नेवाः संगीत तिबः पुचःपाखें अय्लाः लूवःम्ह मय्जु म्यें संकिपा अतिकं ल्वकंह्वागु भिंनिन्हुया दुने १८ लखं अपो स्वक्वमि मतिना यागु खना लसंहंसें नेवाः संगीत संकिपा तिवः पुचलं म्यें च्वमि पवन जोशी, गायक गोपालकृष्ण महर्जनलिसें निर्देशक सुरेन्द्र तुलाधर व लय् तयादीम्ह अनिल तुलाधरयात भिंतुना पौ लःल्हायेगु ज्इा जुगु खः।

उगु ज्याझ्वलय् गायक म्यें हालामि महर्जनं थःगु अय्लाः म्यें न्यंका दिलसा नुगःखं तय्गु झ्वलय् जि म्यें गायक मखु अनिल तुलाधरया खं न्यनां कुतः जक यानागु खः आपालं स्वक्वमिपिन्स यय्का दिगुलि आपालं आपा सुभाय् दु धका धयादीसें हानं हानं थः थेहे म्ये हालिइगु कुतः यायेगु धका धयादीगु खः।

अथेहे म्यें च्वमि पवन जोशीं बांलाःगु म्येयात बांलाःगु बाखं दय्का न्हुगु कथंया म्यें प्याखं दय्का स्वकूमि पिनिगु नुगः त्याकेगुलि तसता प्वकादिल। वयकलं शब्द, संगीत व सः यात मदय्क मगागु प्रविधी लिसें प्याखंम्वः ल्यय् फतकी म्यें प्याखन स्वकूपिन्त सालेफू धका थुगु म्युजिक भिडियोपाखे क्यःगु दु धका धयादीगु खः। ज्याझ्वः जयलक्ष्मी सिद्धी बज्रातार्यं न्ह्याकादीगु खः।

सामाजिक सन्देशमुलक नेपालभाषा बाखं दुथ्यागु म्यूजिक भिडियो ‘छप्लाः द्वन जिगु आज्जु तन...’ या निर्माण सम्बन्धी सकतां ज्या क्वचाःगु दु धका निर्देशक पवन जोशीं जानकारी बियादीगु दु।

उगु म्येया च्वमि नं वरिष्ठ निर्देशक पवन जोशी हे खः सा लय् नाप संगीत संयोजक अनिल तुलाधर यानादीगु खः। कृष्ण महर्जनं सः बियादीगुलि विजय मास्कीं रेकर्ड यानादीगु खः।थ्व म्यूजिक भिडियो निर्माणया ज्याय् प्राविधिकपाखे श्रृगार आशा तामाङ्ग, छायांकन, सम्पादन व कलरिङ बाल कुमार मगर, मुख्य सहायक निर्देशक सुरेन्द्र श्रेष्ठं यानादीगु खः।

नांजाःम्ह निर्देशक पवन जोशीया निर्देशनय् तयार जूगु उगु म्ये संकिपाय् कलाकार शुशील श्रेष्ठया नापनापं सपना डंगोल, राजेश श्रेष्ठ, सपना श्रेष्ठ व सिताराम न्हय्म्हफुकीपिन्सं अभिनय यानादीगु खः।म्यूजिक भिडियो निर्देशक पवन जोशीया निर्देशनय् तयार जूगु १२० गु म्ये थ्यःगु दु।

नेपालभाषा एकेडेमीया निंतिं अनक मिडियाया न्ह्यब्वया कथं न्ह्यानावया च्वंगु नेवाःएफ एमया जि नं म्ये हाले सः ज्याझ्वः २५० ब्व पूवंगु लसताय् किपूया किर्तिपुर सिनेप्लेक्स हलय् छगू लसता ज्याझ्वः याःगु दु।

उगु हे ज्याझ्वलय् जि नं म्ये हाले सः रेडियो ज्याझ्वःया न्ह्याकामि व म्ये हालामि गंगादेवी महर्जन व ख्यालिजुजु मदन कृष्ण श्रेष्ठं हालादीगु ज्वः म्ये “कतांमरिया रुप छंगु” या म्ये प्याखं पितब्वज्याया नापनापं म्येहालामि गंगादेवी महर्जनया “कतांमरि” म्येचाः नं उलेज्या जूगु खः। 

ज्याझ्वःया सभाध्यक्ष अनक मिडियाया नायः नबिन महर्जनं लसकुस यानादीगु खःसा नेवाः एफएमया प्रबन्ध निर्देेशक सन्चारकःमि श्रीकृष्ण महर्जन, स्टेशन इन्चार्ज बीरेन्द्र शाक्य व गंगादेवी महर्जन लगायतं जि नं म्ये हाले सः ज्याझ्वः व नेवाः एफएमया बारे थीथी खँ तयादिगु खः। ज्याझ्वलय् विशिष्ट पाहाँपिं ख्यालिजुजु मदनकृष्ण श्रेष्ठ, रत्न बेहोशी बज्राचार्य व जुजुकाजि रन्जित, लोककवि राजभाइ जकःमि, बरिष्ठ सिनेपत्रकार विजयरत्न असंबरे, संगीतकःमि जुगल डंगोल व अनक मिडियाया नबिन महर्जन पिन्सं मंकाः कथं “कतामरी” म्येचाया पितब्वज्या यानादीगु खः।

