मिसेस ग्लोवल नेपाल २०२४ या ताज चितवनया फेसन डिजाइनर सुनिता भुजेलं त्याकादीगु दु । थुगु टाइटललिसें वय्कलं एन.एफ.इ.ए. २०२५ अवार्ड जापान वनेगु इन्ट्री प्याकेज नं त्याकादीगु दु । म्यूजिक सिटी स्टुडियोय् क्वचाःगु थुग कासाय् सुस्मा लामा गुरुङ  फस्ट रनर–अप व रोजी मर्हजन सेकेन्ड रनर–अप जुयादीगु खः । हिमालयन मुभिज प्रोडक्सन हाउसं ग्वसाः ग्वःगु थुगु कासा न्हय्क्वःगु संस्करण खः ।
अन्तर्राष्ट्रिय अवार्ड त्याकादीम्ह सिनीयर फेसन कोरियोग्राफर हिमानी सुब्वां कोरियोग्राफी यानादीगु थुगु ज्याझ्वलय् दर्जनं मल्याक कासामिपिन्सं ब्वति कयादीगु खःसा ३ वाःतक ब्यक्तित्व विकास, वोलिचाली अभ्यास, स्टेज प्रस्तुति, क्याटवाक, फोटोसुट, वौद्धिकता अभिवृद्धि, आत्मविश्वास अभिवृद्धि थें जाःगु थीथी स्यनेज्या जूगु खः । लगायत विषयमा तालिम लिएका थिए । ल्वःवनापुस्से च्वंगु डिजाइनया वसतय् म्हसीका, वस न्ह्यब्वया, उत्कृष्ट झिम्ह, उत्कृष्ट न्याम्हया राउण्डय् न्ह्यसः लिसःया चरण पूवंकाः टाइटल त्याकेतः धेधेबल्ला जूगु खः ।
थुगु कासाय् सुनितां मोस्ट इन्टिलिजेन्ट व बेस्ट ड्रेस टाइटल नं त्याकादीगु खःसा उपबिजेतापिं सुस्मा लामा गुरुङं मोस्ट एट्राक्टिभ व रोजी मर्हजनं मोस्ट कन्फिडेन्ट टाइटल अवार्ड नं त्याकादीगु खः । थुकथं हे मोस्ट ग्रोसफुल सन्जु मगर, मोस्ट इलिगेन्ट व मोस्ट पपुलर सृजना तावा, मोस्ट स्मार्ट मोनिका प्रधान, मोस्ट चार्मिङ रजनी शाही, मोस्ट डिलिजेन्ट लमु शेपा, मोस्ट डाइनामिक पुजा थापा बखती, मोस्ट डेडीकेट पुजा लामा, मोस्ट प्यासोनेट बिमला मगराति, बेस्ट फोटोजेनिक व पब्लिक च्वाइस भिडियो विद्या थापा पोखरेल, वेस्ट पर्सनालिटी सम्झना नेपालीं त्याकादीगु खः ।  
ज्याझ्वःया निर्णायक मण्डलय् लोकंह्वाःम्ह नायक रमेश उप्रेती, मोडल, भिजे व बै्रकर शुभ आचार्य, मिसेस मंगोल नेपाल २०२३ सरिता गुरुङ, मिसेस क्यापिटल क्विन नेपाल–२०२३ लक्ष्मी भुषाल व मिसेस नोबेल नेपाल २०२३ नापं फेसन डिजाइनर सिरोसा सापकोटा च्वयादीगु खःसा ज्याझ्वः रोजिन शाक्यं न्ह्याकादीगु खः । इहिपा जुइधुंकूपिं मिसापिनिगु क्षमता, प्रतिभा अभिवृद्धिया नितिं ग्वसाः ग्वःगु थुगु ज्याझ्वलय् कोरियोग्राफर हिमानी थः हे जोशं जाःगु मुद्राय् ¥यापय् पिलुवःगु खःसा आपालं कलाकारपिन्सं हुलाप्याखं नं न्ह्यब्वःगु खः ।


 

भुपेन्द्रमान शाक्यया न्हूगु म्ये “नुगःया खँ”या म्युजिक भिडियो सोमवाः येँया सीटीसी मलय् पितब्वज्या जुगु दु।

भुपेन्द्रमान शाक्य व रत्नशोभा महर्जनं हालादीगु उगु म्येय् सुरेन्द्र श्रेष्ठया संगीत व संयोजनय् चण्डेश्वर महर्जनया च्वयादीगु खः। अथे हे उगु म्ये नाप भुपेन्द्रमान शाक्यया हे सलय् खस नेपाली भाषाया ‘मधुर बचनले गर सत्कर्म’ बोलया भजन नं पिदंगु खः।

निपुं हे म्ये सुरेन्द्र श्रेष्ठं संगीतबद्ध यानादीगु खः।पितब्वज्या ज्याझ्वलय् डा.निकि शाक्यं लसकुस नुगःखँ व म्येहालामि भुपेन्द्रमान शाक्यं सुभाय् नुगःखँ तयादिल।ज्याझ्वलय् म्युजिक भिडियो निर्देशक विश्वास बज्राचार्य, संगीतकार सुरेन्द्र श्रेष्ठ, म्येच्वमि मध्ये नेवाः म्येया चण्डेश्वर महर्जन व खस् नेपाली भायया म्येया शंकर ज्वालापिन्सं नं नुगःखँ तयादीगु खः।

