लोकह्वाम्ह मोडल नाप निर्देशक हेरुका लामाया निर्देशिनय् ’कस्तो हो यो माया’ म्ये बजारय् वःगु दु। क्यानाडाय् च्वना च्वम्ह लामाया थ्व न्हापागु म्युजिक भिडियो बजारय् हःगु खः।

म्युजिक भिडियो क्यानाडाया थीथी बालागु थासय् छायांकन याना तःगु खः। म्युजिक भिडियोया निर्देशक लामां न्हे न्हापागु पटक छायांकन याःगु खः।

गायक निशान भट्टराई न सः बिउगुलि, लेखु सहयात्रिया संगीत, इश्वर थापाया शब्द, पुरुषोतम सुवेदीं संगीत संयोजन यानादीगु खः। साजन शाह न मिक्सिङ, नरेश विविशीं रेकर्डिङ यागु थुगु म्युजिक भिडियो ई ए प्लस स्टुडियोय् रेकर्ड याःगु खः।

इश्वर थापा व परीथा खड्कां अभिनय यागुलि निर्देशक हेरुका लामां ड्रोन, छायांकन व कोरियोग्राफी यागु खःसा सम्पादन व कलर राजेश कुमारं यानादीगु खः।

लोकंह्वागु नेवाः म्येया न्हून्हूगु भर्सन पिहाँ वयेगु झ्वलय् जुजुकाजि रन्जितया पुलांगु म्ये “नाप च्वने मदुसां”या न्हूगु भर्सनया म्युजिक भिडियो पिहावःगु खःसा मंगलवाः वरिष्ठ लोकगायक रत्न बेहोशीया “भत्ती खों ड्राइभर” म्येया न्हूगु भर्सनया म्युजिक भिडियो पिहावःगु दु।

नेवाः एचडी टिभिपाखें प्रत्यक्ष प्रसारण याना पितब्वज्या याःगु उगु ज्याझ्वलय् वरिष्ठ गायक रत्न बेहोशीया नापं नेपालभाषाया न्हांपाम्ह म्युजिक भिडियो निर्देशक विजयरत्न असंबरे व युवा पत्रकार विराजकाजी राजोपाध्यायपिं विशेष पाहाँ कथं झायादीगु खः। थ्व न्हूगु भर्सनय् सरस्वति मानन्धर व कृष्ण महर्जनया सः दुथ्याना च्वंगु दु।

न्हापा रत्न बेहोशीया च्वसा व लसय् हनातःगु खःसा न्हूगु भर्सनय् दिप तुलाधरं बाजं ग्वयादीगु खः।सुरेन्द्र मानन्धरया निर्देशनय् थुगु म्युजिक भिडियोलय् सरस्वति मानन्धर, भिन्तुना जोशी व अष्ट महर्जन, शान्त प्रजापति, राधेश्याम श्रेष्ठ, सोनी महर्जन, राम मैनाली, उमेश पाण्डेपिन्सं अभिनय यानाखीगु खः। थुकिया किपालुमि बालकुमार मगर व इन्द्र मानन्धरं सम्पादन याःगु  खः।

येँ महानगर १८ वडाया अध्यक्ष न्हुछेकाजी महर्जनया च्वसाय् प्यपु म्येया म्यूजिक भिडियो कन्ह्यः शुक्रवाः असोज १८ गते नेपाः ब्याङ्क्वेटय् छगु ज्याझ्वः दथुइ पितब्वज्या याइगु जूगु दु।

महर्जनया च्वसां पिज्वःगु नेपालभाषाया म्ये मतिनाया सर्गतय्, गुँया कापिं हायाच्वंगु, छंगु मतिना व मांया यःम्ह मचा यानाः प्यपु म्येया म्यूजिक भिडियो पितब्वज्या यानादीत्यंगु खः। येँ मनपा १८ वडाया ग्वसालय् जुइगु पितब्वज्या ज्याझ्वलय् थीथी सांस्कृतिक न्ह्यब्वया नं दइगु ग्वसाः खलकं जानकारी ब्यूगु दु।