उगु म्युजिक भिडियोयात कया पाहाँपिं असंबरे व जुगल डंगोल थःगु नुँगः खँ तयादीगु दु। रवि सायमिं निर्देशन यानादीगु “कतांमरीया रुप छंगु” म्ये नं पितब्वज्या जूगु खः। सुदित श्रेष्ठ व राष्ट्रिका शाक्यं म्हितादीगु उगु भिडियोया किपालुमि रोमन मार्स, हुलाप्याखं स्यनामि कृष्णभक्त महर्जन, लय् चिनामि व बाजं ग्वसामि जुगल डंगोल, म्येच्वमि संघरत्न शाक्य, सम्पादन निर्देेशक रवि सायमिं यानादीगु खःसा महेश महर्जनं निर्माण यानादीगु खः।

अमर – छंगु ल्यूल्यू वयाः फुइन बच्छि जोवन
सरीता – छंथाय् वयला कि मवयला जुल मन दोमन..

लोकंह्वाःम्ह म्येहालामि अमर चित्रकार व सरीता महर्जनया सलय् “छंगु ल्यूल्यू” ज्वःम्ये–भिडियो पिदन । ख्यालि जुजु मदनकृष्ण श्रेष्ठया मूपाहांसुइ जूगु ज्याझ्वलय् पितब्वज्या जूगु थुगु म्येय् संगीत व संगीत संयोजन भूपेन्द्र बज्राचार्ययागु खःसा म्येहालामि चित्रकारं हे थुगु म्ये च्वयादीगु थुगु ज्वःम्येया रेकर्डिङ फिरोज बज्राचार्यं यानादीगु खःसा थुगु म्ये रेकर्डिङ ज्योति म्यूजिकय् जूगु खः ।लोकगायक रत्न बेहोशी बज्राचार्यया विशेष पाहांसुइ व ललितपुर महानगरपालिका १६ अध्यक्ष निर्मलरत्न शाक्यया पाहांसुइ सिडिसी सिनेमाज्, सिटिसी मल, सुन्धाराय् जूगु थुगु ज्याझ्वः आरबी जेम एण्ड ज्वेलरी इण्डष्ट्रिज् प्रा.लि.या निर्देशक रिजु महर्जनया सभापतित्वय् जूगु खः । ज्याझ्वलय् मूपाहां ख्यालि जुजु श्रेष्ठयात म्येहालामि सरीता महर्जनं दोसल्लां न्ययेकाः, आरबी डायमण्ड ज्वेलरीया सिइओ रिकेन महर्जनं मतिनाया चिं देछाःसें हंगु खःसा म्ये व म्यूजिक भिडियो देयेकेज्याय् योगदान यानादीपिंलिसें पाहांपिन्त नं मतिनाया चिं देछाःगु खः ।

रवि सायमिं निर्देशन, कृष्णभक्त महर्जनं कोरियोग्राफी, अमर चित्रकारं छायाँकन, सम्पादन व रंग संयोजन नं यानादीगु थुगु म्येया भिडियोय् मनोज महर्जन, नेरिसा महर्जन, कृष्णभक्त महर्जन, निश्चल भुजेल, सुब्रिना चित्रकार लगायत कलाकारपिन्सं अभिनय यानादीगु दु ।

म्ये–भिडियोय् समा सनमकुमार श्रेष्ठ व विमला सापकोटां यानादीगु खःसा थुकिया पोष्ट प्रोडक्सनया भाला सुभाष काफ्लें पूवंकादीगु खः ।

थुगु म्ये स्वयेगु नितिं युट्युब लिंक –
https://www.youtube.com/watch?v=8Wx_J6RGaQU

 

३२ दँया पप स्टार व अभिनेत्री सेलेना गोमेज अर्बपति जूगु दु। ब्लुमबर्गया कथं सौन्दर्य उत्पादन याइगु ‘द रेयर ब्यूटी’ कम्पनीया संस्थापक तकं जुयाच्वंम्ह गोमेजया अनुमानित सम्पत्ति १ अर्ब ३० करोड अमेरिकी डलर थ्यंगु दु।थुकिं याना वय्कः अमेरिकाया दकलय् ल्याय्म्हम्ह अरबपति मध्ये छम्ह जुयादीगु दु।

गोमेजं २०१९ स पलिस्था याःगु ब्राण्डया लिधंसाय् वयागु आम्दानी खः। वयागु मुक्कं सम्पत्तिया ८० प्रतिशत हिस्सा दु। लिपागु दँच्छिया दुने थुगु ब्राण्डं ४० करोड डलर बराबरया सामान मिउगु दु। वय्कःया सम्पत्तिइ मानसिक स्वास्थ्य स्टार्टअप, संगीत एल्बमया बिक्री, स्ट्रिमिङ डील, ब्राण्ड साझेदारी, कन्सर्टया टिकट, अभिनयपाखें रोयल्टी दुथ्याः। गोमेज लिपांगुखुसि २०१६ स संगीतमय विश्व भ्रमणय् वंगु खः।

वयागु लिपांगु एल्बम ’रेयर’ २०२० स पिदंगु खः। थौंकन्हय् वय्कः फिल्म अभिनयय् व्यस्त जुयादीगु दु।थौंकन्हय् वय्कः हुलु कमेडी सिरिज ‘ओनली मर्डर्स इन द बिल्डिङ’य् म्हितूगुलिं एमी अवार्डया निंतिं मनोनित जुयादीगु दु।