निपुं हे म्येया बिषयलय् वरिष्ठ सिनेपत्रकार बिजयरत्न असंबरें समालोचना यानादीगु खःसा ज्याझ्वयलय् लेजेण्डरी सिंगर जुजुकाजी रंजित मू पाहाँ कथं झायादीगु खः।

अमोधवीर बज्राचार्य व राष्ट्रिका शाक्य नापनापं मचा कलाकार डेजी बज्राचार्यपिन्सं अभिनय यानातःगु खः। छायाँकन व सम्पादन आकृष्ट शाक्यं यानादीगु दु। म्येया कोरियोग्राफी उपाशना शाक्य व म्येया निर्माण अन्नपुर्ण तुलाधर शाक्यं यानादीगु खः।

कलाकार आर्यम नकःमिया नायःसुइ नेपालभाषा सिनेमा विकास केन्द्र पलिस्था जुगु दु।

बेलायतया डा. शान्तबीर सिंह तुलाधरया संरक्षकय् पलिस्था जूगु उगु केन्द्रया शनिवाः जूगू पदभार लःल्हायेगु ज्याझ्वलय् सिने पत्रकार विजयरत्न असंबरे पाहाँ कथं झायादीगु खः।

शनिवाः पदभार लःल्हाःगु उगु संस्थाया नायः आर्यम नकःमि, न्वकू कथं सबिन शाक्य व ज्ञानीशोभा तुलाधर नेवाः अले मूछ्यान्जे सुनिता राजभण्डारी जुनु, छ्यान्जे नानीहेरा प्रजापति, दाँभरी राजेन्द्रमान शाक्य, लिउ दाँभरी कृता बज्राचार्य व मू दुजलय् अन्नपुर्णेश्वरी श्रेष्ठ, कृष्णभक्त महर्जन, केशरमान ताम्राकार व नरेश सुवाल च्वनादीगु खः।

बलिउड अभिनेता संजय दत्तयात ‘सन अफ सरदार २’ संकिपा त्वःफिकेमाःगु दु। दत्त पिहां वयेधुंकाः थुगु संकिपाया नितिं अभिनेता रवि किशनयात साइन याःगु दु।

मिडडेया कथं वंगु महिनाय् बेलायतं अभिनेता दत्तया भिसा बिइत अस्वीकार यायेधुंकाः संकिपाया कास्टिङ हिलेमा ।थुकिया हुनिं निर्मातां बेलायत उडान यायेमफुगुलिं सन् २०१२ या निगूगु सिक्वेलया कलाकार हिलेगु ज्या याःगु खः। संजयं उगु संकिपाय् भिलेन म्हितेगु तयारी यानाच्वंगु खः।

थुगु संकिपाय् अजय देवगन व मृणाल ठाकुरया मू भूमिका म्हितेत्यंगु खः।समाचारय् न्ह्यथनातःगु दु कि विगतय् संजय जेलय् लाःगु कारणं यानाः स्कटल्याण्डय् शुटिंग जुइमाःगु संकिपाया नितिं बेलायतं माःगु भिसा बीत अस्वीकार याःगु खः। सूत्रया कथं थ्वसिबें न्ह्यः नं तःक्वःमछि दत्तया बेलायतया भिसा रिजेक्ट जुइधुंकूगु दु।

संजयया आः वइगु संकिपा ‘हाउसफुल ५’या शुटिंग तालिकाय् नं बेलायती भिसाया हुनिं लिच्वः लाइगु सम्भावना दु, छाय्धाःसा थ्व संकिपाया शुटिंग सेप्टेम्बरनिसें बेलायतय् जुइत्यंगु खः। थ्व हे हुनिं निर्माता साजिद नादियावालां संजयया पार्ट मुम्बईइ शुटिंग जुइगु घोषणा याःगु दु।

साउथ सुपरस्टार विक्रमं म्हितूगु तमिल–एक्सन–एडभेन्चर संकिपा ‘थंगलन : द सन अफ गोल्ड’ नं नेपाःया स्वकुमिपिन्सं स्वये दइगु जुगु दु।

बैंकटेस इन्टरटेनमेन्टं थ्व संकिपा नेपालय् वइगु जुलाई ३१ तारिखय् रिलिज यायेत्यंगु खः। थ्व संकिपा न्हापाया ब्लकबस्टर साउथ फिल्म ‘केजीएफ’या सत्य बाखंया लिधंसाय् दयेकूगु धाःगु दुसा स्वकुमिपिन्सं स्वयेत लँ स्वयाच्वंगु दु। पा रञ्जितया निर्देशनय् दयेकूगु थुगु संकिपाय् विक्रमलिसें मालविका मोहनन, पार्वती थिरुवुथु, डैनियल कल्टागिरोन लगायतया मू भूमिका दु।

थुकी भारतय् अंग्रेज उपनिवेशया इलय् छम्ह उग्र आदिवासी नेता थंगलनया बाखं न्ह्यथनातःगु दु। थ्व संकिपा भारतीय स्वतन्त्रता संग्रामया लसताय् १५ अगस्तय् हलियक क्यनेत्यंगु दु। विक्रमं थंगलन व मालविकां मोहननया भूमिका म्हितूगु दु।