पितब्वज्या जुइत्यःगु म्ये मध्ये मतिनाया सर्गतय् म्येय् रोजी डंगोल श्रेष्ठया सः व मनराजा नकःमिया लय् दुसा थुगु म्ये स्ट्रिङ् रिकर्डिङ्ग स्टूडियोस हरि शरण साय्मिं रेकर्ड यानादीगु खः। थुगु म्येय् विनोद कुमरा भुजेलया बाजं ग्वसाः न्यने दइ। म्येया म्यूजिक भिडियोया निर्देशन व कोरियोग्राफी सुरज नापितं यानादीगु खः।

थुगु म्यूजिक भिडियोय् अनुज शाक्य व हस्ना महर्जनया मू अभिनय खनेदइ। म्यूजिक भिडियोया छायांकन व सम्पादन सोहन मानन्धर यानादीगु खः।अथेहे गुँया कापिं हायाच्वंगु म्येय् संजिप प्रधानया सः व अनिल तुलाधरया लय् व बाजं ग्वसाः दुसा थुगु म्ये अन्नपूर्ण स्टूडियो रेकर्ड याःगु खः। म्येया म्यूजिक भिडियोया निर्देशन पवन जोशीं यानादीगु खः। थुगु म्यूजिक भिडियोय् च्वमि महर्जन व सपना डंगोलया मू अभिनय खनेदइ। छायांकन व सम्पादन सोहन मानन्धरं यानादीगुलि कोरियोग्राफ सुरज नापित व ् मीरा डंगोलं समाः याकादीगु खः। म्येय् सरस्वती मानन्धरया आलाप नं न्यने दइ।

छंगु मतिना म्येय ज्वःम्येय् कथं दु। थुगु म्येय् सानु बाबु महर्जन व निशा देशारया सलय् म्येया म्यूजिक भिडियोया निर्देशन पवन जोशीं यानादीगु खः। म्येया च्वमि महर्जन व रूक्साना महर्जनया मू अभिनय यानादीगु खःसा छायांकन व सम्पादन सोहन मानन्धरं यानादीगु खःसा महर्जनं सहनिर्देशक यानादीगु खः।

मांया यःम्ह मचा म्येय् किशोर कुमार शाही व सुद्ध लक्ष्मी श्रेष्ठया सः व अनिल तुलाधरया लय् व बाजं ग्वसाः ग्वयादीगु खःसा म्यूजिक भिडियोया निर्देशन च्वमि महर्जनं यानादीगुलि म्यूजिक भिडियोया छायांकन विजय सिंहं व सोहन मानन्धरं सम्पादन यानादीगु दु । म्यूजिक भिडियोय् नरेन्द्र डंगोल, नानी मय्जु डंगोल, निरज डंगोल, अल्का डंगोल, निजल डंगोलं विशेष ग्वाहालि यानादीगु खः।

भारतीय अभिनेता गोविन्दायात गोलीं लागू दु। खम्पाय् गोली लाना अस्पतालय् भर्ना जूगु दु।

थौ थःगु छेँय् विमानस्थल प्रस्थान यायेगु झ्वलय् गोविन्दाया बन्दुक पड्के जूगु खः।थ्व जानाजान मखुसे दुर्घटनावस जूगु दु धका दाबी याःगु दु। गोविन्दा छगू शोया निति कोलकत्ता वनेत्यःगु खः।

डाक्टरपिन्स गोली शरीरं लिकाये धुकुगु दु व आः खतरामुक्त जूगु दु धका धाःगु दु।

फुलकुमारी महर्जन न्हुगु म्युजिक भिडियो छगु ज्याझ्वः दथुइ पिहावःगु दु। फुलकुमारी थःगु शब्द लसय् थःम्हेसिया म्ये हालादीगु जित छाय् त्वता वना म्येया म्युजिक भिडियो छगु ज्याझ्वः दथुइ लोकगायक रत्न बेहोशी बज्राचार्य बिमोचन यानादीगु खः।

उगु ज्याझ्वलय् जुजुकाजि रन्जित व नेपालभाषाया न्हापांम्ह म्युजिक भिडियो निर्देशक विजयरत्न असंबरे व नाजाम्ह बरिष्ठ निर्देशक पवन जोशीं विशेष पाहाँ कथं झायादीगु खः।

म्येया भिडियोया निर्देशक भेष महर्जन खःसा वीरेनकुमार शाक्यं संगीत संयोजन यानादीगुलि क्यामर व सम्पादन अमर चित्रकारया प्राविधिक सल्लाह कथं तयार जूगु खः।