु न मू भूमिकाय् दु। लाइका प्रोडक्सनं दयकूगु थुगु संकिपाय् अनिरूद्ध रविचन्दरया संगीत खः। एसआर कथिरं छायांकन याःगु खःसा फिलोमिन राजं सम्पादन याःगु खः।